ညးပါဲဒဴဘဲပၞာန်ဒေသယာဒိုဝ် မ္ဒးဂြိပ်ဒဴဒၟံၚ်အလုံကွာန်မွဲတံ နွံပၟိက်ဒၟံၚ်ကဵု အရီုဗၚ်ပရေၚ်ဗ္စာရဏာမၞိဟ်
sanlontai (သံတောၚ်ကြီး) ၊ ဂျူလာၚ် (၂၅) သွက်ညးဍုၚ်ကွာန်ပါဲဒဴဘဲပၞာန် နူကဵုကွာန် မၞုံအပ္ဍဲဒေသယာဒိုဝ် သ္ကုတ်သၟဝ်ကျာတွဵုရးကရေၚ် မ္ဒးဂြိပ်ဒဴပါဲဒလေတ်ဒၟံၚ် အလုံကွာန်မွဲ ဒၟါနူပေါဲဗ္တိုက်တံဂှ် နွံပၟိက်ဒၟံၚ်ကဵု အရီုဗၚ်ဇွောံမစၞစ၊ ဂဥုဲဇဗ ကေုာံ ကပေါတ်အရပ်စပ်တံရောၚ်ဂှ် ညးမရီုဗၚ်ရေၚ်တၠုၚ်ကဵုဒၟံၚ် ပရေၚ်ပါဲဒဴဘဲပၞာန်တံ ဟီုရ။ ပပ္တံနူ ဂိတုဂျူလာၚ် (၁၁) တုဲကၠုၚ်တေံတုဲ ပ္ဍဲကဵုကွာန်ယာဒိုဝ်၊ ဍုၚ်ဠုက်ဒိုဝ်၊ ပွိုၚ်ဍုၚ်(သံတောၚ်ကြီး) ပယျဵုတွဵုရးသေံ ကဵု တွဵုရးကရေၚ် မၞုံအပ္ဍဲတိဍာ်ဒပ်မဟာ…