တိုကျို၊ ဖေဖဝ်ဝါရဳ ၁၇
နူကဵုဍုၚ်ဂျပါန် ဂစာန်ပၠုပ်မံၚ်ဝါဒပၞာန်ပၠန်ရောၚ် ဝန်ဇၞော်ဍုၚ်သ္အာၚ်ကြုက် ဝါမ်ယိဟီုလဝ်ဂှ် နူကဵုဂၠံၚ်အမာတ်ကလုတ် ကလေၚ်ကဵုလဝ်သတိ ပိုတ်တ်ရောၚ် အလဵုအသဳ ဂျပါန် ဟီုရ။
စပ်ကဵုပရေၚ်ဆက်ဆောံ အလဵုအသဳကြုက်ကဵုဂျပါန်တံတုဲ ဝန်ဇၞော်ဝါမ်ယိ ဟီုဂးလဝ် ပ္ဍဲကဵုသဘင်သဳကၠဳပရေၚ်ဂီုကၠီု ဍုၚ်ဂျာမနဳ မဒှ်ရ။
စပ်ကဵုသ္ကိုပ်ဝန်ဇၞော်ဂျပါန် တာကာအိချဳ ဟီုဂးလဝ်ပရေၚ်ဍုၚ်ထာဲဝါန်ဂှ်တုဲ အကြာကြက်ကဵုဂျပါန် ၜါဍုၚ်ဏံ ပရေၚ်ဆက်ဆောံ ဟွံပြေပြံၚ်ညးသ္ကံ ဒှ်မံၚ်ရ။
ပရေၚ်ဂစာန်ထပၠုပ်မံၚ်လမျီု ဝါဒပၞာန် ဟွံသေၚ်မ္ဂး အတိုၚ်ရဲဂကောံတၞုၚ်တၞးတဲပုၚ်တံ ဗဂေတ်မံၚ်ဂှ် ညိမှဒုၚ်တဲဟွံထေက်ရောၚ် ဝါမ်ယိဟီုရ။
အတိုၚ်ဂၠံၚ်တရဴဏံ ဂျပါန်ဆက်ကွာ်မံၚ်မ္ဂး ဒှ်အရာပလီုပလိုက်မံၚ်ဇကုဇကုရောၚ် ဍုၚ်ဆာန်ကၟိန်ပရေၚ်ၜိုဟ်လလမ်ဂမၠိုၚ်တံ ပလံၚ်ဗစိုပ်ကဵု ဂလာန်သောၚ်ၚ်ထေက်ရောၚ် ဝါမ်ယိဟီုရ။
ကြုက်ဟီုမံၚ် အရေဝ်ဂလာန် ဗီုပြၚ်ဟွံစှ်ေသဘဴ ဟွံဍာံဟွံပြ ဟီုဂးမံၚ်ဗီုတံဏံရောၚ် ဌာဝန်ဇၞော်ဍုၚ်သအာၚ် ဒစဵုဒစးလဝ်ရောၚ်။
ဂျပါန်တံ ဇၞော်သၠဲပတိုန်မံၚ်ဇြဟတ်ပၞာန်ဂှ် ဟိုတ်နူအကာဲအရာပရေၚ်ဂီုကၠီုမဒှ်တုဲ ရန်တၟံလဝ်ကဵု ဍုၚ်ညးတၞဟ်ဟွံသေၚ်ပုဟ် ဂျပါန်လလောၚ်တြးလဝ်ရ။
ကြုက်ယဝ်ရဗတိုက် ထာဲဝါန်မ္ဂး နကဵုပရေၚ်ပၞာန် ဂျပါန်လေဝ် ဒးပါလုပ်ကၠုၚ်မာန်ရောၚ် တာကာအိချဳ ဒှ်ကၠုၚ်သ္ကိုပ်ဝန်ဇၞော်တုဲဂှ် ဟီုလဝ်ရ။
ဒုၚ်စွံလဝ်တဲ ပၞာန်အမေရိကာန် ၜိုတ် ၆၀၀၀၀ တုဲ သၟဝ်တဲပၠတရဴဇကုဂှ် ဂျပါန်ဇၞော်ပတိုန်အာဇြဟတ်ပၞာန်ရောၚ် တာကာအိချဳဟီုလဝ်ရ။
Ref:AFP