နျူဒေလဳ၊ မေ ၁၂
သ္ကိုပ်ဝန်ဇၞော် နျူဒေလဳ အာဗေန် ကာဂျရဳဝဴ ဒးဒုၚ်ရပ်လဝ် နကဵုဂဗုတ်ဒ္ဂေတ်လီု ပွိုၚ်မွဲဂိတုပြၚ်ဂှ် ရုၚ်သၞောဝ်ဓဝ်အိန္ဒိယ ကဵုအခေါၚ်ဗလးလဝ် နကဵုလျိုၚ်ရောၚ် ဂွံတီကေတ်ရ။
နကဵုညး စဵုကဵုဂိတုဂျောန် ၁ တေံ ယဝ်ရထပ်ဒုၚ်ရပ် ဇရေၚ်သၟိၚ်တၠအဝဵုတံဂှ်မ္ဂး ကဵုအခေါၚ်ဗလး နကဵုလျိုၚ်ဂွံရောၚ် ရုၚ်သၞောဝ်ဓဝ်အိန္ဒိယ ဟီုလဝ်ရ။
ကာဂျရဳဝဴ ကေၚ်ဒှ်လဝ် သၞာဲဒဴတြေံ ဗ္တိုက်သရိုဟ်ပွဒ္ဂေတ်လီုစလာပ်ဂှ်ဝွံ စပ်ကဵုမူဝါဒ ဆက်စပ်ကဵုပရေၚ်သွံတြးအရက် ပလီုလဝ်တုဲတုဲဂှ်တုဲ ပ္ဍဲဂိတုမာတ်တုဲကၠုၚ်တေံ ဒးဒုၚ်ရပ်ဒက်လဝ်ရ။
ညးဂှ်တှ်ေ တၚ်စောဲစပ် စောဲလဝ်လ္တူညးတံဂှ် ကယျာန်ပါဲလဝ်တုဲ ရပ်ဒက်ညးဂှ်ဝွံ ဒှ်ပြဝရပ်ဒက် ဟွံလုပ်သၞောဝ်ပုဟ်ဂှ် ဟီုလဝ်ရ။
ရုၚ်သၞောဝ်ဓဝ်လ္တူ နျူဒေလဳ ကြဴနူတးပါဲကၠေံ သ္ဂောံဒုၚ်ကဵုလျိုၚ်တုဲဂှ် ညး လုပ်အာတ်ဒုၚ်ဂုဏ် ဇရေၚ်ဌာန်ဂအုပ်ရုၚ်သၞောဝ်ဓဝ်ဂှ်ရ။
ပ္ဍဲရုၚ်သၞောဝ်ဓဝ်ဂှ် စပ်ကဵုညးအာတ်ပ္တိုန်လဝ် သ္ဂောံဒုၚ်လျိုၚ်ဂှ်တုဲ အေဂျေန်ဇြဳ အမှုရာဇဝတ် စပ်ကဵုပရေၚ်ဘဏ္ဍာ ဒစဵုဒစးလဝ် ဗွဲမသ္ကာတ်မြဟ်ရ။
နကဵုမေဿတာ ကာဂျရဳဝဴ ပ္ဍဲဂိတုဂျောန် ၂ ဏံ ကလေၚ်ဒးဒုၚ်ရပ်ပၠန်ဏောၚ်တုဲ အကြာဏံ အခေါၚ်ဂွံယိုက်ဂၠေၚ်တာလျိုၚ် ဟွံမွဲပုဟ်ဂှ် ရုၚ်သၞောဝ်ဓဝ်ဂှ် သ္ဂုတ်သွာတ်လဝ်ရ။
ညးဝွံ လလောၚ်တြး တ္ၚဲကၠောန်ဗဒှ်ပေါဲရုဲမာဲတုဲ ဂွံမွဲအံၚ် ပ္ဍဲဂိတုမာတ် ၂၁ ဂှ် ဒးဒုၚ်ရပ်ဒက်လဝ်ရ။
အခိၚ်ညးဒးဒုၚ်ရပ်လဝ်ဂှ်လေဝ် ရပ်ထိၚ်ဒၟံၚ် အလဵုအသဳနျူဒေလဳ နူကဵုထံၚ်တုဲ ဒၞါဲကဆံၚ်ညးဂှ် ဟွံဗလးပုဟ်ဂှ် ဟီုလဝ်ရ။
ညးဝွံ ဒှ်ဒၟံၚ်ယဲပဿဴဍာတ်တုဲ အခိၚ်ဒးဒုၚ်ရပ်ဂှ် အရာမဒှ်ဓဝိၚ် စပ်ကဵုပရေၚ်ထတ်ယုက်ညး မံက်ဂတဝ်ကၠုၚ်ရ။
Ref: BBC