လဂုၚ် -မေ (၂၇)
ရးဒေသလဂုၚ်၊ ပ္ဍဲပွိုၚ်ဍုၚ်ဒဂုၚ်သၟဝ်ကျာဂှ် ညးထံက်ဂလာန်ကံၚ်ဇြဳပၞာန် ညးမၞုံဝါဒကောန်ဂကူတၞုၚ်တၞး ဥက္ကဋ္ဌ Myanmar National Organization(MNO) မၞုံယၟု ဥူတေအ်လွေန် ဒးဒုၚ်ပန်ပသောၚ် လဝ်ရဂှ် ညးစုက်လုက်ဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပရေၚ်ဒဒှ်ဂှ် တ္ၚဲဏံ ဂိတုမေ စၟတ်တ္ၚဲ(၂၆) အခိၚ်ဒေါဝ်တ္ၚဲ(၁၂)နာဍဳပြၚ်ဂှ် ဒးဒုၚ်ပန်လဝ် ပ္ဍဲဆေၚ်ဍာ်လက်ဖက်ယှိုဲကောၚ်ကျွာ မၞုံဂၠံၚ်ဗထူ၊ ပွိုၚ်ဍုၚ်ဒဂုၚ်သၟဝ်ကျာရ။

ဟိုတ်နူပန်ပှော်လဝ်တုဲ မကမ်ဖံက်လုပ်ဂွံလဝ် ပ္ဍဲလကြဴဂၞာက္ဍဟ်တုဲ ဒးချိုတ်လဝ် ပ္ဍဲဒၞာဲက္တဵုဒှ်ပရေၚ်ပရေၚ်ရဂှ် ဂွံတီကေတ်ရ။
ပ္ဍဲမုက်လိက်ညးထံက်ဂလာန်ဒပ်ပၞာန်ပေၚ်ပေၚ်၊ ညးချဳဒရာၚ်ပရေၚ်ကောန်ဂကူတအ်ဂှ် စပ်ကဵုပရေၚ်ဥူတေအ်လွေန်ဒးဒုၚ်ပန်လဝ်တုဲ ဒဒှ်ရစိုတ်ဟွံမိပ်ဂှ် ချူတြးလဝ်ဂှ်လေဝ် ဂွံညာတ်ကေတ်ရ။
ကြဴနူပရေၚ်ပန်ပှော် က္တဵုဒှ်လဝ်တုဲဂှ် ကောန်ဒပ်ကံၚ်ဇြဳပၞာန်တအ် ကၠုၚ်စိုပ်စၟဳစၟတ်လဝ်ရဂှ် ညးဒေသတအ် ဟီုသ္ဂးလဝ်ရ။

ပ္ဍဲဂိတုဂျူလာၚ်တုဲကၠုၚ်တေံလေဝ် ဥူတေအ်လွေန် ဒးဒုၚ်ပန်လဝ် ဂတမုက်ဆေၚ်ဍာ်လက်ဖက်ပျိဝမေ မၞုံဂၠံၚ်မေယု(၄) အရာပ်(က) ပွိုၚ်ဍုၚ်ဥက္ကလာပတုဲ ၜိုန်ဟွံချိုတ်ကီုလေဝ် ပ္ဍဲပရေၚ်ဒးဒုၚ်ပန်တ္ၚဲဏံ ဒးချိုတ်လဝ်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ

