ကဏ္ဍ ဒး၊ ဗၠေတ်
မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန် ဒး၊ ဗၠေတ် သြၚ်လောန်တိုၚ်(မ်) ပိုယ်ဏံရအဴ။
ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ်ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ပ္တောံ
မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ပိုယ်တံဏံ စၟဳစၟတ်ကဵုအာရောၚ်။
တ္ၚဲဏံ ပရူပရာမပါလုပ် ပ္ဍဲဗီုဓာတ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ် “
ရပ်စပ်တဆိပ်ဗော် NLD တံပါဂှ်မ္ဂး ရပ်ဒက်ဏောၚ်” ဂှ် စၟဳစၟတ်ကဵုအာရောၚ်။
ပရူပရာဏံဂှ် ပ္ဍဲဂိတုဨပရဴ (၃) တေံ နူကဵုအကံက်ပ္တောံထလဳဂရာမ် မှိုၚ်ဝေ တြးလဝ်ဂှ် ဂွံဆဵုကေတ်ရ။
ပရူပရာရဲထံက်ဂလာန်ဒပ်ပၞာန်တံ မတြးဒၟံၚ် ဍိုက်က်ပေၚ်ၚ်ဂှ် “ ရပ်စပ်တဆိပ်ဗော် NLD တံပါဂှ်မ္ဂး
ရပ်ဒက်ဏောၚ်” သာ်ဝွံ ရဲထံက်ဂလာန်ဒပ်ပၞာန်တံ တြးဒၟံၚ်ဝါဒ လ္တူအောန်လာၚ် သီုကဵုဗီုဓာတ်ဂမၠိုၚ်ရ။
စပ်ကဵုပရူပရာ မပါလုပ် ပ္ဍဲဗီုဓာတ် ကေုာံ ပသ်ထ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ်တုဲ
နူကဵုသြၚ်လောန်တိုၚ်(မ်) စၟဳစၟတ်စမ်ရံၚ်ဂှ် ဒဒှ်ရဒှ်ဒၟံၚ်တၚ်လလောၚ်တြးပ္တောံ၊ ပရိုၚ်ဗၠေတ်တြးဝါဒမွဲဂှ်
စၟဳစၟတ်ဂွံဆဵုကေတ်ရ။
လၟေၚ်ဒဒှ်ဍာံဂှ် ပ္ဍဲဂိတုမာတ်ချ် (၂၈) တေံ နူကဵုကမ္မယှေန်ပေါဲရုဲမာဲကၟိန်ဍုၚ် လလောၚ်တြး ဒဒှ်ရပလီုကၠေံ
ဗော်ပရေၚ်ဍုၚ်ကွာန် ၄၀ ဗော် သီုကဵုပါလုပ် ဗော်အေန်အေဝ်လ်ဒဳ မဟွံကလေၚ်ပ္တိုန်လဝ်စရၚ်
ပ္ဍဲကမ္မယှေန်ပေါဲရုဲမာဲ ကံၚ်ဇြဳပၞာန်တံဂှ်တုဲ တၚ်လလောၚ်တြး မရပ်ဒက်အာ ညးမရပ်စပ် Logo
ဗော်အေန်အေဝ်လ်ဒဳတံဏောၚ်ဟီုဂှ် လလောၚ်တြးလဝ် ဟွံမွဲဏီဂှ် ဌာန်ပရိုၚ်ဗၠးၜး ပတှ်ေဖျေံစိုတ်ဂွံတံ
စၟဳစၟတ်ဂွံဆဵုကေတ်ရ။
ဌာန်ပရိုၚ် RFA ထ္မံက်ထ္ၜးလဝ်ဂှ်
ဗော် NLD လလောၚ်ပ္တိတ်လဝ်ဂှ်
ဌာန်ပရိုၚ် Myanmar now ထ္မံက်ထ္ၜးလဝ်ဂှ်
ဟိုတ်နူတၚ်နၚ်တံဏံတုဲ ပရိုၚ်မပါလုပ် ပ္ဍဲဗီုဓာတ် ညးထံက်ဂလာန်ဒပ်ပၞာန်တံ တြးဒၟံၚ်
လ္တူဇာဇၞိက်ပရေၚ်မၞိဟ်ဂမၠိုၚ်ဂှ် “ရပ်စပ်တဆိပ်ဗော် NLD တံပါဂှ်မ္ဂး ရပ်ဒက်ဏောၚ်”ဂှ်ဝွံ ဒှ်ဆပရိုၚ်ပ္တောံ
ညးထံက်ဂလာန်ဒပ်ပၞာန်တံ မတြးဒၟံၚ်မွဲရောၚ်ဂှ် စၟဳစၟတ်ကဵုလဝ် သွက်ပုရိသာတ်
ဌာန်ပရိုၚ်သြၚ်လောန်တိုၚ်(မ်) ပိုယ်တံရ။
သြၚ်လောန်တိုၚ်(မ်)
sanlontai