ဝါယှေန်တာန်၊ အေဗရာ ၂
ကိုန်အစဳဇန် ၝောံခန်လှ်ေကွာဲ င္ၚုဟ်ဒဝ်လာ ၄၀၀ ပြကောဋိကိုတ် သမ္မတ ဒဝ်နယ်ထရ မဖန်ဇန်လဝ် သွက်ဂွံသိုၚ်ပ္ဍဲဒၞာဲ လ္ပာ်ဗၟံက် သ္ၚိဗတာင်ဗုဂှ် ယဝ်ရဟၟဲကဵုအခေါၚ်နူစၠတ်ဓဝ်မ္ဂး သိုၚ်ခၞံဟွံဂွံရောၚ် နာဲဗ္စာ အမေရိကာန်မွဲတၠ ပ္ဍဲဂိတုမာတ် ၃၁ ဂှ် သ္ဂုတ်သွာတ်လဝ်ရ။
ဟိုတ်ဂှ်ရ အရာပွမဂစာန် သမ္မတဇၞော် ရဳပါတ်ဗလေကန် သွက်ဂွံကလေၚ်ဖျေံဗီုပြင် အဝဵုခုၚ် အမေရိကာန်မွဲဒၞာဲ ဗွဲမကၠးမးဂှ် ပြဟ်ဟ်ဏံ ဒေါအ်အာမဒှ်ရ။
အရာမစကၠောန် သွက်ဂွံပလီုကၠေံဒၞာဲခန်လ္ပာ်ဗၟံက် မၞုံကဵုလုပ်ဝၚ်တုဲ သိုၚ်ခၞံစမြိုၚ်တၟိဂှ် ဒှ်အရာထရ ကၠောန်ဗဒှ်လဝ် အဝဵုၜက်လောန်အာ နူကဵုအခေါၚ်ညးတေံကၠောန်ရောၚ် ဂကောံထိၚ်ဒဝ်ပရေၚ်ဂလာန်ပတေဟ် ဆေၚ်စပ်ကဵုဝၚ်ကောန်ဂကူ စောဲစပ်တုဲ စောဲလဝ်အမှုရ။
နာဲဗ္စာ ဆေၚ်စပ်ကဵုဒေသအမေရိကာန် ရေတ်ချက် လဳယောန် ဝွံ နကဵုထရ ဒးကေတ်အခေါၚ်နူစၠတ်ဓဝ်တုဲ ပ္ဍဲအခိၚ်လၟုဟ် သွက်ဂွံဒေါအ်လဝ် ကိုန်အစဳဇန်ဂှ် ဖျေံလဝ်သ္ဂုတ်သွာတ်ရ။
နာဲဗ္စာ လဳယောန် ညးဒးဒုၚ်ခါန်ကၞက်လဝ်ကဵု သမ္မတတြေံရဳပါတ်ဗလေကာန် ဂျောတ်ဒဗလျူဗွတ်ချ် ဂှ် ကြဴနူကဵုစၞောန်ပ္ညုၚ်ဒေါအ်ထောံ ကိုန်အစဳဇန် ၝောံခန်လှ်ေကွာဲ မလှဲလး ၉၀၀၀၀ စတုယာန်ပေတုဲ ပရေၚ်စောဲအမှုတံ ဆက်နွံမံၚ်ဖိုဟ်ရောၚ်။
နာဲဗ္စာဂှ် သွက်အလဵုအသဳထရ ဂွံပတိုန်ပရေၚ်ခၠေဝ်သှ်မာန် အမိၚ်ညးတေံ ဒေါအ်လဝ် ၁၄ တ္ၚဲရောၚ် ဟီုရ။
အမိၚ်ဖျေံလဝ်လၟုဟ်ဂှ် သွက်ပရေၚ်ဂီုကၠီု ကေုာံ ပရေၚ်ဗၠးဘဲ သ္ၚိဗတာင်ဗု ညံၚ်ဂွံချိုတ်ပၠိုတ်ဂှ် အရာမနွံပၟိက်ပ္ဍဲပရေၚ်သိုၚ်ခၞံတံဂှ် ဟွံယုတ်ဒေက်အာပုဟ် နာဲဗ္စာ သ္ဂးရ။
ကြဴနူအမိၚ်နာဲဗ္စာ လဳယောန် တိတ်ကၠုၚ်တုဲ ဟွံလံနာဍဳဂှ်ဟေၚ် နူကဵုဌာနသၞောဝ်ဓဝ် ပ္ဍဲရုၚ်သၞောဝ်ဓဝ်ဒုၚ်ခၠေဝ်သှ်အမေရိကာန် ဒေသ District of Columbia ဂှ် လုပ်ပတိုန်လဝ်ပရေၚ်ခၠေဝ်သှ်အမှုရောၚ် ဂွံတီကေတ်ရ။
သြန်အရၚ်ဒးအိုတ် သွက်ဂွံသိုၚ်ခၞံ ၝောံခန်လှ်ေကွာဲတံဂှ် ထရ ဟီုလဝ် သုၚ်စောဲသြန် ညးကဵုလဝ်အခေါန်တံဟွံသေၚ် သြန်ညးကဵုဒါန်လဝ်တံ နွံမံၚ်ရောၚ် ဟီုရ။
ၝောံခန်လှ်ေကွာဲဏံဝွံ ပ္ဍဲဂၠးကဝ်ဏံ ဒှ်စမြိုၚ်ဒၞာဲ ခိုဟ်အိုတ်မွဲရောၚ် ညးတေံဟီုလဝ်ကီုရ။
ဒီလို သမိုင်းဝင် အဆောက်အဦကို ထရန့် အစိုးရက ဖြိုဖျက်ပစ်ခဲ့ပြီး ထရန့်က ကပွဲခန်းမ တည်ဆောက်ဖို့ စီစဉ်ထားတာ ဖြစ်ပါတယ်။
စမြိုၚ်မၞုံကဵုလုပ်ဝၚ်ဗီုဏံဂှ် နကဵုအလဵုအသဳထရ ပလီုထောံတုဲ ထရ ဖန်ဇန်လဝ် သွက်ဂွံသိုၚ်ခၞံအာ ၝောံခန်လှ်ေကွာဲ မဒှ်ရ။
Ref:Reuters