ဒါကာ၊ ဖေဖဝ်ဝါရဳ ၁၄
ကောန်ပၞာန်ကံၚ်ဇြဳပၞာန် ကေုာံ ကောန်ဒပ်ဗၠာဲသၟိၚ်မၚ်ပယျဵု ဂြိပ်တိတ်ကၠုၚ် ပ္ဍဲဍုၚ်ဗေန်ဂလာန်ဒေတ်ဂှ် ခြာဟွံလအ် ကလေၚ်ပလံၚ်ဖျဴ ဍုၚ်ဗၟာဏောၚ်ဂှ် ဝန်ဇၞော်ကာဍုၚ်သ္အာၚ်ဗေန်ဂလာန်ဒေတ် ဒံက်တာဟာသာန်မာမွတ် ဟီုရ။
သွက်ဂွံကလေၚ်ပလံၚ်ဖျဴညးတံဂှ် ကဵုက္ဍိုပ်ရေၚ်တၠုၚ်ဒၟံၚ်တုဲ ဂွံပလံၚ်ဖျဴဂှ် ဗၟာကဵုဗေန်ဂလာန်ဒေတ်သီုၜါလ္ပာ် တုပ်လဝ်စိုတ်တုဲယျဂှ် ညးဟီုလဝ် ပ္ဍဲကဵုပေါဲသောၚ်ကလးလိက်ပရိုၚ် ဌာနဝန်ဇၞော်ကာဍုၚ်သ္အာၚ်ရ။
လ္ပာ်ဗၟာ သွက်ဂွံကလေၚ်ပလံၚ်ဖျဴကဵု ကောန်ဒပ်ပရေၚ်ဂီုကၠီုညးတံဂှ် အာတ်မိက်လဝ်တုဲ ဇကုတံ ရေၚ်တၠုၚ်ဒၟံၚ် ပရေၚ်ဂွံပလံၚ်ဖျဴရောၚ် ဟာသာန် ဟီုလဝ်တုဲ ဟိုတ်နူပြသၞာစပ်ကဵုပရေၚ်ဂီုကၠီုတံ နွံဒၟံၚ်ဂှ်ရ စၟတ်တ္ၚဲ ပလံၚ်ဖျဴအာချိုတ်တ်ပၠိုတ်တ်ဂှ် ဟွံမိက်ဟီုပုဟ်ဂှ် ဟာသာန် ဟီုရ။
သ္အာၚ်နူဂှ်ပၠန် ဟိုတ်နူပဋိပက္ခအပ္ဍဲဍုၚ်ဗၟာတုဲ ဇီုကပိုက်ကၠုၚ် ကုဂီုကၠီုဗေန်ဂလာန်ဒေတ်ဂှ် နကဵုအလဵုအသဳ ဟွံမိက်ညာတ်ရောၚ် ညးဆက်ဟီုလဝ်ဏီရ။
စပ်ကဵုကောန်ဒပ်ဂီုကၠီုတံ တတ်ကၠောံကၠုၚ်ပယျဵုဂှ်တုဲ ကော်ဆဵုအမာတ်ကလုတ်ဍုၚ်ဗၟာတုဲ ဒစဵုဒစးလဝ် သ္ကာတ်တ်မြဟ်ဟ်ဂှ်လေဝ် ဟာသာန် သ္ဂးရ။
နကဵုဗေန်ဂလာန်ဒေတ် ဒုၚ်လဝ်တဲ ရိုဝ်ဟေန်ဂျာ ၁ ဒဿမ ၂ ပြကောဋိကိုဋ်တုဲ ဟိုတ်နူလၟိဟ်ဂၠိုၚ်ကၠုၚ်ဂှ်ရ ဍုၚ်ဇကုတံဝွံ ဒးဆေၚ်ကၠုၚ်မုက် ကုပြသၞာစပ်ကဵုပရေၚ်ဂီုကၠီု၊ ရာသဳဥတု ကေုာံ စပ်ကဵုဂဥုဲၜူမာဲတံဂှ် ညးတာလျိုၚ်တံ ဟီုရ။
အခိၚ်လၟုဟ် ဟိုတ်နူအကာဲအရာက္တဵုဒှ်ဒၟံၚ် ပ္ဍဲတွဵုရးရခေၚ်ဂှ်တုဲ ရုၚ်ဝန်ကဵုအရီုဗၚ် ဗေန်ဂလာန်ဒေတ် ပံက်လဝ်ပ္ဍဲဍုၚ်သေတ်တိုဲဂှ် ပြံၚ်ဆုဲလဝ်ဍုၚ်လ္ဂုၚ်ယာယဳရောၚ် ဂွံတီကေတ်ရ။
Ref: BSS