ပ္ဍဲပေါဲဗတိုက်လှာဒကှ် လ္ပာ်ကံၚ်ဇြဳပၞာန် ဒးချိုတ်လဝ် (၁၀) တၠ ဒးလဝ်ဘဲဝပ် (၁၅) တၠ

လှာဒကှ်၊ ဂျောန် (၄)

တွဵုရးကရေၚ် ပ္ဍဲပေါဲဗတိုက်လ္တူဍုၚ်လှာဒကှ် လ္ပာ်ကံၚ်ဇြဳပၞာန်ဒးချိုတ်လဝ် (၁၀)တၠတုဲ ဒးလဝ်ဘဲဝပ် (၁၅) တၠရကီု စမြိုၚ်လ္ၚဵုဂှ်လေဝ် ပလီုပလာ်မာန်လဝ်ရဂှ် ဒပ်ချဳဒရာၚ်ပၞာန်တၟေၚ် S.O.F လလောၚ်တြးလဝ် ပ္ဍဲဂိတုဂျောန် စၟတ်တ္ၚဲ(၃)ဂှ်ရ။

ဗဒိုပ်ဗၠာဲသၟိၚ်ပွိုၚ်ဍုၚ်၊ တံဒပ်ခလရ (၂၈၄) ကေုာံ ရုၚ်အုပ်ဓုပ်နာနာ၊ ရုၚ်လဝက၊ ရုၚ်ဆက်စၠောံ၊ ရုၚ်အကံက်အခေါန်၊ ရုၚ်နာဲဗ္စာသၞောဝ်ဓဝ် ကောန်ဒပ်ကံၚ်ဇြဳပၞာန်ဖျေံလဝ်ဗဒိုပ် မၞုံသၟဝ်တဲကံၚ်ဇြဳပၞာန် လ္တူဍုၚ်လှာဒကှ်တအ်ဂှ် ပ္ဍဲဂိတုဂျောန် စၟတ်တ္ၚဲ (၂) အခိၚ်နူဂယး (၅)နာဍဳဂှ် ဒပ်ချဳဒရာၚ်ပၞာန်တၟေၚ် KNLA – S.O.F ကေုာံ ဒပ်ဒရုမ် Cloud Wings တအ် ပံၚ်တောဲတုဲ လုပ်ဗတိုက်လဝ် မွဲအခိၚ်ဓဝ်ရ။

ပ္ဍဲပေါဲဗတိုက်လှာဒကှ် လ္ပာ်ကံၚ်ဇြဳပၞာန် ဒးချိုတ်လဝ် (၁၀) တၠ ဒးလဝ်ဘဲဝပ် (၁၅) တၠ
ပ္ဍဲပေါဲဗတိုက်လှာဒကှ် လ္ပာ်ကံၚ်ဇြဳပၞာန် ဒးချိုတ်လဝ် (၁၀) တၠ ဒးလဝ်ဘဲဝပ် (၁၅) တၠ

ပ္ဍဲပရေၚ်ဗတိုက်ပန်ပှော်ဂှ် ဗဒိုပ်ဗၠာဲသၟိၚ်ကံၚ်ဇြဳပၞာန် ကေုာံရုၚ်တအ်ဂှ် သၠေက်သၠံၚ်ခရိုဟ်လီုအာတုဲ လ္ပာ်ကံၚ်ဇြဳပၞာန် ကောန်ပၞာန်ကီု သီုဗၠာဲသၟိၚ်ဗ္ဒာဲ (၁၀) တၠ ဒးချိုတ်လဝ်တုဲ ဒးလဝ်ဘဲဝပ်သ္ကာတ်မြဟ် (၁၅) တၠကီု သ္ဂံၚ်လ္ပာ် S.O.F (၂) တၠ ဒးလဝ်ဘဲဝပ်ပ္ဍဲဇိုၚ် ကေုာံ သ္ဂံၚ်ဒးလဝ်ကဝေက်မာၚ်ပ္ဍဲသြိုဟ် ဟွံဒးဒှ်ဓဝိၚ် နွံ (၁) တၠရဂှ် ဓမံက်လဝ် ပ္ဍဲတၚ်လလောၚ်တြးရ။

သ္အာၚ်နူဂှ်ပၠန် ပ္ဍဲပေါဲဗတိုက်ဂှ် ဒပ်ကံၚ်ဇြဳပၞာန် ဗက်ဂၠာဲပန်ပှော်ဒၟံၚ် ကဵုလွဟ်ဇၞော်၊ က္ၜၚ်ကျာ လ္တူဍုၚ်ဒၞာဲဗွဲမဂၠိုၚ် ကြာန်ကြာန်တုဲ ပ္ဍဲစမြိုၚ်ပရေၚ်ဘာသာဂကောံဇြဟတ်ပၠန်ဂတးတအ်ဟၟဲဂှ်လေဝ် ပ္တဝ်လဝ်တုဲ ဒၟာနူပန်ပှော်လဝ်ဂှ်ရ ခမဳ (၁)ဇကု ကေုာံ ညးဒေသ (၂)တၠလေဝ် ဇီုကပိုက်ဒးဘဲလွဟ်ဇၞော် ဒးချိုတ်လဝ်တုဲ စမြိုၚ်ပရေၚ်ဘာသာကီု သီုသ္ၚိဒၟံၚ်မၞိဟ်ဗွဲမဂၠိုၚ် ဒးလီုလာ်ခရိုဟ်လီုလဝ်ရဂှ် ဟီုသ္ဂးလဝ်ရ။

ပ္ဍဲပေါဲဗတိုက်လှာဒကှ် လ္ပာ်ကံၚ်ဇြဳပၞာန် ဒးချိုတ်လဝ် (၁၀) တၠ ဒးလဝ်ဘဲဝပ် (၁၅) တၠ

အတိုၚ်တၚ်လလောၚ်တြး ဂကောံပရေၚ်အုပ်ဓုပ်ညးဍုၚ်ကွာန် ပွိုၚ်ဍုၚ်လှာဒကှ် လလောၚ်တြးလဝ်မ္ဂး ပ္ဍဲပရေၚ်ဒဒှ်ပေါဲဗတိုက်ဂှ် ကောန်ဒပ်ကံၚ်ဇြဳပၞာန် ပ္တဝ်လဝ်ကဵုကောန်အရာပ်ညးဍုၚ်ကွာန်တုဲ ဟိုတ်နူပန်ဗတိုက်လဝ် စမြိုၚ်ပရေၚ်ဘာသာကေုာံ လ္တူအရာပ်မၞိဟ်မံၚ်တအ်ဂှ်ရ။ ခမဳသၚ်မွဲဇကု သီုကောန်ၚာ်သၟတ်မွဲတၠ ကောန်အရာပ် (၄) တၠ ဒးချိုတ်လဝ်တုဲ ကောန်ထပိုဲ (၁) ဇကု ဇီုကပိုက် ဒးလဝ်ဘဲဝပ်ရဂှ် လလောၚ်တြးလဝ်ရ။

ဒပ်ကံၚ်ဇြဳပၞာန်ကဵု သ္ကံပွံၚ်ဌာမဆေၚ်စပ်တံဂှ် ပ္ဍဲဒၞာဲမၚ်ကၚ် လ္တူဍုၚ် မ္ၚးဍုၚ်လှာဒကှ်တအ်ဂှ် ဗက်ရပ်ဒၟံၚ်ညးဍုၚ်ကွာန် ဟိုတ်ဟၟဲမွဲသာ်ကီု၊ သီကေတ်ဒၟံၚ် ကပေါတ်ကညောတ်ကီု မ္ၚးနူဂှ် ပရေၚ်ပြိုက်ဂစိုတ်လေဝ် နွံဒၟံၚ်ခြာဟွံလအ်ဟွံလအ်တုဲ ပ္ဍဲအရာပ်လ္တူဍုၚ်ကီု ကွာန်နွံဗ္ဒာဲဗ္ဒာဲဂှ်လေဝ် ပန်ဖျေံဒၟံၚ်လွဟ်ဇၞော် အရိုဟ်ဒဒှ်တ္ၚဲရဂှ် ဒပ်ချဳဒရာၚ်ပၞာန်တၟေၚ် – S.O.F လလောၚ်တြးလဝ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်- S.O.F

Leave a Reply

Your email address will not be published. Required fields are marked *