ပ္ဍဲကဵုကမၠောန် ပသဲ ကေုာံ ပသဲက္ဍိုၚ်တံဂှ် ယဝ်ရစၞးဒဝ်ဠာ သၠာဲရပ်စပ်သြန်ယောန်မ္ဂး ကဵုအာလာၚ်ဇြေန် ကၠာဏောၚ် လလောၚ်ပ္တိတ်

မတ်မလီု၊ မေ (၃၁)

ပ္ဍဲအရာပၠောပ်ပ္တိုန်နၚ် ပသဲ ကေုာံ ပသဲက္ဍိုၚ် အပ္ဍဲဍုၚ်တံဂှ် စၞးဒဝ်ဠာ ယဝ်ရပြံၚ်လှာဲရပ်စပ်အာ သြန်ယောန်မ္ဂး ပ္ဍဲဒၞါဲကဵုလာၚ်ဇြေန်တံဂှ် ကဵုက္ဍိုပ်ရောၚ် ဂကောံပသဲ ကေုာံ ပသဲက္ဍိုၚ်ဍုၚ်ဗၟာတံ လလောၚ်ပ္တိတ်ကၠုၚ်ရ။

ကၠာတေံ ပ္ဍဲအရာပၠောပ်ပ္တိုန်နၚ် ပသဲ ကေုာံ ပသဲက္ဍိုၚ်တံဂှ် သုၚ်စောဲလဝ် ဒဝ်ဠာမွဲဂကူဓဝ်ဂှ် ဂွံတီကေတ်ရ။

ဆ္ဂး နူကဵုသၞာံ ၂၀၂၃ စဏံတုဲ နူကဵုဌာနက္ဍိုက်ပ်ကူသာန်သွံရာန် ကဵုကၠုၚ်ပရိုၚ် ကုဂကောံပသဲ၊ ပသဲက္ဍိုၚ်ဍုၚ်ဗၟာတံ စၞးဒဝ်ဠာ သွက်ဂွံရပ်စပ်သြန်ယောန်ကြုက်တံရ။

အတိုၚ်ဌာနဝန်ဇၞော်ကူသာန်သွံရာန် ကေုာံ ပရေၚ်ပိုန်ဒြပ် ကံၚ်ဇြဳပၞာန် မကဵုလဝ်အခေါၚ်ဂှ်မ္ဂး ကၠာတေံဂှ် ပ္ဍဲပရေၚ်ဖျေံကဵုလာၚ်ဇြေန် ပသဲ ကေုာံ ပသဲက္ဍိုၚ်တံဂှ် သုၚ်စောဲလဝ် ဒဝ်ဠာသၟးရဂှ် ဂွံတီကေတ်ရ။

အခိၚ်လၟုဟ်ဂှ် နကဵုကမ္ပဏဳဂမၠိုၚ် ၜိုတ်လၟိဟ်ဒဝ်ဠာ မပ္တိုန်လဝ်လာၚ်ဇြေန်ဂှ် ပြံၚ်လှာဲပလေဝ် သြန်ယောန်တုဲ ပ္တိုန်လာၚ်ဇြေန်မာန်ရောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး ဂကောံပသဲ ကေုာံ ပသဲက္ဍိုၚ်ဍုၚ်ဗၟာရ။

စပ်ကဵုတၚ်လလောၚ်ဏံတုဲ နူကဵုသြၚ်လောန်တိုၚ်(မ်) ၜိုန်ရဆက်စၠောံသၟာန်သၟုက်လဝ် ဂကောံပသဲ ကေုာံ ပသဲက္ဍိုၚ်ဍုၚ်ဗၟာ သၟဝ်တဲကံၚ်ဇြဳပၞာန်တံဂှ်ကီုလေဝ် ဟွံဂွံလဝ်အဆက်ရ။

ပ္ဍဲဍုၚ်ဗၟာဂှ် လၟေၚ်သၞာံ ပသဲ၊ ပသဲက္ဍိုၚ်တံကီု သီုကဵုကပေါတ်မဆက်စပ်ဂမၠိုၚ်ဂှ် ဒးပၠောပ်ပ္တိုန်ဒၟံၚ် လျိုၚ်တာန် (၃) ပြကောဋိကိုဋ်ဂှ် ဂွံတီကေတ် နူကဵုတၚ်လလောၚ်တြး ဂကောံတၠ ကမၠောန်ပသဲက္ဍိုၚ်တံရ။

ပရိုၚ်−သြၚ်လောန်တိုၚ်(မ်)

ဗီုဓာတ်−Myanmar Business Directory