သိပ်ပဝ်လ်၊ ဂျာန်နဝါရဳ ၂၅
ပ္ဍဲဍုၚ်အမေရိကာန် အကြာသၟုဟ်ဓါတ်ကတဴယအ်စှ်ေမံၚ်ဂှ် ညးဍုၚ်ကွာန်လၟိဟ်ကဵုလ္ၚီတံ ကၟာတ်စွံဆေင်ဖျာညးတံတုဲ တိတ်လ္တူဂၠံၚ် ထ္ၜးလဝ်ဆန္ဒ လ္တူကိစ္စပရေၚ်ဗက်ရပ်စပ်ရဲဆုဲပြံၚ်ဌာန်ဒၞာဲ တန်တဴမံၚ်စံၚ်ဒၟံၚ် တွဵုရးမၚ်နဳသိုဝ်တာတံရ။
နကဵုပရေၚ်ဒစဵုဒစး စပ်ကဵုပရေၚ်ဖျေံစွံလဝ် ဂကောံဒပ်ပရေၚ်လဝက ကေုာံ ကောပ်ကာဲအကံက်အခေါန် (ICE) အမေရိကာန်ဂှ် ညးဂမၠိုၚ်ဟွံစှ်ေကမၠောန်၊ ဟွံတိုန်ဘာ၊ ဟွံရာန်ဖျာတုဲ ညံၚ်ဂွံထ္ၜးဆန္ဒ၊ ညးစဳဇန်ပေါဲထ္ၜးဆန္ဒတံ ဗတိုက်ဖအောဝ်လဝ် ညးဒေသတံတုဲ မၞိဟ်ဂမၠိုၚ်တိတ်လ္တူဂၠံၚ် ထ္ၜးဆန္ဒ မဒှ်ရ။
အတိုၚ်အလဵုအသဳထရ စၞောန်ပ္ညုၚ်နၚ် ဂကောံဒပ် ICE ကၠုၚ်ရပ်စပ်မံၚ် ရဲဆုဲပြံၚ်မံၚ်စံၚ် ပ္ဍဲကဵုဍုၚ်မင်နဳသိုဝ်တာဂှ် လၟုဟ်တှ်ေ ၜက်ကၠုၚ် ၆ သတ္တဟပြၚ်အာ မဒှ်ရ။
ကောန်ရာဇဝတ် ဟွံလုပ်သၞောဝ်တန်တဴမံၚ်ဒၟံၚ်အပ္ဍဲဍုၚ်တံဂှ် ညံၚ်ဂွံကလေၚ်ပလံၚ်ဖျဴအာ ရန်တၟံကဵုညးဂမၠိုၚ်ဘဲအန္တရာဲညးဂွံအောန်စှ်ေအာ ဒးရေၚ်တၠုၚ်မံၚ်မဒှ်ရောၚ် အလဵုအသဳထရ ဟီုလဝ်ရ။
ရဲမဆုဲပြံၚ်မံၚ်စံၚ် ဟွံကေၚ်ဒှ်လဝ်အမှုရာဇဝတ်တံကီု ကောန်ဍုၚ်အမေရိကာန်တံကီု ဒးဒုၚ်ရပ်လဝ်နွံမံၚ် ညးပါ်ပါဲတံ ဟီုရ။
ပ္ဍဲဂျာန်နဝါရဳ ၂၃ ဂှ် ရဲဂကောံဘာသာ ၜိုတ် ၁၀၀ တံ ဒးဒုၚ်ရပ်ဏာ ဟိုတ်နူထ္ၜးလဝ်ဆန္ဒ လိုၚ်ၜၚ်ကျာတံ ညံၚ်ဟွံဂွံပလံၚ်ဖျဴ ရဲ ICE တံရပ်ထိၚ်လဝ်တံရ။
သွက်ဂွံရပ်အာရဲဆုဲပြံၚ်မံၚ်စံၚ်တံ အလဵုအသဳထရ ပလံၚ်ဗစိုပ်လဝ်ကောန်ဒပ်ဖိတ်ဒရေဝ် လၟိဟ်ကဵုလ္ၚီနွံ မဒှ်ရ။
ညးဗြဴအယုက် ၃၇ သၞာံ ကောန်တွဵုရးမၚ်နဳသိုဝ်တာမွဲတၠ ဒးဒုၚ်ပန်ဂစိုတ်လဝ် ဂကောံဒပ် ICE တံတုဲ ပျုတ်ဗဒေက်တိုန်ဂှ် ပ္ဍဲကဵုအလုံတွဵုရးဏံ အကာဲအရာကြံၚ်မ္ၚိုဟ်တိုန်ရ။
ဒပ် ICE တိတ်အာနူတွဵုရးမၚ်နဳသိုတာညိ ရဲထ္ၜးဆန္ဒတံ ကညာၚ်ကရေဲအာတ်မာတ်မိက်မံၚ်ရ။
အသိၚ်ဂမ္တဴယအ်စှ်ေမံၚ် -၁၀ ဒဳကရဳဖာရေၚ်ဟိုက်ကီုလေဝ် ကောန်တွဵုရးမၚ်နဳသိုဝ်တာလၟိဟ်ကဵုလ္ၚီတံ တိတ်ထ္ၜးမံၚ်ဆန္ဒအတိုၚ်ဏံ မဒှ်ရ။
ရဲတၠဆေင်ဖျာတံလေဝ် ပါလုပ်ပံၚ်တောဲအာကဵု ပေါဲထ္ၜးဆန္ဒတုဲ ညးတံကၟာတ်ထောံဖျာအိုတ်ရ။
Ref:BBC