တိုကျို၊ ဂျာန်နဝါရဳ ၁၈
ဗော်နွံပၟိက်ကဵုဒဳမဝ်တံဂှ် ပသှ်ေစွံလဝ်တုဲ ဟိုတ်နူကၠောန်ပေါဲရုဲမာဲဂှ် ပရေၚ်အုပ်ဓုပ်ဒပ်ပၞာန် ဆက်နွံအာမံၚ်ဏီ၊ ဂတနူဏံမ္ဂး အပ္ဍဲကဵုဍုၚ်ဗမာ လညာတ်ပဵုတုဲ ပါ်ခြာဒကးပြးဒှ်ကၠုၚ်မာန်ဂှ် ဒှ်မံၚ်ဒွိၚ်ဇြိုဟ်ဟ်နက်က်ရောၚ် ညးအခေါၚ်ဟီုဂး ဌာနဝန်ဇၞော်ဍုၚ်သအာၚ်ဂျပါန် ဟီုလဝ်ပ္ဍဲဂျာန်နဝါရႋ ၁၆ ရ။
မၞိဟ်ဒးဒုၚ်ရပ်ထိၚ်လဝ် ပ္ဍဲကဵုဍုၚ်ဗမာဂှ် ညံၚ်ဂွံကလေၚ်ဗလးကဵုညိ ညးအုပ်ကာဂကောံအလဵုအသဳဂျပါန် မဳနိုရူ ကဳဟာရာ အာတ်မိက်ဏာ နူကဵုပေါဲသောၚ်ကလးပရိုၚ်ရ။
အကြာဗော်ပရေၚ်ဍုၚ်ကွာန်ဂမၠိုၚ် သွက်ဂွံသဳကၠဳအာ ပၟိက်ဇၞော်မံၚ်တုဲ အကာအရာတံဂှ် သွက်ဂွံဒးဒှ်မံၚ်ဒွိၚ်နွံမံၚ် ညးသ္ဂးရ။
အတိုၚ်ကၠောန်မံၚ်ဗီုပြၚ်ပေါဲရုဲမာဲဍုၚ်ဗမာမ္ဂး သွက်ဂွံကၠောန်အာ ပရေၚ်သောၚ်ကလးပရေၚ်ၜိုဟ်လလမ် ပဵုဝါတ်ဂါတ်အာမာန်ရောၚ် ကဳဟာရာ ဟီုရ။
ဒပ်ပၞာန်သီအဝဵုတုဲ အလန်ပထမကိုပ်ကၠာအိုတ် စနူဒဳဇြမ်ပါ ၂၈ ဂှ် က္ဍိုပ်သ္ကိုပ်ပၞာန်တံ ပါ်ပိသ္ကုတ်တုဲ ကၠောန်အာပေါဲရုဲမာဲရ။
ပလီုထောံလဝ် ဗော်ညးဍုၚ်ကွာန်ဂမၠိုၚ်ထံက်ဂလာန် အခိၚ်ရပ်ပၠုပ်လဝ်ထံၚ်ကဵု က္ဍိုပ်သ္ကိုပ်ဒစဵုဒစးတံ ကၠောန်ပေါဲရုဲမာဲဂှ် ပရေၚ်ဓရ်ယာသၠးပွးနွံရောၚ် ဒှ်ဟွံမာန်ပုဟ်ဂှ် ကုလသမဂ္ဂကဵု ဍုၚ်ပလိုတ်ဒဳမဝ်ကရေသဳတံ ဟီုလဝ်ရ။
အခိၚ်ကၠောန်လဝ်ပေါဲရုဲမာဲအသုတ်ဒုတိယဂှ် ဗော်ပျဳခိုၚ်ဖျိုဝ် ဒပ်ပၞာန်တံ ဇၞးလဝ်အမာတ်ဒၞာဲဗွဲမဂၠိုၚ်ရောၚ် ကဝ်မယှေန်ပေါဲရုဲမာဲကၟိန်ဍုၚ် သ္ကိုပ်ပၞာန်တံခါန်ကၞက်လဝ် ဟီုရ။
အလုံဍုၚ်မွဲ တိဍာ်ဒေသကဝက်ဂှ်မှ ဒပ်ပၞာန်ထိၚ်ချုက်ပေၚ်ၚ်ဟွံမာန်ဏီ ပ္ဍဲအကာဲအရာဏီဂှ် ဒၞာဲဍေံတံထိၚ်မာန်ဂှ်ရ ကၠောန်မံၚ်ပေါဲရုဲမာဲ မဒှ်ရ။
သ္ကိုပ်ပၞာန်ကယျိုၚ်အရာပ်တံ သွက်ဂွံကေတ်အာဒၞာဲ ပေါဲရုဲမာဲကၠောန်လဝ်ဏံဂှ် အလဵုအသဳဂၠးကဝ်တံ ညံၚ်ဂွံတးပါဲအာ ညးအုပ်ကာ သ္ကိုပ်စၟဳစၟတ်ကာတၟေၚ်ကုလသမဂ္ဂ ဆေင်စပ်ကဵုအခေါၚ်အရာမၞိဟ်ဍုၚ်ဗမာ ဗတိုက်ဖအောဝ်လဝ်ရ။
ပေါဲဗတိုက်ရပ်လွဟ် ညံၚ်ဂွံဒေါအ်အာ ဒးကၠောန်ကၠာတဲတုဲမှ ဒးကၠောန်အာပေါဲရုဲမာဲရောၚ် နူကဵုအာသဳယာန် ဟီုလဝ်တုဲ အကာဲအရာပေါဲရုဲမာဲလောန် ပရေၚ်ဍုၚ်ဗမာဂှ် ဆက်မံၚ်ရံၚ်အာကြပ်ပ်ရောၚ် ဟီုလဝ်ရ။
အာဆီယံကလည်း လက်နက်ကိုင် တိုက်ခိုက်မှုတွေ အဆုံးသတ်အောင် အရင်ဦးဆုံး လုပ်ဆောင်ပြီးမှာ ရွေးကောက်ပွဲ ကျင်းပရမှာ ဖြစ်တယ်လို့ ပြောထားပြီး ရွေးကောက်ပွဲအလွန် မြန်မာနိုင်ငံရဲ့ အခြေအနေတွေကို အနီးကပ် စောင့်ကြည့်မယ်လို့ ပြောထားပါတယ်။
Ref: Kyodo