လဂုၚ် – မေ (၂၆)
ရးဒေသလဂုၚ်၊ ပွိုၚ်ဍုၚ်အလိုန် ပ္ဍဲကၠအ်ပ္ကဴတခေန်မျ မၞုံဂၠံၚ်ဇိုၚ်ၜဳဂှ် ပရေၚ်ဗုမ်ပါ်ခတိုဟ် က္တဵုဒှ်လဝ်ၜါဝါရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပ္ဍဲဂိတုမေ စၟတ်တ္ၚဲ (၂၅) အခိၚ်အကြာ (၁၁)နာဍဳဂှ် ပရေၚ်ပါ်ခတိုဟ် က္တဵုဒှ်လဝ်တုဲ ပရေၚ်ဇီုကပိုက်ဒးလဝ်မၞိဟ် ဟၟဲရဂှ် ဂွံတီကေတ်ရ။
ပ္ဍဲကၠအ်ပ္ကဴတခေန်မျဂှ် ဂွံဆဵုကေတ် ပ္ဍဲသၟဝ်တၞံသၠီဍာ်ဂှ် ထိုၚ်ရာပ်ဗာမွဲမ၊ ပ္ဍဲဗလးချောဲ ကၠအ်ပ္ကဴဂှ် ထိုၚ်ရာပ်ဗာလမ္စံက် မွဲမကဵု ဗ္ဒာဲနအမှိက်ဂှ် ထိုၚ်ရာပ်ဗာလမ္စံက် မွဲမတုဲ ကဵုလဝ်ပရိုၚ် ကုဒပ်ကံၚ်ဇြဳပၞာန်တအ်ရဂှ် ဂွံတီကေတ်ရ။
ကြဴနူဂှ် အခိၚ်ကောန်ဒပ်ကံၚ်ဇြဳပၞာန် စိုပ်ကၠုၚ်ဂှ် နူကဵုထိုၚ်သၟဝ်တၞံသၠီဍာ်ကဵု ပ္ဍဲဗလးချောဲဂှ် ပရေၚ်ပါ်ခတိုဟ်က္တဵုဒှ်ကၠုၚ်လဝ်ရ။
စပ်ကဵုပရေၚ်ပါ်ခတိုဟ်ဏံတုဲ ညးဒေသတအ်ဂှ် ဟိုတ်နူကောန်ဒပ်ကံၚ်ဇြဳပၞာန် ဟွံမိက်ပြံၚ်ရးတုဲ အလဵုဍေံတအ် ဖံက်ခတိုဟ်လဝ်ရဂှ် ဟီုသ္ဂးဒၟံၚ်နွံရ။
စပ်ကဵုပရေၚ်ပရောဏံတုဲ လ္ပာ်ဒပ်ဒမၠုက်လ္တူဍုၚ်လေဝ် လလောၚ်တြးလဝ် ဟၟဲဏီရ။
ဂိတုနဝ်ဝေမ်ဗာတုဲကၠုၚ်တေံလေဝ် ဟိုတ်နူပရေၚ်ဗုမ်ခတိုဟ်လဝ် ပ္ဍဲကၠအ်ပ္ကဴတခေန်မျတုဲ ညးတြုံမွဲတၠ ဒးလဝ်ဘဲဝပ်ဏီရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ
sanlontai