တိုဝ်ကျိုဝ်၊ ဂျောန် (၂)
ကြဴနူလ္ပာ်ကိုဝ်ရဳယျာသၟဝ်ကျာ လလောၚ်တြး အစဳဇန်ဗလးပ္တိုန် ကမ်လှောဝ်ထိၚ်သၞေဝ်တံတုဲဂှ် ဍုၚ်ဂျပါန်ဝွံ ဒဒှ်ရဆန္ဒမၞုံ ကုပရေၚ်ပံၚ်တောဲရေၚ်တၠုၚ် စပ်ကဵုပရေၚ်ဂီုကၠီု ဇြိုဟ်ဟ်နက်က် ကုအလဵုအသဳဝါယှေန်တာန်၊ ကိုဝ်ရဳယျာသၠုၚ်ကျာတံဂှ် ဝန်ဇၞော်ကာစဵုဒၞါဂျပါန် ဟီုဂးလဝ်ရ။
ပ္ဍဲကဵုကောံဓရီု မကၠောန်ဗဒှ်လဝ် ပ္ဍဲဂိတုဂျောန် (၁) ပ္ဍဲဍုၚ်တိုဝ်ကျိုဝ် အခိၚ်မဟီုဂးလဝ်ကဵု ဝန်ဇၞော်ကာစဵုဒၞါအမေရိကာန်ဂှ် ဟီုဂးလဝ်ရ။
ဝန်ဇၞော်ကာစဵုဒၞါဂျပါန်ဂှ် “လ္ပာ်ကိုဝ်ရဳယျာသၟဝ်ကျာတေံ ဟိုတ်နူလလောၚ်တြးလဝ် အစဳဇန်ဗလးပ္တိုန်အမၠံက် တၠုၚ်လအာနွံတံတုဲဂှ်ရ နကဵုပိုယ်တံ အကြာဂျပါန်၊ အမေရိကာန် ကေုာံ ROK (ကိုဝ်ရဳယျာသၠုၚ်ကျာ) တံဂှ် မိက်ဂွံဂွံတၚ်တုပ်စိုတ် ဇြဟတ်ခိုဟ်မွဲရ” သာ်ဝွံ ဟီုဂးလဝ်ကဵု ဝန်ဇၞော်ကာစဵုဒၞါအမေရိကာန်ရ။
ဝန်ဇၞော်ကာစဵုဒၞါအမေရိကာန်ဝွံ အခိၚ်မတိတ်အာ သွက်ဂွံတိုန်စိုပ် ပေါဲသဳကၠဳယှာန်ဂရဳလာ စပ်ကဵုပရေၚ်ဂီုကၠီုအာဇြဳယာန် မကၠောန်ဗဒှ်အာ ပ္ဍဲဍုၚ်သေန်ကာပေါဝ်ဂှ် လုပ်စိုပ်လဝ် ပ္ဍဲဍုၚ်ဂျပါန် မွဲဒၞါဲတုဲ အာစိုပ် သီုကဵုဍုၚ်အိန္ဒိယ ကေုာံ ပြၚ်သေတ်တံကီုဏောၚ်ဂှ်လေဝ် ဂွံတီကေတ်ရ။
တုဲကၠုၚ် ပ္ဍဲတ္ၚဲဗြဴဗ္တိတေံ ပရေၚ်ဗလးပ္တိုန်ကမ်လှောဝ် မကဵုလဝ်ယၟု ဂြိုဟ်ပ္တောံစပ်ကဵုပရေၚ်ပၞာန် ကိုဝ်ရဳယျာသၟဝ်ကျာဂှ်ဝွံ ၜိုန်ရဟွံအံၚ်ဇၞးလဝ်ကီုလေဝ် ပ္ဍဲကဵုဂျပါန် ကေုာံ ဍုၚ်ကိုဝ်ရဳယျာသၠုၚ်ကျာ ဒၞါဲလ္ၚဵုလ္ၚဵုတံဂှ် က္တဵုဒှ်အာလဝ် အကာဲအရာပရေၚ်ဂီုကၠီုကာတၟေၚ်ရ။
ဝန်ဇၞော်ကာစဵုဒၞါအမေရိကာန်ဂှ် အခိၚ်ဒးဆေၚ်ဒၟံၚ်မုက် ကုတၚ်ကော်ဆဴ ကြုက် ကေုာံ ရုယှာတံဂှ် နကဵုညး ဒဒှ်ရမိက်ဂွံသၠုၚ်ပ္တိုန် ပရေၚ်ဆက်ဆောံ ကုမဟာမိတ်တံဂှ် ဟီုဂးလဝ်ရ။
Reuters
sanlontai