တံၚ်ဥူ – ဂျောန်(၂)
ဒုသ္ကိုပ်ဗိုလ်ဇၞော်ယျေဝ်နိုၚ် နူဒပ်ပရေၚ်စဵုဒၞာပၞာန်ကျာ ကံၚ်ဇြဳပၞာန် စၟတ်(၁၀၁၅) ဖျေံသ္ဇိုၚ်တံၚ်အူ၊ ရးဒေသဇၞော်ဗဂေါဂှ် ဒးဒုၚ်ပန်ပသောၚ်လဝ်တုဲ သီဂွံလဝ်ဖုၚ် ကေုာံကွဳလိုန်ဓာတ်ရဂှ် PDF ဗဂေါ လလောၚ်တြးလဝ်ပရိုၚ်ရ။
ဂိတုမေ တုဲကၠုၚ် စၟတ်တ္ၚဲ (၃၁)အခိၚ်ဇိုၚ်သဝ်တ္ၚဲဂှ် ဒပ်စဵုဒၞာညးဍုၚ်ကွာန် ပွိုၚ်ဍုၚ်ယျေတာယှေ ဒပ်လ္ပာ်-၆၊ တံဒပ် PDF ခရိုၚ်တံဥူ ၃၅၀၁ ပန်ပသောၚ်သ္အးလဝ် ပ္ဍဲဂၠံၚ်ဇၞော် – ၁၅၄ မိုၚ်၊ ၈ ဖာလုံဂှ်ရ ဟီုသ္ဂးလဝ်ရ။
သ္ကိုပ်ထံၚ်ပရိုၚ် နူဒပ်စဵုဒၞာပၞာန်ကျာ ဖျေံသ္ဇိုၚ်တံၚ်ဥူ ဒုသ္ကိုပ်ဗိုလ်ဇၞော်ယျေဝ်နိုၚ်ဂှ် သွက်ဂွံထံၚ်ပရိုၚ် ဂကောံဒပ်ပၠန်ဂတးတအ်ဂှ် ဃောအာဒၟံၚ် နကဵုကယိုၚ်ညးအရာပ် ဒပ်စဵုဒၞာညးဍုၚ်ကွာန်တအ် ပန်ပသောၚ်လဝ်ရ။
ဒုသ္ကိုပ်ဗိုလ်ဇၞော်ယျေဝ်နိုၚ် ဒးဒုၚ်ပန်ပသောၚ်လဝ်ဂှ် ဒးချိုတ်လဝ်ပ္ဍဲဒၞာဲဂှ်တုဲ ဒပ်စဵုဒၞာညးဍုၚ်ကွာန်တအ် သီုအန္တရာယ်ဟၟဲမွဲသာ် ဆုတ်ကလေၚ်တိတ် ဗွဲမအံၚ်ဇၞးမာန်ရဂှ် ဓမံက်ထ္ၜးလဝ်ရ။
ရးဒေသဇၞော်ဗဂေါဂှ် ဒှ်ဒၞာဲဇြဟတ်ဒပ်စဵုဒၞာညးဍုၚ်ကွာန်ခိုဟ်ဒၟံၚ်မွဲဒၞာဲတုဲ ဒှ်ဒၞာဲ ညးကၠောန်ကဵုဒၟံၚ်ကမၠောန် သွက်ဒပ်ကံၚ်ဇြဳပၞာန် ကေုာံသွက်ကံၚ်ဇြဳပၞာန်တအ် ဒးဒုၚ်ပန်ပသောၚ်ဒၟံၚ် ခြာဟွံလအ်ဟွံလအ် မွဲဒၞာဲရ။
ပရိုၚ်-သြၚ်လောန်တိုၚ်(မ်)
ဗီုရုပ်- PDF-ဗဂေါ
sanlontai