တိုင်ပေ၊ ဂျာန်နဝါရဳ ၂၇
ညးတာလျိုၚ်ပၞာန်အဆံၚ်သၠုၚ်အိုတ် နူကဵုဗေဂျေၚ်အခိၚ်စၟဳစၟတ်မံၚ်ဂှ် မၚ်ရံၚ်အာမံၚ် ပ္ဍဲကဵုအပြံၚ်အလှာဲက္ဍိုပ်သ္ကိုပ်ဒပ်ပၞာန်ကြုက် လၟေၚ်ဓမ္မတာတံဟွံသေၚ်ရောၚ် ဌာနဝန်ဇၞော်ပရေၚ်စဵုဒၞာထာဲဝါန် ဟီုလဝ် ပ္ဍဲဂျာန်နဝါရဳ ၂၆ ရ။
ပ္ဍဲကဵုဒပ်ပၞာန်ကြုက် ပရေၚ်အပြံၚ်အလှာဲညးတာလျိုၚ်အဆံၚ်လှုၚ်တံ နွံမံၚ်ကီုလေဝ် အန္တရာဲကၠုၚ်ဗတိုက်ဇကု ဒှ်ကၠုၚ်မာန်ဏီတုဲ ဆက်သၠုၚ်စွံလဝ်သတိ အတိုၚ်ဗီုတြေံရ ဌာနဝန်ဇၞော်ပရေၚ်စဵုဒၞာထာဲဝါန် ဟီုရ။
ပရေၚ်ဖံက်ပကဝ်စေဝ်ပၞောန်ကဵု ဥပဒေ ဇၞော်ကဵုဇြဟတ်နွံ ဒှ်လဝ်သံသယတုဲ ဂၠိုက်ဂၠာဲစၟဳစၟတ်မံၚ် ဒုသ္ကိုပ်က္ဍိုက်ပ်ပၞာန် ကျာန်ယူကျာကေုာံ ညံၚ်တာလျိုၚ်အဆံၚ်သၠုၚ် လွဳကျာန်လဳတံဂှ် နူကဵုကြုက် လလောၚ်တြးလဝ် ပ္ဍဲကဵုဂျာန်နဝါရဳ ၂၄ ရ။
သမ္မတကြုက် ယှဳကျေအ်ဖျေၚ်တုဲမ္ဂး ဒှ်ဒုသ္ကိုပ်က္ဍိုက်ပ်ပၞာန် ကျာန်ယူကျာ၊ ဒှ်မံၚ် ဒုဥက္ကဌ စပ်ကဵုကဝ်မယှေန်ပၞာန်ဗဟဵု မဒှ်ရ။
ပွမအပြံၚ်အလှာဲ ဗော်ကြုက်၊ အလဵုအသဳကေုာံ က္ဍိုပ်သ္ကိုပ်ပၞာန် လၟေၚ်အခိၚ်ဓမ္မတဟွံသေၚ်တံဂှ် ဆက်မံၚ်လ္ၚတ်ရံၚ်အာမံၚ်ကြပ်ပ်ရောၚ် ဝန်ဇၞော်ပရေၚ်စဵုဒၞာထာဲဝါန် ဝါလေၚ်တန် ကူ ဟီုကဵုအစာပရိုၚ် ပ္ဍဲစၠတ်ဓဝ်ရ။
အစဳဇန်ကြုက်တံ စကာဇြဟတ်တုဲ သွက်ဂွံသီကေတ်ထါဲဝါန်ဂှ် ညိလေဝ်ဗလးထောံဟွံသေၚ်ပုဟ် ညးဟီုရ။
ဒုသ္ကိုပ်က္ဍိုက်ပ်ပၞာန် ကျာန်ယူကျာဂှ် ဒှ်မံၚ်မဟာမိတ်လပါ်ပၞာန် သွက်သမ္မတယှဳ ဍုက်ကေဝ်အိုတ်မွဲလအ်လတုဲ ညးတာလျိုၚ်အဆံၚ်လှုၚ် ပရေၚ်ဆဵုဂဗဇၞော်မွဲ မဒှ်ရ။
ပ္ဍဲကဵုပေါဲဗတိုက်ပယျဵုဗဳယက်နာမ် ၁၉၇၉ ညးတံလုပ်ဗတိုက်လဝ် မဒှ်ရ။
ဍုၚ်ထာဲဝါန် ဇကုဇကုအုပ်ဓုပ်မံၚ် နကဵုသၞောတ်ဒဳမဝ်ကရေသဳဂှ် ဒှ်တိဍာ်ကြုက်ရောၚ်ညာတ်လဝ်တုဲ ပ္ဍဲပွဳပွူတ္ကအ်ထါဲဝါန်ဂှ် ဗလးနၚ် ၜၚ်ကျာပၞာန်ကဵု ၜၚ်ပၞာန်တံ အရိုဟ်တ္ၚဲရ။
ထိုၚ်ဝါန် စကာပရေၚ်ထံၚ်ပရိုၚ်၊ ပရေၚ်မင်ရံၚ်အာ၊ ကၚ်ဒမၠုက်တံ စကာအာနဲကဲနာနာသာ်တုဲ ဆက်ရံၚ်အာအကာဲအရာကြုက်တံရောၚ် ဝါလေၚ်တန်ကူ ဟီုရ။
ဍုၚ်ထါဲဝါန်ဂှ် သွက်ဂွံစွံအာသၟဝ်ပရေၚ်အုပ်ဓုပ်ကြုက် နွံကၠုၚ်ပၟိက်မ္ဂး စကာအာဇြဟတ်ရောၚ် ကြုက်ဟီုလဝ်တုဲ ပ္ဍဲကဵုဂိတုတုဲကၠုၚ်ဂှ် ပရေၚ်ခန်လ္ၚတ်ပန်လွဟ်တံ ကၠောန်လဝ်အကြာပွဳပွူတ္ကအ်ထါဲဝါန်ရ။
ညးဍုၚ်ကွာန်ထါဲဝါန်တံဟေၚ် သွက်အနာဂတ်ညးတံ ညးတံဆက်ဖျေံအာသ္ဂုတ်သွာတ်ရောၚ် အလဵုအသဳထါဲဝါန် ဟီုဂးလဝ်ရ။
Ref:Reuters