ၜၚ်ကံက်၊ မေ ၂၉
စပ်ကဵုဂဗုတ် ဖ္ဍိုက်ဂရိုက် နန်ဨကရာဇ်ဂှ်တုဲ နူရုၚ်ဂအုပ်ညးရေၚ်တၠုၚ်ဂဗုတ်အလဵုအသဳသေံ ဒဒှ်ရစောဲအာဂဗုတ် ကုသ္ကိုပ်ဝန်ဇၞော်တြေံ တက်ဇြေန်ယှေန်နာဝါထရာဂှ် သၞာဲဒဴမွဲတၠ ဟီုလဝ် ပ္ဍဲဂိတုမေ ၂၉ တေံရ။
ညးသစ္စနွံ လ္တူသ္ကိုပ်ဝန်ဇၞော်တြေံ တက်ဇြေန် သၟာပရေၚ်ဍုၚ်ကွာန်ဝှ်ကြံၚ်ဂှ်ဝွံ ပါလုပ်ဒၟံၚ် ပ္ဍဲဂကောံအလဵုအသဳလၟုဟ်ဂှ်ရ ဣဏံဝွံ သွက်ညးဂှ် ဒှ်အရာဆုတ်ယုတ်မွဲရ။
ဒပ်ပၞာန်သေံ လ္ပာ်နန်ဨကရာဇ် မပလှ်ဖျေံလဝ် အလဵုအသဳဒေံတက်ဇြေန် ယေန်လာတ်ယှေန်နာဝါထရာ သ္ကိုပ်သ္က တေၚ်စိုပ်လဝ်ဂှ်ဝွံ ဟိုတ်နူအေန်တာဗျူ တၠဓနတၠကမၠောန် တက်ဇြေန်ကဵု မဳဒဳယျာဍုၚ်သ္အာၚ်မွဲ သၞာံ ၂၀၁၅ တေံဂှ်တုဲ မံက်တိတ်ကၠုၚ်လဝ်ရ။
ပ္ဍဲကဵုဂဗုတ်စောဲလဝ် လ္တူညး တၞဟ်ဟ်တံဂှ် ဒဒှ်မဖံက်ပ္ကဝ်သၞောဝ် အမှုရာဇဝတ်ကောန်ဗျူတာတံလေဝ် ပါလုပ်ရ။ သွက်ဂွံစောဲအာဂဗုတ် ကုတက်ဇြေန် သွက်တၚ်စောဲစပ်သီုဖအိုတ်ဂှ် ဂအုပ်ညးရေၚ်တၠုၚ်ဂဗုတ်အလဵုအသဳ သ္ဂုတ်သွာတ်လဝ်ရောၚ် ညးမၞုံအခေါၚ်ဟီုဂး ပရာယုတ် ဗဳဂျရာဂူနာ ဟီုလဝ်ရ။
နကဵုသ္ကိုပ်ဝန်ဇၞော်တြေံ တက်ဇြေန်ဂှ် ကၠာဂွိုအ်စိုပ် ဂျောန် ၁၈ ဂှ် ဒးပ္တိုန်အာဂလာန် ပ္ဍဲရုၚ်သၞောဝ်ဓဝ်ဏောၚ်ဂှ် သၞာဲဒဴဂှ် ဟီုဗပေၚ်စုတ်လဝ်ရ။
ဒဒှ်ရညးဟွံကၠောန်လဝ်ဗၠေတ်တ်ဂှ် တက်ဇြေန် အာယုက် ၇၄ သၞာံဂှ် ကယျာန်ပါဲထောံလဝ်တုဲ လ္တူနန်ဨကရာဇ် ဒဒှ်ရညးသစ္စနွံဂှ် ဟီုလဝ် ဂၠိုၚ်ၚ်ကဵုဝါရ။
ပ္ဍဲကဵုသၞောဝ်သာ်ဏံ လ္တူဂၠးတိဏံဂှ် သၞောဝ်စပ်ကဵုဖ္ဍိုက်ဂရိုက် နန်ဨကရာဇ်သေံဂှ်တှ်ေ တာဒၞါလဝ် နူကဵုပွမပါ်ပါဲနန်ကရာဇ်ရ။
နကဵုသၞောဝ် သ္ဇက်ဒးဒှ်ပရေၚ်ကယျာန်ဓဝါတ်ဏံဂှ် သၞာံတုဲကၠုၚ်ခြာဟွံလအ်တေံ ပၞောဝ်ကဵုညးဒးဒုၚ်ကေတ်အရေဝ် ၂၇၀ တၠပြၚ်ဂှ် သ္ကိုပ်ဝန်ဇၞော်တြေံ တက်ဇြေန်ဝွံ ဒှ်ကၠုၚ်ပူဂဵု ကဆံၚ်သၠုၚ်အိုတ်မာန်ရ။
သွက်ဂွံခၠေဝ်ပလန်စဵုဒၞါ ဂဗုတ်ဏံဂှ် စဳဇန်လဝ် ဍိုက်က်ပေၚ်ၚ်တုဲ နကဵုတၠဂဗုတ်ညး သ္ဂောံကလိဂွံတၚ်ဒုၚ်လျိုၚ်ဂှ် ပ္တိတ်အာဇြဟတ်ဏောၚ် ညးရေၚ်တၠုၚ်ဂဗုတ် တက်ဇြေန် ဟီုရ။
ဒဒှ်ရဖံက်ပ္ကဝ်သၞောဝ်ဏံ ပြာကတ်မ္ဂး မွဲမွဲဂဗုတ်ဂှ် စဵုကဵုဒဏ်ထံၚ် ၁၅ သၞာံ ဒးဒုၚ်ဖျေံစၟတ်မာန်ရ။
တက်ဇြေန်ဝွံ ဒးဒုၚ်ကၠောံထၞာန်လဝ် COVID-19 ဂှ်ရ ပွမစၟဳတ်ကလၚ်ဒဒၚ် ဂိတုမေ ၂၉ တေံဂှ် ဒဒှ်ရဟွံတိုန်စိုပ်လဝ်ဂှ် ညးရေၚ်တၠုၚ်ဂဗုတ်ညး ဟီုတဴရ။
Ref: Reuters