ပေါဲပၞာန်ဟီုဂှ် ဒှ်အရာသ္ဇက်ဒးရုဲစှ် သာသာသ္ပအ်အ်ဟွံသေၚ် သမ္မတထိုၚ်ဝါန် ဟီု

Taiwan President Tsai Ing-wen delivers a speech on the day of her seventh year anniversary since she held office in Taipei, Taiwan May 20, 2023. Taiwan Presidential Office/Handout via REUTERS

ထိုၚ်ဝါန်၊ မေ (၂၁)

လ္တူတ္ကအ်ထိုၚ်ဝါန် မအုပ်ဓုပ်ဒၟံၚ် နကဵုသၞောတ်ဒဳမဝ်ကရေဇြဳဂှ် လ္ပာ်ဍုၚ်ကြုက်တေံ သၠုၚ်ပ္တိုန်ကၠုၚ် ဇြဟတ်ဂရိုဟ်ပရေၚ်ပၞာန်တုဲ အခိၚ်ပရေၚ်ကြံၚ်မ္ၚိုဟ်တံ သၠုၚ်တိုန်ကၠုၚ်ဒၟံၚ်ဂှ် ပရေၚ်ညိၚ်ဝတ် ကေုာံ ပရေၚ်ၜိုဟ်သြိုဟ် မွဲဒမြိပ်ကလိုဟ်ၜဳထိုၚ်ဝါန်ဂှ် သွက်ဂွံဆက်ထိၚ်ဒက်အာ အတိုၚ်အကာဲအရာလၟုဟ်ဂှ် သမ္မတထိုၚ်ဝါန် သာၚ်အေန်ဝါန် ဟီုဂးလဝ်ရ။

နကဵုထိုၚ်ဝါန် ၜက်ၜေတ်အာဟွံသေၚ်တုဲ ဇြဟတ်ဂရိုဟ်ကြုက်ဂှ်လေဝ် ဒဒှ်ရဒုၚ်ကျအာဟွံသေၚ်ပုဟ်ဂှ် သမ္မတထိုၚ်ဝါန် ဟီုဂးလဝ် ပ္ဍဲကဵုအသေအဟာန် ညးအုပ်ဓုပ်ပေၚ် (၇) သၞာံဂှ်ရ။

ဍုၚ်ကြုက်ဝွံ နွံပၟိက်မ္ဂး ဍုၚ်တ္ကအ်ဂှ် သွက်ဂွံစွံသၟဝ်ထိၚ်ဒဝ်ဍေံသၟးရဂှ်ဟေၚ် ဘပဠဒၟံၚ်လၟိုန်တုဲ ဒုၚ်ဂိုၚ်ကေတ်လဝ် နဒဒှ်အပိုၚ်ဍေံတုဲ နူကဵုသမ္မတညးဗြဴ သာၚ်အေန်ဝါန် ဂွံအဝဵု သၞာံ ၂၀၁၆ တေံတုဲဂှ် ဍုၚ်ကြုက်ဝွံ သွက်ဂွံဒုၚ်တဲ အဝဵုအပိုၚ်အခြာဍေံတံဂှ် သၠုၚ်ပ္တိုန်ဒၟံၚ်ဇြဟတ်ဂရိုဟ်တံ သီုပရေၚ်ဍုၚ်ကွာန် သီုပရေၚ်ပၞာန်ရ။

ညး (သမ္မတထိုၚ်ဝါန်) မဟီုကြီုဒၟံၚ် သွက်ပရေၚ်ဗၠးၜးထိုၚ်ဝါန်လၟိုန်ဂှ် လ္ပာ်ဍုၚ်ကြုက်တေံ ညာတ်လဝ်ညး နဒဒှ်သၟာပါ်တိတ်ရ။

“ပေါဲပၞာန်ဟီုဂှ် ဒှ်အရာသ္ဇက်ဒးရုဲစှ် သာသာသ္ပအ်အ်ဟွံသေၚ်ပုဟ်။ လ္ပာ်လဵုမှလေဝ် အကာဲအရာလၟုဟ်ဂှ် နဒဒှ်အဓိပ္ပာယ် ဟွံညိၚ်ဝတ် သီုဟွံမွဲကဵုဗဗွဲဓဝ်ဂှ် ပြံၚ်လှာဲထောံဟွံဂွံပုဟ်။ ထိၚ်ဒဝ် အကာဲအရာပရေၚ်ၜိုဟ်လလမ် ကေုာံ ပရေၚ်ညိၚ်ဝတ်လၟုဟ်ဂှ်ဟေၚ် သွက်ဂၠးတိကီု သွက်ထိုၚ်ဝါန်ကီုဂှ် ဒှ်အရာတုပ်သၟဟ်မွဲရ” သာ်ဝွံ သမ္မတထိုၚ်ဝါန် ဟီုဂးလဝ်ရ။

ဍုၚ် G7 တံဂှ်လေဝ် ပြသၞာစပ်ကဵုပရေၚ်ထိုၚ်ဝါန်တံဂှ် သွက်ဂွံဂၠါဲသွဟ် မၜိုဟ်လလမ်မွဲဂှ် တုပ်လဝ်စိုတ်ညးသ္ကအ်ရ။

ဟိုတ်နူယဲကပ်ကဝ်ဝေဒ်တုဲ ဍုၚ်ထိုၚ်ဝါန် လၟေၚ်ကမၠောန်ပလံၚ်ဗစိုပ် မ္ဒးလဇုဲအာလဝ်ဂှ် သွက်ဂွံထံက်ပၚ်ကဵု လွဟ်လက်နက် ၚုဟ်မးမၞုံ ဒဝ်ဠာအမေရိကာန် ၅၀၀ မဳလျာန်တံမာန်ဂှ် အလဵုအသဳဗိုၚ်ဒေန် ကေုာံ ထိုၚ်ဝါန် ကၠောန်ဒၟံၚ် ပရေၚ်သဳကၠဳတံဂှ်လေဝ် ဂွံတီကေတ်ရ။

မွဲလ္ပာ်ပၠန်ဂှ် ပေါဲရုဲမာဲထိုၚ်ဝါန်ဂှ် သွက်ဂွံကၠောန်ဗဒှ်အာ ယးသၞာံဂတ ၜိုတ်လဒေါဝ်ဂိတုဂျာန္နဝါရဳဂှ်နွံတုဲ က္တဵုဒှ်ဒၟံၚ်ပရေၚ်ကြံၚ်မ္ၚိုဟ် ကုဍုၚ်ကြုက်ဂှ်ဝွံ ဒှ်ဒၟံၚ်ပရူပရာကဵုက္ဍိုပ် ပ္ဍဲကဵုအစဳဇန်ပေါဲရုဲမာဲတံဂှ်ရ။

Ref: Reuters/gs

Leave a Reply

Your email address will not be published. Required fields are marked *