ကိုင်ရို- အဝ်ဂတ် ၅
ဖျုန်သွ သှ်ေမံင်ဆၜိုတ် စၞာံကဵုဇုတ်ဟေင် ဖိုင်ဗဳဒဳယော ညးမဒးဒုင်ပးဒၞန် (ဓါးစာခံ) မွဲတၠ မံက်တိတ်ကၠုင်ဂှ်ရ ဂကောံဍုင်ပလိုတ်ဇြဟတ်ဇၞော်ဂမၠိုင် ဟီုဖျေံပါ်ပါဲတိုန် ဇၞော်ကဵုဇြဟတ်ဒှ်ကၠုင်တုဲ တင်နင်မအာတ်မိက်လ္ရဵုတံ နကဵုအေသရေ ဗက်ကၠောန်ကဵုမ္ဂး ပရေင်ကဵုအရီုဗင် သွက်ညးဒးဒုင်ပးဒၞန်ရပ်လဝ်တံဏံ ပံင်တောဲကဵု ဂကောံဇိုင်ခရက်ဍာဲရီုဗင်တုဲ ရေင်တၠုင်ကဵုရောင် ဂကောံဟာမာတ်သ် ဟီုလဝ် ပ္ဍဲအဝ်ဂတ် ၃ ဂှ်ရ။
အခိင်ကဵုမံင်အရီုဗင်ဂှ် နကဵုအေတ်သရေ ပၞာန်ကျာဗတိုက်မံင်တံ ဒေါအ်ထောံတုဲ သွက်အရီုဗင် ဓဝ်ဗစာရဏာပရေင်မၞိဟ်ဂမၠိုင် ပံက်ကဵုလၟိုန်မ္ဂး ပံင်တောဲရေင်တၠုင်အာကဵု ဂကောံဇိုင်ခရက်ဍာဲတံရောင် ဂကောံဟာမာတ်သ် ဟီုရ။
ပ္ဍဲဂါဇြာ ဟာမာတ်သ် ရပ်လဝ် ရဲဒုင်ပးဒၞန် ၅၀ နွံတုဲ အခိင်လၟုဟ် ၜိုတ် ၂၀ ရ လမျီုသှ်ေမံင်ဏီ ပတေဟ်လဝ်ရ ညးတာလျိုင် အေတ်သရေ ဟီုရ။
အခေါင်ဂွံလုပ်ဆဵု ရဲဒုင်ပးဒၞန် ဂကောံဟာမာတ်သ် ရပ်လဝ်တံဏံ ဒဵုအခိင်လၟုဟ် ဟွံဂွံဏီ (ဝါ) ရဲကၟိန်အိန်ထံင်ဆေင်စပ်တံဂှ်လေဝ် အခေါင်ဆဵုဂဗဟွံဂွံလဝ်ဏီသၟးဟွံက ရပ်စွံလဝ်ဒၞာဲလဵုရောဟီုဂှ် ဟွံလဴပတိတ်လဝ် ဟၟဲဏီရောင်။
ညးဒးဒုင်ပးဒၞန် မၞိဟ်ယၟု ဒေဗေတ်မွဲ ဖိုင်ဗဳဒဳယောညးတေံ ဂကောံဟာမာတ်သ် ပ္ဍဲအဝ်ဂတ် ၂ အခိင်တြးပတိုန်ဏာဂှ်တှ်ေ ဂွံဆဵုအာ ဗီုပြင်ညးတေံ အာဟာရပိုတ်မံင်တုဲ ဂကောံဍုင်ပလိုတ် ရဲဇြဟတ်ဇၞော်တံ ဟီုဂးပါ်ပါဲမံင်အိုတ်ရ။
ပြင်သေတ်၊ ဂျာမဏဳ၊ ဗြိတိင်ကဵု အမေရိကာန်တံ သ္ပက္ဍိုပ်တုဲ ဟီုဂးပါ်ပါဲ ဂကောံဟာမာတ်သ်တံ မဒှ်ရ။
စပ်ကဵုအကာဲအရာဏံတုဲ သွက်ဂွံကၠောန်ကဵု ကောံဓရီုကာတၟေင်ဂှ် ဝန်ဇၞော်ပရေင်ဍုင်သအာင် အေတ်သရေ အာတ်မိက်လဝ် ကံင်သဳပရေင်ဂီုကၠီု ကုလသမဂ္ဂရ။
သွက်ဒေသင္ရာင်ၜဳဂါဇြာ ပရေင်ကဵုမံင်အရီုဗင်တံဟီုဂှ် ဟိုတ်နူကဵုအေတ်သရေ ကၟာတ်ထောံဂှ်ရ ပွမအေင်ကၠောဝ်ချိုတ်တံ ဒှ်ကၠုင်တုဲ အဃောကဵုမံင်ပရေင်ရီုဗင် ပါ်ပရအ်ကဵုမံင် ကပေါတ်ဂမၠိုင်ပၠန် ဟိုတ်နူဒပ်ပၞာန်အေတ်သရေ ပန်တုဲ မၞိဟ်ချိုတ်လဝ်နွံမံင်ရောင် ဌာနဝန်ဇၞော်ပရေင်ထတ်ယုက် ဟာမာတ်သ် ဟီုဂးလဝ်ရ။
Ref:Reuters