ကပေါတ်ဗၞိက် Micron ညးမကၠောန်ပ္တိတ်ချေပ် အမေရိကာန်ဂှ် သွက်ပရေၚ်ဂီုကၠီုဇာဇၞိက်တံဂှ် အန္တရာယ်နွံဒၟံၚ် ဗွဲမသ္ကာတ်မြဟ်ရောၚ် ကြုက် သ္ဂုတ်သွာတ်

ပေကျေန်၊ မေ (၂၃)

ကပေါတ်ဗၞိက် (Micron Technology) ညးမကၠောန်ပ္တိတ်ချေပ် အမေရိကာန်ဂှ်ဝွံ ဟိုတ်နူအန္တရာယ် ပရေၚ်ဂီုကၠီုဇာဇၞိက် မသ္ကာတ်မြဟ်တံ နွံဒၟံၚ်ဂှ်ရ ညံၚ်ဂွိုအ်ရာန်သုၚ်စောဲ ဒဒှ်ရတာဒၞါလဝ်ဂှ် ဂကောံထိၚ်ဒဝ် စပ်ကဵုသာ်ပါကြုက် ဟီုလဝ် ပ္ဍဲဂိတုမေ (၂၁) တေံရ။

သွက်စမြိုၚ်သ္ဇိုၚ် တၚ်နၚ်ပရိုၚ်အဓိကတံဂှ် ညံၚ်ပရေၚ်ဂီုကၠီု မဆက်စပ်ကဵုပရေၚ်ထံက်ပၚ်တံ ဂွံချိုတ်ပၠိုတ်ဂှ်ကီု ကေုာံ ညံၚ်ဂွံစဵုဒၞါ အန္တရာယ်ပရေၚ်ဂီုကၠီုသာ်ပါတံဂှ်တုဲ ကၠောန်သ္ပကလေၚ်စၟဳစၟတ်လဝ် ဗၞိက်တိတ်နူ Micron တံဂှ်တုဲ ဒဒှ်ရဟွံအံၚ်ဇၞးလဝ်ဂှ် ပ္ဍဲဂိတုမာတ်ချ် သ္ကုတ်လက္ကရဴဏံ ဍုၚ်ကြုက် လလောၚ်တြးလဝ်ရ။

The Cyberspace Administration of China (CAC) ဍုၚ်ကြုက်ဂှ်ဝွံ ကလေၚ်စၟဳစၟတ်လဝ် ဗၞိက်ပ္တိတ်မိုက်ခရောန် မသွံတြးဒၟံၚ် ပ္ဍဲၝောံဍုၚ်ကြုက်ဂှ်ရ။

တၚ်သ္ဂုတ်သွာတ် မတာဒၞါလဝ် အဝ်ပရေတာဂမၠိုၚ် နူကဵုပွမရာန်ရပ်စပ် ဗၞိက်ပ္တိတ်ဏံဂှ်ဝွံ ဒှ်ကမၠောန် ပူဂဵုတုဲ နကဵုဍုၚ်ကြုက် ဒဒှ်ရဆက်ပံက်အာ ဗွဝ်ဖျာ သွက်ကမၠောန်ပရေၚ်ပိုန်ဒြပ် စပ်ကဵုအလုံ ဂၠးတိဏောၚ်ဂှ် CAC ဟီုဂးလဝ်ရ။

“ဗၞိက်မိုက်ခရောန်ဂှ်ဝွံ သွက်အဆက်ပရေၚ်ထံက်ပၚ် တၚ်နၚ်ပၟိက်ဇၞော်ဍုၚ်ကြုက်ဂှ် သ္ကဵုက္တဵုဒှ်တဴ အန္တရာယ်ပရေၚ်ဂီုကၠီု တီတီတုဲ မ္ၚးနူသ္ကဵုဇီုကပိုက်တဴ ပရေၚ်ဂီုကၠီုကောန်ဂကူဍုၚ်ကြုက်ဂှ် အန္တရာယ်ပရေၚ်ဂီုကၠီုဇာဇၞိက် သ္ကာတ်တ်မြဟ်ဟ်တံလေဝ် နွံဂှ် ကလေၚ်သ္ၚဳဂၠိပ်ဂွံဆဵုကေတ်ရ” သာ်ဝွံ ထ္မံက်ထ္ၜးလဝ် ပ္ဍဲတၚ်လလောၚ်ပ္တိတ် CAC ရ။

ပရေၚ်ကလေၚ်သ္ၚဳဂၠိပ် ဗၞိက်မိုက်ခရောန်ဂှ်ဝွံ ဒဒှ်ရရန်တၟံလဝ် သွက်ဂွံစဵုဒၞါ ပြသၞာပရေၚ်ဂီုကၠီုသာ်ပါ နူကဵုပရေၚ်ဂီုကၠီု ကဆံၚ်ကၟိန်ဍုၚ်ဂှ်ဏောၚ်ဂှ် ဆက်ဟီုဂးလဝ်ဏီရ။

ဂုဏ်ဖဵုဍေံဂှ်မ္ဂး အဝ်ပရေတာ စမြိုၚ်သ္ဇိုၚ်တၚ်နၚ်ပၟိက်ဇၞော်အပ္ဍဲဍုၚ် ဍုၚ်ကြုက်ဂှ်ဝွံ သွက်ဂွံဒေါအ်ဒေၚ်ကဵု ပွမရာန်ရပ်စပ် ဗၞိက်မိုက်ခရောန် ဗွဲမကိတ်ညဳကဵု သၞောတ်ဂီုကၠီုသာ်ဗာ ကၟိန်ဍုၚ်ဂှ်ကဵု စေဝ်ပၞောန်တၞဟ်သ္အာၚ်ဂှ် CAC အာတ်မိက်လဝ် အလဵုအသဳကြုက်ရ။

ဒဒှ်ရဒှ်တဴသွဟ် မၞုံပၟိက် သွက်ဂွံစဵုဒၞါ ပရေၚ်ဂီုကၠီုကောန်ဂကူဂှ် ကြုက် ကဵုက္ဍိုပ်ဟီုဂးလဝ်တုဲ ကဆံၚ်ပွမကၠးမှးဂှ်လေဝ် ဒဒှ်ရသၠုၚ်ပ္တိုန်လဝ် ခိုၚ်ၚ်ဗိုန်န်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

Ref: CGTN