ဝါယှေန်တာန်၊ ဖေဖဝ်ဝါရဳ ၆ ဌာနပရေၚ်ဒုၚ်ကာတိုက်လိက် အမေရိကာန် USPS ဒေါအ်ဇူထောံ ပွမဒုၚ်တဲ ကပေါတ်ပါသေဝ် မပလံၚ်နၚ် နူကဵုဍုၚ်ကြုက်ကဵု ဟံၚ်ကံၚ်တံ ဗွဲယာယဳရ။ ပ္ဍဲကဵုပရေၚ်ဒေါအ်ဇူဏံဂှ် လိက် ဟွံပါလုပ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး ဝပ်သာ် USPS ရ။ ကၠာဟွံဂွံထပ်လလောၚ်တြးကၠုၚ် ပရေၚ်ဏံ မွဲဝါပၠန်ဂှ်တှ်ေ ဒဒှ်ရဒေါအ်ဇူအာဂှ် USPS ဟီုလဝ်ကီုလေဝ် ဟိုတ်ဂွံသ္ဂုတ်သွာတ်သာ်ဏံဂှ် ဟွံထ္မံက်ထ္ၜးလဝ်ရ။ ကြဴနူသမ္မတဒဝ်နေဝ်ထြာမ်…
မတ်မလီု၊ ဖေဖဝ်ဝါရဳ ၆ ကရောၚ်ပၞာန်ရာမည မပံၚ်ကောံဒက်ပ္တန်လဝ် နူဒပ်မန်ပန်ဂှ်ဝွံ သၞာံဏံ အပ္ဍဲပွိုၚ်ပန်ဂိတုကိုပ်ကၠာဏံဂှ် ဂွံကၠောန်ပြုပြေၚ်ပၞာန် ဗီုပြၚ်ပၞာန်ထ္ပက်တံဂှ် ဟွံဒှ်ဒတုဲဏီပုဟ်ဂှ် ထ္မံက်ထ္ၜးလဝ် ပ္ဍဲလိက်စံၚ် ဇြဟတ်ရာမညဖေဝ်ဒရာခေတ်တၟိ NRFF မလလောၚ်ပ္တိတ်လဝ်ဂှ်ရ။ ပ္ဍဲဂိတုဖေဖဝ်ဝါရဳ ၄ တေံ NRFF ဆက်မိတ်ကၠုၚ်လိက်စံၚ်မွဲ ပရူဒပ်ပံၚ်ကောံမန် မဂ္စါန်ဒၟံၚ်သွက်အခေါန်စၞောန်ပျးအပိုၚ် ပ္ဍဲလိက်စံၚ်ဏံ လၟေၚ်ဒဒှ်တၟေၚ်တၟဟ် စပ်ကဵုပရေၚ်ပံၚ်တောဲ၊ တၚ်သ္ၚဳဂၠိပ်ပါ်ပါဲ ကေုာံ တၚ်ကဵုကသပ်တံ မပါလုပ်ဂှ်…
(သိမ်ဇရပ်) ၊ ဖေဖဝ်ဝါရဳ ၆ ဒပ်ကံၚ်ဇြဳပၞာန် မဖျေံလဝ်ဗ္ဒိုပ် ပ္ဍဲဒၞါဲကၠောန်ပ္တိတ်တၟအ် ဗ္ဒါဲဍုၚ်(သိမ်ဇရပ်) ပွိုၚ်ဍုၚ်ကျာ်ထဝ် တွဵုရးဍုၚ်မန်ဂှ် ဒးဒုၚ်ဗ္တိုက်ကဵုဒရုၚ်တုဲ ပရေၚ်ဇီုကပိုက်ချိုတ်တံ နွံမာန်ရောၚ် ဂွံတီကေတ် နူကဵုဂကောံဒပ်ပၠန်ဂတးတံရ။ တုဲကၠုၚ်ပ္ဍဲဂိတုဖေဖဝ်ဝါရဳ ၄ တေံ ဇိုၚ်သဝ်တ္ၚဲ ၜိုတ် ၅ နာဍဳဂှ် ဂကောံဇြဟတ်ပၠန်ဂတးတံ ဗ္တိုက်ထောံလဝ်မခတိုဟ် နကဵုဒရုၚ် ကုဒပ်ကံၚ်ဇြဳပၞာန် မလုပ်စိုပ်ဖျေံလဝ်ဒပ် အပ္ဍဲစမြိုၚ်ရုၚ် ဒၞါဲကမၠောန်ကၠောန်ပ္တိတ်တၟအ်ဂှ်ရ။ အပ္ဍဲပရေၚ်ဗ္တိုက်ဏံဂှ်…
မတ်မလီု၊ ဖေဖဝ်ဝါရဳ ၆ ပ္ဍဲဍုၚ်ဗၟာ အပ္ဍဲကာလသီအဝဵု ပွိုၚ်ပန်သၞာံဏံ ဟိုတ်နူဗ္တိုက်စွံကၠုၚ်ပွန် ကုညးဍုၚ်ကွာန်ကောန်အရာပ်တံတုဲ နူကဵုသွာၚ်ပရေၚ်ထတ်ယုက် ကေုာံ ပရေၚ်ပညာတံဂှ် မၞိဟ်ဗ္ဒါဲ ၄၀၀ ချိုတ်အာလဝ်ရောၚ် ဥူကျဝ်ဇြဝ် ညးမၞုံအခေါၚ်ဟီုဂး ရုၚ်သမ္မတ အလဵုအသဳညဳသၟဟ်ဂကူ ဟီုရ။ အပ္ဍဲကာလသီအဝဵု ပွိုၚ်ပန်သၞာံဏံ နူကဵုဒပ်ကံၚ်ဇြဳပၞာန် စွံပွန်ဗ္တိုက်ကၠုၚ် နကဵုတၚ်ရန်တၟံနွံနွံဂှ်တုဲ ဘာဗ္တောန်လိက် ၂၄၅ မ၊ ရုၚ်ဂဥုဲ ၃၄၀ မပြၚ်…
ရေဝ်၊ ဖေဖဝ်ဝါရဳ ၆ အပ္ဍဲပရေၚ်ပန်ပှော် ဗ္ဒိုပ်ဗၠာဲသၟိၚ်ၝောံဍုၚ်ရေဝ် လ္တူဍုၚ်ရေဝ် တွဵုရးဍုၚ်မန်ဂှ် ကောန်ဒုဟ်ကလေၚ်ရပ်ဂွံ ထပှ်တၠ ဒးဒုၚ်ပန်ဂစိုတ်လဝ်ရောၚ် ညးမစုက်လုက်ကဵုဗ္ဒိုပ်ဗၠာဲသၟိၚ်ဂမၠိုၚ် ပါလုပ်သီုကဵုဂြောဝ်ဂတာညးတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ တုဲကၠုၚ် ဂိတုဖေဖဝ်ဝါရဳ ၁ တေံ ဂကောံဒုဂအုပ်ဗၠာဲသၟိၚ် ဗ္ဒိုပ်ဗၠာဲသၟိၚ်ၝောံဍုၚ်ရေဝ် နာၚ်လွေန်ဥူ က္ဍိုက်ပ်တုဲ အခိၚ်ကၠုၚ်ပလံၚ်ပုၚ် ပ္ဍဲဗ္ဒမ်အချုက်ဂှ် ကောန်ဒုဟ်ဂမၠိုၚ် ပၠံၚ်လွဟ်တုဲ ပန်ပှော်ဂြိပ်တိတ်အာလဝ်တံ က္တဵုဒှ်လဝ်ရ။ အပ္ဍဲပရေၚ်ပန်ပှော်ဏံဂှ်…
ဝါယှေန်တာန်၊ ဖေဖဝ်ဝါရဳ ၅ သမ္မတအမေရိကာန် ဒဝ်နေဝ်ထြာမ် သွက်ဂွံကၠောန်သြန်ဗွဝ် ပိုန်ဒြပ်ကၟိန်ဍုၚ် သွက်အမေရိကာန်ဂှ် ဂါံကၠုၚ်လဂါံဇိုၚ် ပထမကိုပ်ကၠာအိုတ်တုဲ နကဵုသြန်ဗွဝ်ဏံဂှ် ရာန်ကေတ် Tik Tok မာန်ရောၚ် ဟီုလဝ်ရ။ သြန်ဗွဝ်ဏံဝွံ ခြာဟွံလအ် ပ္ဍဲကဵုသြန်ဗွဝ်ဇၞော်အိုတ်ဂမၠိုၚ်ဂှ် ဒှ်ကၠုၚ်မွဲကီုဏောၚ် သမ္မတထြာမ် ဟီုလဝ်တုဲ အမိၚ်တၟေၚ် မစအာလၟေၚ်ကမၠောန်ချိုန်ခဏဂွံတံဂှ် ထ္ပက်လဝ်စၟတ်တဲ ပ္ဍဲဂိတုဖေဖဝ်ဝါရဳ ၃ တေံရ။ ပ္ဍဲကဵုကၟိန်ဍုၚ် ၉၀…
နေဗျဳဒဝ်၊ ဖေဖဝ်ဝါရဳ ၅ နကဵုဗော်ပရေၚ်ဍုၚ်ကွာန် မလုပ်စိုပ်ပြိုၚ်ပ္ကာန်အာ ပ္ဍဲပေါဲရုဲမာဲကံၚ်ဇြဳပၞာန် မကၠောန်ဗဒှ်အာဂှ် ဒးရေၚ်တၠုၚ်အာ ပရေၚ်ဒစးဒုၚ်ပလေတ်ပလေတ် မနွံပၟိက်တံဏောၚ်ဂှ် က္ဍိုပ်သ္ကိုပ်ပၞာန် သ္ကိုပ်ပၞာန်ဇၞော် မေန်အံၚ်လှာၚ် ဟီုရ။ ကြဴနူပပဵုပ္တိုန်အာယုက်ကာတၟေၚ် ၆ ဂိတုတုဲ ပ္ဍဲကဵုကောံဓရီုပ္ညဳပ္ညပ်ကမၠောန် ဂကောံအလဵုအသဳကၟိန်ဍုၚ် မကလေၚ်ဒက်ပ္တန်လဝ်ဂှ် စပ်ကဵုပရေၚ်ကၠောန်ဗဒှ်ပေါဲရုဲမာဲတုဲ ဟီုဏာလဝ်ရ။ သွက်ဂွံစန်ဒက်မာဲဂှ် ပရေၚ်ဂီုကၠီု ကေုာံ ပရေၚ်ညိၚ်ဝတ် ဒးနွံဏောၚ်တုဲ လ္ပာ်ကံၚ်ဇြဳပၞာန် ညံၚ်ပေါဲရုဲမာဲဂွံအံၚ်ဇၞးဂှ် ကိစ္စမ္ဒးပလေဝ်ပလေတ်တံဂှ်…
ၜဳကလေၚ်၊ ဖေဖဝ်ဝါရဳ ၅ ပ္ဍဲပေါဲဗ္တိုက်သီဗ္ဒိုပ်ကံၚ်ဇြဳပၞာန် ဗျူဟာမေဝ်ပလဳကံၚ် ဖျေံသ္ဇိုၚ်ကွာန်မေဝ်ပလဳ ပွိုၚ်ဍုၚ်ၜဳကလေၚ် တွဵုရးဍုၚ်မန်ဂှ် လ္ပာ်ကံၚ်ဇြဳပၞာန်ဂှ် ကောန်ဒပ်ဗ္ဒါဲ ၂၀ တၠ ပါလုပ်သီုကဵုသ္ကိုပ်ဗျူဟာ ကေုာံ သ္ကိုပ်တမ်ဒပ်တံ ထောံလသာဗ္ဒိုပ် ဂြိပ်အာလဝ်ရောၚ် ဗျူဟာပၞာန် စၟတ် ၂၇ ဒပ်စဵုဒၞါညးဍုၚ်ကွာန် PDF လလောၚ်ပ္တိတ်လဝ်ရ။ ဗ္ဒိုပ်ဗျူဟာမေဝ်ပလဳကံၚ်ဇြဳပၞာန် ပၟိက်ဇၞော်တဴသွက်ပရေၚ်ပၞာန်ဂှ် ပ္ဍဲဂိတုဂျာန္နဝါရဳတုဲကၠုၚ်တေံ ဒပ်ပံၚ်ကောံ ဂကောံဇြဟတ်ပၠန်ဂတးတံ စဗ္တိုက်လဝ်တုဲ ပ္ဍဲဂိတုဖေဖဝ်ဝါရဳ…
နေဗျဳဒဝ်၊ ဖေဖဝ်ဝါရဳ ၅ နကဵုဗော်ပရေၚ်ဍုၚ်ကွာန် လုပ်စိုပ်ပြိုၚ်ပ္ကာန်အာ ပေါဲရုဲမာဲဂမၠိုၚ် သွက်ဂွံဒစးဒုၚ်ပလေဝ်ပလေတ်လဝ် အရာနွံပၟိက်တံဂှ် က္ဍိုပ်သ္ကိုပ်ပၞာန်သီအဝဵု သ္ကိုပ်ပၞာန်ဇၞော် မေန်အံၚ်လှာၚ် ဟီုရ။ က္ဍိုပ်သ္ကိုပ်ပၞာန် ဟီုဏာလဝ် ပ္ဍဲကောံဓရီုအလဵုအသဳကၟိန်ဍုၚ် ကံၚ်ဇြဳပၞာန် မကၠောန်ဗဒှ်လဝ် ပ္ဍဲနေဗျဳဒဝ် ပ္ဍဲဂိတုဖေဖဝ်ဝါရဳ ၃ ဂှ်ရ။ က္ဍိုပ်သ္ကိုပ်ပၞာန်ဂှ်တှ်ေ ညံၚ်ဂွံရေၚ်တၠုၚ်စန်ဒက်မာဲမာန်ဂှ် ပရေၚ်ဂီုကၠီု ကေုာံ ပရေၚ်ညိၚ်ဝတ်ၜိုဟ်သြိုဟ်တံ ဒးနွံတုဲ လ္ပာ်ကၟိန်ဍုၚ်လေဝ် ဗွဲမဗဗွဲကဵုသၞောဝ်ဂှ် ဒးရေၚ်တၠုၚ်အာ…
ရေဝ်၊ ဖေဖဝ်ဝါရဳ ၅ တွဵုရးဍုၚ်မန် ပ္ဍဲဂၠံၚ်ပျဳထံၚ်သု ရေဝ်−ဇြပ်ဗုဂှ် လ္ပာ်ကံၚ်ဇြဳပၞာန် ရပ်စပ်ဇြဟတ်ဗွဲမဂၠိုၚ်တုဲ သၠုၚ်ပ္တိုန်လဝ်ပရေၚ်ဂီုကၠီုရောၚ် ညးဒေသတံကဵု ညးအာတရဴတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဒပ်ကံၚ်ဇြဳပၞာန်ဝွံ စနူဂိတုဂျာန္နဝါရဳ သတ္တာဟတုဲကၠုၚ်တေံတုဲ မွဲဒမြိပ်ဂၠံၚ် ဇြပ်ဗုကဵု ရေဝ်ဂှ် ဂလိုၚ်ပ္တိုန်လဝ် သၞေဟ်ကၚ်စၟဳတ်တၟိတံတုဲ ပ္ဍဲကဵုသၞေဟ်ကၚ်စၟဳတ် မၞုံဒၟံၚ်တံဂှ်လေဝ် ထပ်ဗပေၚ်လဝ်ဇြဟတ်ရ။ အတိုၚ်ဂလာန်ညးဒေသတံဂှ်မ္ဂး ကၠာတေံ ပ္ဍဲသၞေဟ်ကၚ်မွဲမွဲဂှ် ဇြဟတ် နူ…
sanlontai