ဗေကျေန်၊ မေ ၃၀
အခိၚ်ဗ္တိုက်ၜက်ၜေတ်ထိုၚ်ဝါန်တှ်ေ က္ၜၚ်ဗၠိုပ်ဍာ်အမေရိကာန် စကာဇြဟတ်ဓာတ်နျူကလဳယျာ မကဵုကၠုၚ်အန္တရာယ်မာန်ဂှ် သွက်ဂွံဂၠိုက်ဂၠါဲမာန် ကြုက် ခၞံဗဒှ်ဒၟံၚ် သၞောတ်ဗက်ဒၞါဲဇိုၚ်တၟိမွဲ နူကဵုမှဲအကးရောၚ်ဂှ် ဂွံတီကေတ်ရ။
လွဟ်ဗ္တိုက်သရိုဟ် က္ၜၚ်ဗၠိုပ်ဍာ် ASW ဂှ်ဝွံ သွက်ပရေၚ်ပၞာန်တိုက်ကဵု ပၞာန်ဍာ်ဂှ် ဒှ်လွဟ်နွံပၟိက် ဟွံမွဲဟွံတုဲဏောၚ်ဂှ် ဒပ်ဍာ်ကြုက် ညာတ်လဝ်တုဲ ယဝ်ရအမေရိကာန် ဟွံသေၚ်မ္ဂး ဂျပါန် ဗ္တိုက်ကၠုၚ်မ္ဂး သွက်ဂွံရပ်စပ်အာ ဒၞါဲစဵုဒၞါတံဂှ် ရန်တၟံလဝ်ရောၚ် ထ္မံက်ထ္ၜးလဝ် ပ္ဍဲလိက်ဒုၚ်စဳရေၚ် အေန်သတဳကျုတ် ပရေၚ်လ္ၚတ်ဗလးဍာ် ကအ်လိက်ဒပ်ဍာ်ကြုက်ဂှ်ရ။
ဂကူက္ၜၚ်ကျာပလီုက္ၜၚ် ဗ္ဂပ်စုတ်လဝ် သၞေၚ်ချိုတ်တ် ဒပ်ဍာ်ကြုက် ရပ်စပ်ဒၟံၚ်လၟုဟ်ဂှ်ဝွံ ဒှ် KQ-200 တုဲ စက်အေန်ဂျေန် တာဗိုဝ် ပန်မ ပါလုပ်ဂှ် ဂွံတီကေတ်ရ။
က္ၜၚ်ကျာဏံဝွံ သွက်ဂွံစဵုဒၞါ က္ၜၚ်ဗၠိုပ်ဍာ်၊ ဒပ်ကမ်လှောဝ်ထိၚ်သၞေဝ် ကြုက်တံ ကဵု သွက်ဂွံထံၚ်ပရိုၚ်တံ မဒှ်ရ။
က္ၜၚ်ကျာကြုက် ကဆံၚ်တုပ်ကဵု ဂကူ P-8 Poseidon ဒပ်ဍာ်အမေရိကာန်တံဂှ်ဝွံ ပဝ်တိုန် ဒဵုကဵု ၃၀၀၀ မိုၚ်မာန်ရ။
သီုကဵုဒဳဇြာၚ် သုတေသဳကြုက်တံ မချူဓဇက်လဝ်ဂှ် ဒပ်ဍာ်ကြုက် ခၞံဗဒှ်ဒၟံၚ်လွဟ်လက်နက်ဗ္တိုက်သရိုဟ် က္ၜၚ်ဗၠိုပ်ဍာ်ဂှ် သၠုၚ်ပ္တိုန်အသိၚ် ရေၚ်တၠုၚ်ဒၟံၚ်ရ။
သွက်ဂွံဂၠိုက်ဂၠါဲစၟဳတ် က္ၜၚ်ဗၠိုပ်ဍာ်သၞတံမာန် တၠပညာကြုက်တံ ဂ္စါန်ခၞံဗဒှ်ဒၟံၚ် ကိရိယာဒုၚ်အာရီုတုဲ ရပ်စပ်စုတ်အာ ပ္ဍဲက္ၜၚ်ကျာတံဏောၚ် မဒှ်ရ။
ဒပ်ဗ္တိုက်သရိုဟ်က္ၜၚ်ဗၠိုပ်ဍာ်ဂှ်လေဝ် ကြုက်သၠုၚ်ပ္တိုန်အသိၚ်တုဲ ပ္ကတ်ပ္ကေၚ်ဗ္တောန်ကဵုဒၟံၚ်ရ။
မွဲဒမြိပ်တ္ကအ်ထိုၚ်ဝါန် ကြုက်ဟီုလဝ် ညးတံပိုၚ်ပြဳဂှ်လေဝ် မွဲဏှမွဲဏှ ကၠောန်ဒၟံၚ် ပွပ္ကတ်ပ္ကေၚ်ပရေၚ်ပၞာန်တံဂှ်ဝွံ ပလေဝ်ပလေတ်ဒၟံၚ် သွက်ဂွံဗ္တိုက်သီကေတ် ထိုၚ်ဝါန်ဏောၚ် လဟီုသာ်ဏံလေဝ် မံက်တိတ်ဒၟံၚ်ရ။
ထိုၚ်ဝါန်ဂှ်လေဝ် ယဝ်ရကြုက် သၠိုၚ်လုပ်ၜက်ၜေတ်မ္ဂး စဵုဒၞါအာ ၜိုတ်သၟဟ်အစောံ ၜိုတ်ဇြဟတ်နွံတံဂှ်ဏောၚ် ဟီုလဝ်တုဲ သမ္မတတၟိ လိုၚ်ချေန်တဳဂှ် သွက်ဂွံရေၚ်တၠုၚ် ညံၚ်ထိုၚ်ဝါန် ဂွံဗၠးဘဲဂှ် ဖ္တိုက်ဖ္အောဝ်လဝ် ဒပ်ပၞာန်ရ။
Ref: Business Insider