ကုခမေန်တံဂှ် ဒှ်မံၚ်သၞဖိုအ်ဏီရောၚ် သေံဟီု

ၜၚ်ကံက်၊ နိုဝမ်ပါ ၁၂

ဟိုတ်နူမာၚ်တပ်တိခတိုဟ် ကောန်ပၞာန်တံ ဒးလဝ်ဝပ်ဂှ် လပါ်သေံဒေါအ်စွံလဝ် ပရေၚ်တၚ်တုပ်စိုတ် ပရေၚ်ၜိုဟ်လလမ်တုဲ ဒှ်မံၚ်အကာဲအရာ သၞဖိုအ်ဏီရောၚ် ဒပ်ပၞာန်သေံ ဟီုပတိတ် ပ္ဍဲနဝ်ဝမ်ပါ ၁၁ ရ။

မၞိဟ်ချိုတ်အာလဝ် ၄၀ ပြၚ် ပ္ဍဲကဵုပေါဲဗတိုက်ပယျဵု တုဲဒှ်အာတုဲ ရန်တၟံပရေၚ်ၜိုဟ်လလမ်ဍာ်ဇမၠိၚ် စၟဳစလဝ် ကတိကဝတ် သွက်တင်တုပ်စိုတ်တံဏံ တန်ကြန်မံၚ်ဖိုအ်ဏီ လပါ်ခမေန် ဟီုရ။

ဆဂး နူခမေန် သွက်ဂွံပသောၚ်ကၠေံ မာၚ်တပ်တိ လီုလာ် သှ်ေသၟေဟ်မံၚ်ရောၚ် ညးတာလျိုၚ်သေံတံ ဟီုရ။

ပရေၚ်တင်တုပ်စိုတ်ဏံ သွက်ဂွံကော်စ တုပ်စိုတ် ပရေၚ်ၜိုဟ်လလမ်ဂှ် သေံတံ ဟွံဒုၚ်တဲ စောဒကလဝ်ရ။

ဆဂး အန္တရာဲပရေၚ်ဂီုကၠီု ဟွံယအ်စှ်အာဍာံဍာံဏီ ပ္ဍဲပေါဲသောၚ်ကလး လိက်ပရိုၚ် နိုဝမ်ပါ ၁၀ ဂှ် ညးတာလျိုၚ်သေံတံ ဟီုလဝ်ရ။ 

ကောန်ပၞာန်သေံတံ ဂေတ်မံၚ်ကၚ် ကရပ်ပယျဵုခမေန်ဂှ် လိုန်ဒးမာၚ်တပ်တိတုဲ ကောန်ပၞာန်မွဲတၠ ဇိုၚ်မွဲဒိုဟ်ပိုတ်အာ လိက်ပရိုၚ်သေံတံ ချူလဝ်ရ။ 

အကြာသေံကဵု ခမေန် ဒှ်ကၠုၚ်လဝ်ပြဿနာပယျဵုတိဍာ် သၞာံဗွဝ်ကၠံဗွဲမဂၠိုၚ်နွံတုဲ ပေါဲဗတိုက် ဒှ်မံၚ်မွဲဏှမွဲဏှရ။ 

ဟိုတ်နူပရေၚ်ကယျာန်ထဝါတ် ဒှ်ကၠုၚ်ပေါဲဗတိုက်တုဲ ပေါဲဗတိုက်လက်ကရဴအိုတ်ဏံ မၞိဟ် ၃ ကိုတ်ပြၚ် ဒးဂြိပ်ပါဲအာရ။ 

ပ္ဍဲဒေသပယျဵု ဒှ်မံၚ်ပရေၚ်ကယျာန်ထဝါတ်ဏံ အတိုၚ်ၜါဍုၚ် တုပ်လဝ်စိုတ် သွက်ဂွံကလေၚ်သီရုပ်ဖျဴဏာ ဗီုဖျေံစွံပြေၚ်ရေၚ်လဝ်လွဟ်ဇၞော်တံဂှ် တုပ်စိုတ်ပံက်ဂကောံယာယဳ သွက်ဂွံမၚ်ရံၚ်အာရ။ 

မွဲအဆံၚ်ပၠန်မ္ဂး သေံရပ်ဂွံလဝ် ကောန်ပၞာန်ခမေန် ၁၈ တၠတံ သွက်ဂွံဗလးကဵု စၟဳစမံၚ်ရ။ 

ဆေၚ်စပ်ကဵုဗီုပြၚ်ရပ်စပ်လဝ် ပရေၚ်ဒှ်ကယျာန်ထဝါတ် ပယျဵုၜါဍုၚ်ဏံတုဲ သ္ကိုပ်ဝန်ဇၞော်သေံ ဖေဝ်ထံၚ်ထာန် ယှေန်နာဝါထရာ ဒးပတိတ်နုက်ထောံနူတာလျိုၚ်တုဲ သၟာကမၠောန်ခမေန်ဗွဲမဂၠိုၚ်တံဗွဲမဂၠိုၚ် ကလေၚ်စဴအာ ဍုၚ်မိတိမရ။

ပြဿနာဏံ ဆက်ဂၠိၚ်အာမာန်ရောၚ် ညးမၚ်ရံၚ်လ္ၚတ်တံ ဟီုလဝ်ရ။ 

Ref:AFP

Leave a Reply

Your email address will not be published. Required fields are marked *