တိုဝ်ကျိုဝ်၊ မာတ် ၂၇
က္ၜၚ်ကျာတၞောဝ်တၟိ ပံၚ်တောဲကၠောန်ပ္တိတ်ဒၟံၚ် ကုဗျိတိၚ်၊ အဳတလဳတံဂှ် သွက်ဂွံသွံတြးကဵု ဍုၚ်တၞဟ်သ္အာၚ်တံဂှ် ဂကောံအလဵုအသဳဂျပါန် ကဵုလဝ်အခေါၚ်ရောၚ် ဂွံတီကေတ်ရ။
လ္ဂောံကဵုသၞောဝ်သ္ဇိုၚ်ဒက်ပ္တန်ဂျပါန် မၞုံပၟိက်ကုပရေၚ်ၜိုဟ်လလမ်ဂှ်မ္ဂး ၜိုန်ရကၟာတ်လဒဵုလဝ် ပရေၚ်ပလံၚ်ပ္တိုန်လွဟ်လက်နက် လအ်လကီုလေဝ် အခိၚ်ပရေၚ်ကြံၚ်မ္ၚိုဟ် စပ်ကဵုဂၠးတိ ကေုာံ အပ္ဍဲဒေသတံ သၠုၚ်တိုန်ဒၟံၚ်ဂှ် ပြံၚ်လှာဲလဝ် မူဝါဒကၠာတေံရ။
သွက်ဂွံထ္ပက်အဇာရပ်စပ်အာ ဒၞါဲဂကောံက္ၜၚ်ကျာဗ္တိုက် F-2 နူအမေရိကာန်ပ္တိတ်လဝ် အာယုက်လအ်ဒၟံၚ်ဂှ်တုဲ ဂျပါန်ဝွံ ပံၚ်တောဲကဵုဗျိတိၚ်၊ အဳတလဳတံတုဲ ကၠောန်ပ္တိတ်ဒၟံၚ် က္ၜၚ်ကျာဗ္တိုက်ကဆံၚ်သၠုၚ်တံရ။
ဂျပါန်ဝွံ ဂကူတိုၚ်ဝှောန် က္ၜၚ်ကျာဗ္တိုက်ဥရဝ်ပ ဒပ်ပၞာန်ဗျိတိၚ် ကေုာံ အဳတလဳတံ ရပ်စပ်ဒၟံၚ်ဂှ်လေဝ် သုၚ်စောဲဒၟံၚ်ဂှ် ဂွံတီကေတ်ရ။
ပ္ဍဲဂိတုဒဳဇြေမ်ဗာ သၞာံတုဲကၠုၚ်တေံ ကိုန်စဳမာန်က္ၜၚ်ကျာဗ္တိုက် ပ္တိတ်နူအပ္ဍဲဍုၚ်ဂျပါန်ဂှ် ပံၚ်တောဲကဵုဗျိတိၚ် ကေုာံ အဳတလဳတံတုဲ သွက်ဂွံကၠောန်ပ္တိတ် က္ၜၚ်ကျာဗ္တိုက်ကဆံၚ်သၠုၚ်ဂှ် တုပ်လဝ်စိုတ်ရ။
အတိုၚ်ကိုန်စဳမာန် ပိဍုၚ်ပံၚ်တောဲဂှ်မ္ဂး ပ္ဍဲသၞာံ ၂၀၃၅ ဏံ ကၠောန်ပ္တိတ်အာ က္ၜၚ်ကျာဗ္တိုက်တၞောဝ်တၟိတံဏောၚ်တုဲ ကိုန်စဳမာန်ဏံဂှ် ဖျေံအာသ္ဇိုၚ် ပ္ဍဲဗျိတိၚ်ဏောၚ် ဂွံတီကေတ်ရ။
ဟိုတ်နူက္ၜၚ်ကျာဗ္တိုက်တၟိတၟိတံဂှ်တုဲ အစောံစရာဲဒပ်ကျာဂျပါန်ဝွံ သာခိုဟ်နူ ကြုက် ကေုာံ ရုယှာတံမာန်ဂှ်လေဝ် ဂျပါန် ရန်တၟံလဝ်ရ။
အခိၚ်ပေါဲပၞာန် ဂၠါဲသၞတုဲ ဒးကျအာလဝ် ပ္ဍဲပၞာန်ဂၠးကဝ်ဒုတိယတေံတုဲဂှ် အတိုၚ်သၞောဝ်သ္ဇိုၚ်ဂျပါန်မ္ဂး ပ္တိတ်လဝ်ဇြဟတ် သွက်ဂွံစဵုဒၞါ ဇကုဇကုဓဝ်ရ မဒှ်ရ။
အစဳဇန် အလဵုအသဳ သ္ကိုပ်ဝန်ဇၞော် ကဳယှဳဒါ တုပ်စိုပ်ကဵုလဝ်အခေါၚ်ဂှ် သောၚ်ကလးလဝ် ဇရေၚ်ညးဍုၚ်ကွာန်ဂမၠိုၚ်ဟွံမွဲတုဲ သ္ဂောံဂွံတၚ်တုပ်စိုတ် သွက်အပြံၚ်အလှာဲ မူဝါဒအဓိကတံဂှ်လေဝ် ပ္တိတ်လဝ်ဇြဟတ်ဟွံမွဲပုဟ်ဂှ် ညးလ္ပာ်ဒစဵုဒစးတံ စောဲစပ်လဝ်ရ။
က္ၜၚ်ကျာဗ္တိုက်တၞောဝ်တၟိတံဂှ် သွံတြးအာကဵု ဍုၚ်ကေတ်လဝ်တၚ်တုပ်စိုတ် ပရေၚ်စဵုဒၞါ ကုဍုၚ်ဂျပါန် ၁၅ ဍုၚ်ဓဝ်ရဏောၚ်ဂှ် ဂွံတီကေတ်ရ။
Ref: AP