ဗလးပ္တိုန်လဝ် မေတ်ယှေန် ယှာန်ဂျိုဝ်−၁၆ ပ္ဍဲဗ္ဒိုပ်အာကာသကြုက်

ဗေကျေန်၊ ဂျောန် (၁)

နဒဒှ်မေတ်ယှေန် မၞိဟ်ပါဗက်ကၠုၚ် မရနုက်ကဵုပဉ္စမ ပ္ဍဲဗ္ဒိုပ်အာကာသကြုက်ဂှ် ဒဒှ်ရဗလးပ္တိုန်လဝ် မေတ်ယှေန် ယှာန်ဂျိုဝ်−၁၆ ဂှ် ပရိုၚ်မဳဒဳယျာဍုၚ်ပိုၚ် ထ္မံက်ထ္ၜးလဝ်တုဲ ပ္ဍဲဗ္ဒိုပ်အကာသ မဂေတ်ဂြိပ်ဒၟံၚ် ပေၚ်ၚ် အခိၚ်လၟုဟ်ဂှ်လေဝ် ဒဒှ်ရဗလးပ္တိုန်လဝ် သ္ကိုပ်ယာန်အာကာသပိတၠဂှ် ဟီုဂးလဝ်ကီုရ။

ပ္ဍဲကဵုယာန်အာကာသ ယှာန်ဂျိုဝ်−၁၆ ဟွံသေၚ်မ္ဂး “Divine Vessel” ဂှ် သ္ကိုပ်ယာန်အာကာသပိတၠ ပါဗက်အာတုဲ နူကဵုကမ်လှောဝ် Long March-2F သေန်တာဗလးပ္တိုန်ဂြိုဟ်ပ္တောံ မၞုံပ္ဍဲဂၚ်ဗ္တဳ ဗွဲဒိုဟ် ဗာယပ်ဍုၚ်ကြုက်ဂှ် ပ္ဍဲကဵုအခိၚ်ဍုၚ်ကြုက် ပယျာံဂယး ၉ နာဍဳ ၃၁ မိနေတ်ဂှ် ဗလးပ္တိုန်လဝ်ရ။

သ္ကိုပ်ယာန်အာကာသ နူကဵုယှာန်ဂျိုဝ်−၁၆ ဂှ်ဝွံ ထ္ပက်အာအဇာ ကုကောန်ဂကောံယှာန်ဂျိုဝ် −၁၅ မစိုပ်အာလဝ် ဗ္ဒိုပ်အာကာသ ပ္ဍဲကဵုဂိတုနဝ်ဝေမ်ဗာ တုဲကၠုၚ်တေံဂှ်ဏောၚ်ဂှ် သ္ဂးရ။

ဗ္ဒိုပ်ဏံ မဝ်ဂျူပိပါဂှ်ဝွံ စနူဂိတုဨပရဴ သၞာံ ၂၀၂၁ တေံဂှ်တုဲ ရေၚ်တၠုၚ်လဝ် မေတ်ယှေန် (၁၁) သာ် မဟွံတုဲဒှ်ဏီတံ ကရောံသ္ကိုပ်ဒဳက္ၜၚ်တံဂှ်တုဲ ပ္ဍဲကဵုကၞောတ်သၞာံ ၂၀၂၂ ဂှ် တုဲဒှ်အာလဝ်ရ။

ညးအာက္ဍိုပ် မေတ်ယှေန် ယှာန်ဂျိုဝ်−၁၆ လၟုဟ်ဏံဂှ် ဒှ်သ္ကိုပ်ယာန်အာကာသကဆံၚ်လ္တူ စှ်ေနူတန်ဗ္တောန် သ္ကိုပ်ယာန်အာကာသ ဍုၚ်ကြုက် ပ္ဍဲသၞာံ ၁၉၉၀ တုဲတေံဂှ်တုဲ ညးဝွံ ကျေန်ဟိုၚ်ပေန် အာယုက်မၞုံ ၅၆ သၞာံ မဒှ်ရ။

ညးဝွံ နဒဒှ်သ္ကိုပ်မေတ်ယှေန်ဂှ် သီုကဵုလၟေၚ်တရဴၜါဝါဂှ် ကၠာတေံ ကေၚ်အာစိုပ်လဝ် အာကာသ ပိဝါရ။

ဗေကျေန်ဝွံ အပ္ဍဲသၞာံဏံ သွက်ဂွံဗလးပ္တိုန် မေတ်ယှေန်အာကာသမွဲပၠန် ပ္ဍဲကဵုဗ္ဒိုပ်ကၚ် ဂၠံၚ်တရဴဂြိုဟ် ကွာ်တံဂှ် စၟဳစလဝ်ရ။

သ္အာၚ်နူဂှ်ပၠန် ပ္ဍဲကဵုကၞောတ်သၞာံ ၂၀၂၃ ဏံဂှ်လေဝ် ဍုၚ်ကြုက်ဝွံ စတုဲရပ်စပ်အာ ပၠံၚ်ဒ္ၚေါဝ်ရံၚ်အာကာသ ဇမၞော်တၟာကွဳစက် (Bus) ဏောၚ် မဒှ်ရ။

ပၠံၚ်ဒ္ၚေါဝ်ရံၚ် ဂၠံၚ်တရဴဂြိုဟ်ကွာ် မၞိဟ်တီဂၠိုၚ် နဒဒှ် ယှန်တဳယာန် ဟွံသေၚ်မ္ဂး ပွမဂၠိုက်ဂၠါဲဍုၚ်သွဝ်ဂှ်ဝွံ ဒဒှ်ရဂွံဆဵုကေတ်ဗဗဵုမတ် ဇၞော်သၠဲနူ (၃၅၀) ဆ နူကဵုပၠံၚ်ဒ္ၚေါဝ်ရံၚ်အကာသ ဟာဗာ မဗလးပ္တိုန်လဝ် လောန်ကၠုၚ် ၃၃ သၞာံတေံဂှ် ဟီုကြီုစလဝ်ရ။

Ref: Reuters