ထဝါဲ၊ ဂျောန် (၁)
ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် အပ္ဍဲကွာန်တေန်ဂါန်တုၚ်၊ ပွိုၚ်ဍုၚ်ထဝါဲ၊ ရးဒေသဇၞော်တၞၚ်သဳဂှ်ဝွံ ကၠောန်သ္ပစံၚ်ပလီုဒၟံၚ် သ္ၚိဒၟံၚ်ညးဒေသတံရောၚ်ဂှ် ညးဒေသဂမၠိုၚ် ကေုာံ ဂကောံဇြဟတ်ပၠန်ဂတးတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကရောၚ်ပၞာန်ကံၚ်ဇြဳပၞာန် ဇြဟတ်ဒပ် (၁၅၀) ပြၚ်ပါဂှ်ဝွံ ပ္ဍဲဂိတုမေ (၃၁) အခိၚ်ပယျာံနူဂယးပြဟ်ဟ်ဂှ် နူကဵုလ္ပာ်ကွာန်ယျေဝိုၚ် ကြဴနူလုပ်စိုပ်ပန်ပှော်ကၠုၚ် လွဟ်ဇၞော်လွဟ်ဍောတ် အပ္ဍဲကွာန်တေန်ဂါန်တုၚ်တုဲဂှ် စံၚ်ပလီုပလာ်ဒၟံၚ် သ္ၚိဒၟံၚ်ညးဒေသတံရ။
အတိုၚ်ဂလာန်ညးဒေသတံဂှ်မ္ဂး ဟိုတ်နူဒပ်ကံၚ်ဇြဳပၞာန် စံၚ်ပလီုပလာ်လဝ်ဂှ်ရ ပြဟ်ဟ်ဏံ သ္ၚိဒၟံၚ်ညးဒေသ (၅) မဟွံအောန် ပၟတ်တူလီုလာ်အာတံ နွံဒၟံၚ်တုဲ လၟိဟ်မ ချိုတ်တ်ပၠိုတ်တ်ဂှ် ဟွံဂွံတီကေတ်ဏီပုဟ်ဂှ် သ္ဂးရ။
အပ္ဍဲလၟေၚ်ဒဒှ်ဏံဂှ် ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန်ဂှ်ကဵု ဂကောံမၚ်ကၚ် PDF ဒေသတံ ဟိုတ်နူက္တဵုဒှ်လဝ်ပရေၚ်ပန်ပှော်ဆေၚ်မုက်တံဂှ်ရ ကောန်သ္ဂံၚ် PDF (၁) တၠ ကလိဂွံလဝ်ဝပ်တုဲ သေနာတ် (၂) ဇကိုအ် ဆောံလေၚ်အာလဝ်ရောၚ် ကောန်ဂကောံဒပ်စဵုဒၞါဒေသမွဲတၠ ဟီုရ။
အခိၚ်လၟုဟ်ဂှ် ဟိုတ်နူပရေၚ်ပန်ပှော်လွဟ်ဇၞော် ကရောၚ်ပၞာန်ကံၚ်ဇြဳပၞာန်တုဲ ယာဲကဵုကောန် (၂) တၠ နူကဵုကွာန်တေန်ဂါန်တုၚ်ဂှ် ကလိဂွံလဝ်ဝပ်သ္ကာတ်မြဟ်တုဲ အခိၚ်အာရုၚ်ဂဥုဲထဝါဲ သွက်ဂွံလွဳလွတ်ဂှ် လ္ပာ်ကံၚ်ဇြဳပၞာန် တာဒၞါလဝ် ပ္ဍဲသၞေဟ်ကၚ်ဗျဝ်တဝ်ဝဂှ်ရောၚ်ဂှ် ဂွံတီကေတ်ရ။
ဒပ်ကံၚ်ဇြဳပၞာန် မစံၚ်ပလီုပလာ်ဒၟံၚ် ကွာန်တေန်ဂါန်တုၚ်ဂှ်ဝွံ အခိၚ်မလုပ်စိုပ်ကၠုၚ် အပ္ဍဲကွာန်ဂှ် ရပ်ဒက်လဝ်ညးဒေသ ဥူထောန်ဝေန်ကဵု ကိုဝ်နာၚ်တံ (၂) တၠဂှ်လေဝ် ညးဒေသတံ ဟီုဂးကၠုၚ်ရ။
ဟိုတ်နူကရောၚ်ပၞာန်ကံၚ်ဇြဳပၞာန် လုပ်စိုပ်ကၠုၚ်တုဲ ညးဒေသ နူကဵုကွာန်တေန်ဂါန်တုၚ် အလုံကွာန်မွဲ ဒးဂြိပ်ဒဴပါဲဒလေတ်ဒၟံၚ်ရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−CJ
sanlontai