ဝါယှေန်တာန်၊ အေဗရာ ၂၈
ပ္ဍဲပေါဲစသုၚ်စၞသဝ်တ္ၚဲ အစာပရိုၚ်သ္ၚိဗတာင် မကၠောန်ဗဒှ်လဝ် ပ္ဍဲဝါယှေန်တာန်ဒဳသဳ ပ္ဍဲအခိၚ်ဗ္တံ ဂိတုအေဗရာ ၂၅ တေံ ပရေၚ်ပန်လွဟ် မကတဵုဒှ်လဝ်ဂှ် သွက်အရာညးတေံ ပရေၚ်ဂွိၚ်ဖေက်ဟၟဲလဝ်ပုဟ် သမ္မတအမေရိကာန် ဒဝ်နယ်ထရ ဟီုရ။
ကြဴနူပရေၚ်ပန်လွဟ်ဏံတုဲ ပ္ဍဲအရာမဆဵုဂဗသၟာန်သၟုက်ဂှ် ထရ ဟီုလဝ် နကဵုလမျီုညးတေံ မုလေဝ်ဟွံဒးဂွိၚ်ဖေက် ဂှ် ညးတေံကၠိုဟ်ခၠၚ်မံၚ်ရောၚ် ပိုဲတံဏံ ဒးမံၚ်စံၚ်မံၚ် ပ္ဍဲဂၠးကဝ်မကြအ်ကြာန်မံၚ်မွဲရောၚ် ညးတေံသ္ဂးရ။
ကိုဝ်လ် တဝ်မာတ်သာ် အယ်လန် အာယုက် ၃၁ သၞာံ မဒှ်မၞိဟ်ပန်လွဟ် ပ္ဍဲကရပ်သၞေဟ်ကင်ဂိက် စၟဳစၟတ်ပရေၚ်ဂီုကၠီု ပေါဲစသုၚ်စၞသဝ်တ္ၚဲဂှ် နူကဵုဂကောံပရေၚ်ဂီုကၠီုတံ ရပ်ဂွံလဝ်တုဲ သွက်ဂွံပတိုန်ရုၚ်သၞောဝ်ဓဝ် စၟဳစၟတ်အာဂှ် ဖန်ဖက်ရေၚ်တၠုၚ်မံၚ်ရ။
ကိုဝ်လ် တဝ်မာတ်သာ် အယ်လန် နူတွဵုရးကေဝ်လဳဖိုဝ်နဳယာ ကၠောန်ဗဒှ်လဝ်အရာပရေၚ်သၟာန်သှ်မွဲ ပ္ဍဲဝါယှေန်တာန်ဂှ် စောဲစပ်လဝ်ဒုဟ် ဗွဲမလုပ်သၞောဝ်ယျရ။
ညးတေံဝွံ ဒှ်ညးမချူဂိမ် မွဲတၠ ကေုာံ အ္စာမွဲတၠရောၚ် ကိုဝ်လ် တဝ်မာတ်သ် ဟီုရ။
ပ္ဍဲအကြာဏံ လၟေၚ်တရဴအမေရိကာန် ဧကရာဇ်အဂႅလိက် ချာလ်ဂှ် ပါဲနူပဠေဝ်ပဠေတ်ညိညတုဲ အတိုၚ်မဖန်ဇန်လဝ်ဂှ် သွက်ဂွံဆက်ကၠောန်အာရောၚ်ဂှ် နူနန်ဗက်ကေန်ဟမ် လလောၚ်တြးလဝ်ရ။
ညးမပန်ဗတိုက်လဝ် ပ္ဍဲပေါဲစသုၚ်စၞသဝ်တ္ၚဲရဲပရိုၚ်သ္ၚိဗတာင်ဗုဂှ် ဒှ်အေန်ဂျေန်နဳယျာကွတ်စက်မွဲတၠကီုတုဲ ရန်တၟအ်စွံပွန်လဝ် လ္တူထရ ကေုာံ ညးတာလျိုၚ်အလဵုအသဳတံရောၚ်ဂှ် ညးတာလျိုၚ်အမေရိကာန်တံ ပတေဟ်ကေတ်လဝ်ရ။
ကိုဝ်လ် တဝ်မာတ်သ် ဝွံ ဒှ်ညးမဒစဵုဒစးဘာသာခရေတ်ယာန် ဗွဲမသ္ကာတ်မြဟ်မွဲတၠတုဲ ပ္ဍဲညးတေံအခက်အခုဲဗွဲမဂၠိုၚ် နွံမံၚ်တုဲ မိက်ဂွံပန်ဂစိုတ်ညးတာလျိုၚ် အလဵုအသဳထရီုတံရောၚ် ဟီုဂးလဝ်ရ။
ညးတေံဝွံ စနူညးတာလျိုၚ်အယုတ်ဍောတ်အိုတ် စဵုကဵုစိုပ်အဆံၚ်တာလျိုၚ်သၠုၚ်အိုတ် ပ္ဍဲဂကောံအလဵုအသဳထရတံကီု မိက်ဂွံဂစိုတ်ထောံဖအိုတ်ရောၚ်ဂှ် ချူလဝ်လိက်မွဲတၞးနွံရောၚ် ဂွံတီကေတ်ရ။
ကြဴနူပရေၚ်ပန်လွဟ်တုဲ ဟွံလံမွဲၜါနာဍဳဂှ်ဟေၚ် ညးမဒးဒုၚ်သံသယဂှ် ရပ်ဂွံလဝ်ယျရောၚ်ဂှ် ထရ ဟီုလဝ်တုဲ ရုပ်မဒုၚ်ဒးရပ်လဝ်ဂှ်လေဝ် ဗၟံက်ထ္ၜးလဝ် ပ္ဍဲဇာဖိုၚ်မှာဇန်ရ။
နူကိုပ်ကၠာတေံလေဝ် ထရ ဟီုလဝ် ပရေၚ်ဂစာန်လုပ်ဂစိုတ်တံ ဒးဂဗဆဵုကၠုၚ်လဝ်ကီုလေဝ် ဘဲအန္တရာဲလမျီု ဟွံကတဵုဒှ်လဝ်ပုဟ်။ ဆဂး နကဵုညးတေံမ္ဂး ပရေၚ်ဒးဂွိၚ်ဖေက်မုလေဝ်ဟၟဲပုဟ် ထရ ဟီုဂးလဝ်ရောၚ်။
Ref:BBC
