သာလေန်ဂျဳ၊ ဂျောန်(၆)
ရးဒေသသေတ်ဂါၚ်၊ ပွိုၚ်ဍုၚ်သာလေန်ဂျဳ ပ္ဍဲသြၚ်ကြုၚ်ချေၚ်သ္ကုတ်ပလိုတ်ဂှ် ကရောၚ်ပၞာန်ကံၚ်ဇြဳပၞာန် ဇြဟတ်မၞုံ (၁၀၀) ဟိုတ်နူထ္ပက်လုပ်ကၠုၚ်ပၞာန်တုဲ ညးဍုၚ်ကွာန်ကဵုလ္ၚီ ဒးဂြိပ်ဒဴဒၟံၚ်ရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောတိုၚ်(မ်)ရ။
ဂိတုဂျောန် စၟတ်တ္ၚဲ (၄) အခိၚ်နူဂယးဂှ် ကရောၚ်ပၞာန် ကၠောံကၠုၚ်နူမုမ်ယွာဂှ် စိုပ်ကၠုၚ်လ္ပာ်ညံၚ်ပေန်ဂျဳရ။

ဟိုတ်နူဒပ်ကံၚ်ဇြဳပၞာန်လုပ်စိုပ်ကၠုၚ်တုဲ ညးဍုၚ်ကွာန် ပ္ဍဲကွာန် မၞုံဂကောံကွာန် ညံၚ်ပေန်ဂျဳ (၆)ကွာန်တအ် ဒးဂြိပ်ဒဴပါဲဓလေတ်ဒၟံၚ်ရ။
ကရောၚ်ပၞာန်ဏံ ကလေၚ်ကော်နၚ်လဝ် ကိုဝ်ဗဂျဳ ညးလုပ်ဂကောံ ပ.အ.ဖ သာလေန်ဂျဳ ဒးဒုၚ်ရပ်လဝ်ပ္ဍဲညံၚ်ပေန်ဂျဳ ပ္ဍဲဂိတုဂျောန် စၟတ်တ္ၚဲ (၃)တုဲကၠုၚ်တေံတုဲ ထ္ပက်လုပ်ကၠုၚ်ကရောၚ်ပၞာန်ရဂှ် ဂွံတီကေတ်ရ။

အခိၚ်လၟုဟ်ဏံ ကရောၚ်ပၞာန်ဂှ် ဖျေံလဝ်ဗဒိုပ်ယာယဳ ပ္ဍဲညံၚ်ပေန်ဂျဳ (၂)ဒၞာဲတုဲ ဆက်ပ္တဝ်အာက္ဍိုပ် လ္ပာ်လဵုရောဂှ် ဟွံဂွံတီကေတ်ဏီရ။

ကြဴနူဒပ်ပၞာန်သီအဝဵုတုဲ ပ္ဍဲရးသေတ်ဂါၚ် ညးဍုၚ်ကွာန် ဗ္ဒာဲ (၁၆၀၀) ဒးဒုၚ်ပြိုက်ဂစိုတ်လဝ်ရဂှ် ဓမံက်ထ္ၜးလဝ် ပ္ဍဲဂကောံမၚ်မွဲရံၚ်စံၚ် ကောန်ထံၚ်ပရေၚ်ဍုၚ်ကွာန် AAPP ရ။
ပရိုၚ်-သြၚ်လောန်တိုၚ်(မ်)
ဗီုရုပ် – အောင်ခဇြဝ်

