တိုၚ်ပေ၊ မေ ၂၀
ပ္ဍဲပေါဲယဵုဒုၚ်သစာ မကၠောန်ဗဒှ်လဝ် ပ္ဍဲဂိတုမေ ၂၀ ဂှ် သမ္မတတၟိ ဝဳလဳယာမ်လာၚ် ဖ္တိုက်ဖ္အောဝ်လဝ်ကြုက် သွက်ဂွံဒေါအ်ဒေၚ်ကဵု ပွမဘပဠဒၟံၚ်ထိုၚ်ဝါန် မဒှ်ရ။
သမ္မတလာၚ် အာယုက် ၆၄ သၞာံ နူအ္စာဂဥုဲ လုပ်စိုပ်ကၠုၚ်ပ္ဍဲပရေၚ်ဍုၚ်ကွာန်ဂှ်ဝွံ ကြဴနူဂွံဇၞးကေတ် ပေါဲရုဲမာဲဂိတုဂျာန္နဝါရဳတုဲတေံဂှ်တုဲ ယဵုဒုၚ်လဝ်သစာ နဒဒှ်သမ္မတတၟိထိုၚ်ဝါန်ရ။
ပရေၚ်ချဳဒရာၚ် ပရေၚ်ပၞာန်ကြုက်ဂှ်ဝွံ သွက်ပရေၚ်ၜိုဟ်လလမ်ဂၠးတိ ကေုာံ ပရေၚ်ညိၚ်ဝတ်တံဂှ် ဒှ်ဒၟံၚ်ပွဘပဠ စပ်ကဵုမဟာဗျူဟာ ဇၞော်အိုတ်ရောၚ် ညးဟီုလဝ်ရ။
ဒဒှ်ရဟွံဒးဂၞပ် ကုမေဿတာလာၚ်ကဵု ဒုသမ္မတ ယှဳအိုဝ်ဗေန်တံဂှ် ဗေကျေန် ဟီုလဝ် သောၚ်ၚ်ကလးကလးရ။ ဒုသမ္မတကေန်ဝွံ ဒှ်ကလုတ်ဇာတိဂျပါန် ကေၚ်ယိုက်ဂၠေၚ်လဝ်တာလျိုၚ် ပ္ဍဲအမေရိကာန်မွဲရ။
စပ်ကဵုမူဝါဒကာဍုၚ်သ္အာၚ် ထိုၚ်ဝါန်တုဲ သမ္မတလိုၚ်ဝွံ ဆက်ကၠောန်အာ အတိုၚ်မူဝါဒ သမ္မတသာၚ်အေန်ဝါန်တုဲကၠုၚ်တေံဏောၚ် ဒဒှ်ရစၟဳစလဝ်ဂှ် ညးလ္ၚတ်ဂမၠိုၚ် ဟီုရ။
ပ္ဍဲအရာဟီုဂး စပ်ကဵုကြုက်ဂှ် အိုဿီုကဵုဗော်ပရေၚ်ဍုၚ်ကွာန်ပိုယ်တံဂမၠိုၚ် စဵုဒၞါအဝဵုအပိုၚ်အခြာတုဲ ဒးဒစဵုဒစး ပရေၚ်သီကေတ်နကဵုဇြဟတ်တံဏောၚ်ဂှ် သမ္မတ ဟီုတဴရ။
နကဵုသၟာပရေၚ်ဍုၚ်ကွာန်ဂမၠိုၚ်လေဝ် သ္ဂောံဂွံအဝဵုစပ်ကဵုပရေၚ်ဍုၚ်ကွာန်တုဲ ဗလးထောံအဝဵုအပိုၚ်အခြာ ဟွံထေက်ပုဟ်ဂှ် သမ္မတလာၚ် ဟီုရ။ နကဵုညးတံ ဟိုတ်နူဇြဟတ်မ္ၚးတံဏံတုဲ ဟွံဒုၚ်လုက်ဒွံ ဒဳမဝ်ကရေဇြဳပုဟ်ဂှ်လေဝ် ညးဟီုလဝ်ရ။
ညံၚ်ပရေၚ်ပိုန်ဒြပ်ထိုၚ်ဝါန် ဇြဟတ်ဂွံခိုဟ်ကၠုၚ်ဂှ် ရေၚ်တၠုၚ်အာဏောၚ် ညးဟီုလဝ်ကီုလေဝ် သမ္မတဝွံ သီုပရေၚ်ကၠတ်ထဝ် လညာတ်ထ္ကးဒၟံၚ်ဂှ်ကီု သီုပြသၞာကလောန်ကၟိတ်ဟွံမွဲ ကေုာံ ပြသၞာၚုဟ်တိသ္ၚိကၠအ် သၠုၚ်တိုန်ကၠုၚ်တံဂှ် ဒးဆေၚ်အာမုက် တၚ်ကော်ဆဴတံဏံ ဇၞော်ကဵုဇြဟတ်ဏောၚ် မဒှ်ရ။
Ref: BBC