အမာတ်စၠတ်ထဝ် ခမေန် ဆက်စပ်မံၚ်ကဵုကျာဖျ ရုၚ်သၞောဝ်ဓရ်သေံ ပတိတ်အမိၚ်ရပ်

ၜၚ်ကံက်၊ နိုဝမ်ပါ ၁၁

တၠပရေၚ်ပိုန်ဒြပ် ခမေန် လိုၚ်ယန်ဖာတ်ကဵု သ္ကံအဖဝ်ညးတေံ ၄ တၠ ကၠောံဍဆက်ဆောံမံၚ်ကဵု ဥက္ကဌစၠတ်ထဝ်လ္တူ ခမေန် ဟန်သာန်တံဂှ် ဆက်စပ်မံၚ်ကဵု ပရေၚ်ကၠောန်သ္ပသ္အးသြန်၊ ကမၠောန်ကျာဖျတံတုဲ နူကဵုရုၚ်သၞောဝ်ဓရ်သေံ ပတိတ်အမိၚ်ရပ်ရ။ 

ပရေၚ်ပိုၚ်ပြဳပိုန်ဒြပ် ဆက်စပ်မံၚ်ကဵု ဇာဖိုၚ်ကျာဖျ ၜက်ပယျဵုဍုၚ် လိုၚ်ယန်ဖာတ်ဂှ်လေဝ် ညးတာလျိုၚ်သေံတံ သီဂွံလဝ် ပ္ဍဲကဵုနဝ်ဝမ်ပါ ၉ မဒှ်ရ။ 

နူကဵုလက်ထက် အလဵုအသဳ သ္ကိုပ်ဝန်ဇၞော်သေံတြေံ ဖေဝ်ထံၚ်ထာန် ယှေန်နာဝါထရာတေံ စၟဳစၟတ်ထံၚ်ပရိုၚ်လဝ်တံဂှ် ပရေၚ်လဝေၚ်ပၞာန် မံက်တိတ်ကၠုၚ် အတိုၚ်ဏံရ။ 

နကဵုယၟုဒယှ်တှ်ပရေအ်ပရေအ် ညးက္ဍိုပ်ဂိုဏ် ပွိုၚ်ပက် ညးဂမၠိုၚ်တီလဝ် ကအ်ခ်အာန် ထိၚ်ချုက်လဝ် ဂိုဏ်ဝေၚ်ဇျှၚ်လံၚ်သြန်ဇၞော်ဇၞော်မွဲဂှ် ဒပ်ဗၠာဲသၟိၚ် ဗတိုက်သရိုဟ်ဖျေံတုဲ ပရေၚ်စၟဳစၟတ်ထံၚ်ပရိုၚ် ဗီုတံဏံ မံက်တိတ်ကၠုၚ် မဒှ်ရ။ 

ပ္ဍဲကဵုကမၠောန်ကျာဖျတံဏံ လိုၚ်ယန်ဖာတ်ကဵု အပံၚ်အဖဝ်ညးတေံပါလုပ်ဆက်စပ်မံၚ်တုဲ တၚ်နၚ်ဗီုပြၚ်ဍေံတံ ကေတ်လဝ်တာလျိုၚ်  ကာလပါ်ပရအ်လဝ်သြန် ကၠောန်သ္အးလဝ် သြန်ဟွံလုပ်သၞောဝ်တံဂှ် ဆဵုညာတ်အာ ပ္ဍဲကဵုပရေၚ်စၟဳစၟတ်တံဏံရ။ 

အတိုၚ်တၚ်နၚ်ဂွံလဝ်တံမ္ဂး အဝဲအယုက် ၆၇ သၞာံ လိုၚ်ယန်ဖာတ်၊ အဝဲအယုက် ၃၇ သၞာံ ချုက်ချာဲ သူဖာပါ ကဵု ကောန်ဍုၚ်ကြုက်ဟွံထမံက်လဝ်ယၟု ၃ တၠတံ ညံၚ်ဂွံပတိတ်ကဵု အမိၚ်ဝရာန် နူကဵုဒပ်ဗၠာဲသၟိၚ်သေံ အာတ်မိက်ပ္တိုန်ထ္ၜးကုဇရေၚ် ရုၚ်အမှုရာဇဝတ် ပ္ဍဲကဵုနဝ်ဝမ်ပါ ၆ မဒှ်ရ။ 

ဂကောံစၟဳစၟတ် ရာဇဝတ်သိုက်ဖာ၊ ရုၚ်ဗတိုက်သရိုဟ်ကၠောန်သ္အးသြန်တံ ဂွံအခေါၚ်လိက်ဝရာန်ရပ် ဗက်ဂၠိုက်ဂၠာဲစၟဳစၟတ် အလုံဍုၚ်ၜၚ်ကံက်ကဵု ဒေသဗၟံက် တွဵုရး ထရက် ၃၆ ဒၞာဲတုဲ သီဂွံလဝ် ပရေၚ်ပိုၚ်ပြဳ လိုၚ်ယန်ဖာတ် မဒှ်ရ။ 

ပ္ဍဲကမၠောန်ကျာဖျကဵု ကူသာန်သွံရာန်မၞိဟ်တံ လိုၚ်ယန်ဖာတ် ပါလုပ်မံၚ် တၚ်စောဲစပ်တံ မံက်ကၠုၚ်တုဲ ဒဒှ်ရ ညးတေံဒှ်လဝ် ကောန်ဍုၚ်သေံမွဲတၠဂှ် အလဵုအသဳသေံ ပလီုကၠေံထောံ နူအခိၚ်ပြဟ်ဟ်တေံတုဲရ။ 

ညးတေံဝွံ ဒှ်အမာတ်စၠတ်ထဝ် ခမေန်၊ တၠကမၠောန်ပရေၚ်ပိုန်ဒြပ်မွဲ ညးတၠ LYP Group ရ။ 

ပ္ဍဲကဵု အာရပ်သီကေတ်လဝ် ကပေါတ်ညးတေံ ပိုၚ်ပြဳတံဂှ် ဂဥုဲၜူမာဲဂမၠိုၚ်လေဝ် ဆဵုလဝ်ကီုရ။ 

Ref:Bangkokpost

Leave a Reply

Your email address will not be published. Required fields are marked *