ဒပ်ပၠန်ဂတးသၟဝ်တိ ချဳဒရာၚ်ဒၟံၚ် လ္တူဍုၚ်ဇၞော် အလုံမွဲဍုၚ်တအ်ဂှ် ပ္ဍဲကာလပၠန်ဂတးက္ညၚ် ပွိုၚ် (၂)သၞာံဏံ မ္ၚးနူဒးဒုၚ်ရပ်တုဲ ဟိုတ်နူက္လိဂွံ အရီုဗၚ်အောန်ကၠုၚ်ဒၟံၚ်ဂှ်ရ သွက်ဂွံဒတူလာၚ် သာတုဲခက်ခုဲကၠုၚ် ဒပ်ပရေၚ်ပၠန်ဂတး ဂမၠိုၚ် ဟီုကၠုၚ် မွဲရမျာၚ်အိုတ်ရ။
ညးလုပ်ဂကောံဒပ်ဒမၠုက်ဍုၚ်ဇၞော်တအ်ဂှ် ပ္ဍဲသၞာံ ၂၀၂၂ တုဲကၠုၚ်ဏံ ဟိုတ်နူဟွံက္လိဂွံပရေၚ်ထံက်ပၚ်တုဲ ဒၟာနူဆုဲ ပြံၚ် ဗွဲမဂတာပ်အခိၚ် ဟွံဂတာပ်ဂှ်ရ ဂကောံဒးဒုၚ် ရပ်လဝ်ကီု ဟိုတ်နူဟွံက္လိဂွံပရေၚ်ထံက်ပၚ်တုဲ ကၠောန်သ္ပလဝ်ပရေၚ်ချဳဒရာၚ်ပၞာန်ဟွံမာန်တုဲ ဂကောံ ဒးသီရုပ်လေဝ် နွံကၠုၚ်ရ။ ဂကောံလ္ၚဵုတအ်ဂှ် ထောံဍုၚ် ဇၞော်တုဲ ဒးဆေၚ်ဒၟံၚ်မုက်ကဵု ပရေၚ်ဒးကလေၚ် လုပ်စိုပ်ကၠုၚ် ပ္ဍဲတိဍာ်ဗၠးၜးကောန်ဍုၚ်အရၚ်တအ်ရ။
ဟိုတ်ဂှ်ရ အခက်ခုဲဂကောံဒပ်ဒမၠုက်ဍုၚ်ဇၞော်တအ် ဒးဆေၚ်ဒၟံၚ်မုက်ကီု၊ သွက်ဂွံဆက်ဒတူလာၚ်အာမာန် နွံဒၟံၚ်ပၟိက်ကဵု အရီုဗၚ် ဗီုပြၚ်လဵုရော။ ဒပ်ဒမၠုက်ဍုၚ်ဇၞော် ၜိုတ်ကဆံၚ်လဵု က္လိဂွံဒၟံၚ် ပရေၚ်အံၚ်ဇၞးကီုရော။ စပ်ကဵုအကာဲအရာဏံတုဲ ဆက်စၠောံသၟာန်သွဟ်လဝ်ကဵု ညးတာလျိုၚ် ဒပ်စဵုဒၞာညးဍုၚ်ကွာန် ဒဂုၚ်ဍုၚ်တၟိ MDPDF တောၚ်တမာန်ရ။
-ကၠာအိုတ်ဏံ အကြာမွဲၜါတ္ၚဲဏံ ပရေၚ် UG တအ် ဒးဒုၚ်ရပ်ဒၟံၚ် ဂၠိုၚ်တိုန်ရ၊ မုဟိုတ်ဗီုလဵု ညာတ်ကေတ်ရော။
စပ်ကဵုပရေၚ်UG တအ် ဒးဒုၚ်ရပ်တုဲ ပ္ဍဲဒၞာဲဂကောံ ဇြဟတ်ရပ် လွဟ်ၜါဂကောံ ပြိုၚ်ဗတိုက်ဒၟံၚ်ဂှ် ဇကုအာကြေပ်ဒၟံၚ်ရ။ ဇကုလေဝ် တၚ်ဍိုန်လျနွံဒၟံၚ် ဟီုတှ်ေ ဒးဒုၚ်ရ။ မွဲအံၚ်ဏံ ပရေၚ်ဒးဒုၚ်ရပ်တအ်ဂှ် လ္ပာ်ဇကု က္ဍိုပ်စူတိုန်လဝ်ကီု၊ ဟိုတ်နူပရေၚ်ပြံၚ်လှာဲ ဗျူဟာပၞာန် သၞရ ယဝ်ဒးဟီုတှ်ေ သာ ဍာံရ။ အတိုၚ်ပကတိဂှ် UG ဟွံအိုတ်ဏီတှ်ေ ရပ်ဒၟံၚ်တွဵု ရလေဝ်။ ပရေၚ်ဒးဒုၚ်ရပ် ဂကောံကဵုဂကောံဂှ် နွံဒၟံၚ်တွဵုရ အခိၚ်လၟုဟ်ဏံ။ ဟိုတ်ဍေံဂွံဒှ်ကၠုၚ် ဗီုအကာဲအရာလၟုဟ် ဏံတှ်ေ ဒးပါ်ပါဲသ္ၚဳဂၠိပ် ဇြိုဟ်ဟ်နက်နက်ဏောၚ်။ လၟုဟ်ဂှ် အခိၚ်မအလနွံဒၟံၚ်ဂှ်တှ်ေ၊ လ္ပာ်ဇကုဂှ်တှ်ေ ဂကောံဇြဟတ်ပၠန်ဂတးတအ်လေဝ် ဗတိုက်လ္ပာ်လကြဴ ဏောၚ်ဂးတုဲ အကာဲအရာကဵုလဝ်ရမျာၚ်၊ စိုပ်ကၠုၚ် အခိၚ်ကသီု သွက်ဂွံထ္ပက်ပၞာန် ပ္ဍဲလ္ပာ်ရးတအ် ဝါတ်ဂါတ် ကၠုၚ်ဂှ်ရ အခိၚ်ပြံၚ်ကၠုၚ်ဗျူဟာသ္ဇိုၚ် ပ္ဍဲလ္တူဍုၚ်တအ်ဂှ် ပရေၚ်ဒးဒုၚ်ရပ် ကောံကောံကလောံကလောံ ဂၠိုၚ်ကၠုၚ်ရ။ ဟိုတ်တၞဟ်လေဝ် နွံရ။
-အခိၚ်လၟုဟ်ဏံ ဂကောံဇြဟတ်ပၠန်ဂတးဍုၚ်ဇၞော် UG တအ် ဒးဆေၚ်ဒၟံၚ်မုက်ကဵု တၚ်ခက်ခုဲ ဗီုပြၚ်လဵုရော။
ပ္ဍဲကာလပၠန်ဂတး ပွိုၚ်ၜါသၞာံပြၚ် အကာဲအရာ UG အခိၚ်လၟုဟ်ဏံ ပရေၚ်ခက်ခုဲကြေပ်ဂြတ်၊ ကဵုဘဲဝပ် တအ်၊ တုဲပၠန် ကဵုပရေၚ်ဆဵုဂဗ ခန်လ္ၚတ်တအ် ဗွဲမဂၠိုၚ် ဂျိုၚ်တန်တဴဒၟံၚ်ဖိုဟ်ရ ဟီုစဂွံရလေဝ်။ ပေါဲဗတိုက်ပရေၚ်ပၠန်ဂတးဂှ်လေဝ် ဟွံတုဲဒှ်ဏီပုဟ်။ သွက်ဂွံဆက်ဂျိုၚ်အာ ဒဵုကဵုစိုပ်ဒတုဲလေဝ် နွံဒၟံၚ်ပၟိက်ဏီရ။ ပ္ဍဲလဂုၚ်ဂှ် သ္ကုတ်လကြဴဏံ ပရေၚ်ချဳဒရာၚ်ပၞာန် သာကြေပ်ဂြတ်ကၠုၚ်ဒၟံၚ်ဂှ်တှ်ေ ဒၞာဲလ္ပာ်ဇကု သာတုဲ က္ဍန်ဂြက်ကၠုၚ်ဒၟံၚ်ရ။ အရာဏံ ယဝ်ညးဍုၚ်ကွာန်တအ် ကလေၚ်ကၠောန်သ္ပကဵုမာန်တှ်ေ ဂွံဒၟံၚ်ရ။ အကြေပ်ဂြတ်ပရေၚ်ချဳဒရာၚ်ပၞာန်ဂှ် ပိုဲတအ်ရတီ သာတုဲခိုဟ်ရ။ အကာဲအရာတၞဟ်ဂှ်တှ်ေ ပိုဲဟွံမိက် ဟီုပုဟ်။ အဓိကဂှ် ဒၞာဲပိုဲက္ဍန်ကၠုၚ်ဒၟံၚ်ဂှ် ညးဍုၚ်ကွာန် တအ် ကလေၚ်သၠဲကဵုတုဲတှ်ေ ယဝ်ရ သ္ပကဵု COVER မာန်တှ်ေ သွက်ပိုဲ သၠဲလးလေဝ် သၠဲလးကၠုၚ်မာန်ဏောၚ်ဂှ် ပတှ်ေကေတ်လဝ်ရ။
-ၜိုန်ဒးဂိလဝ်ကီုလေဝ် ပ္ဍဲပရေၚ်ပၠန်ဂတးဍုၚ်ဇၞော်ဂှ် မုဟိုတ် UG တအ် ဒးဆက်နွံထေက်ရောဟီုဂှ် ဟီုထ္ၜးကဵုညိ။
-ပရေၚ်ဒးဒုၚ်ရပ်လဝ်ကီု၊ ပရေၚ်ဒးဒုၚ် သၠးထောံဍုၚ်ဇၞော်ကီု ပရေၚ်ဒးသီရုပ်ထောံပေါဲကဵု UG တအ်အောန်စှ်ေကၠုၚ်ဒၟံၚ်ဂှ် ဍာံဒၟံၚ်ရ။ ဆ္ဂး UG ဂှ် PDFဟွံသေၚ်ဂှ်ရ ဟွံဒးကေတ်ဂၠိုၚ်ပုဟ်လေဝ်။ ပ္ဍဲပရေၚ်ပၠန်ဂတးရပ်လွဟ်ဂှ် UG တအ် ဒှ်အဓိကဇၞော် အိုတ်ရ။ တုဲပၠန် ဒှ်ဇုတ်ဓရံၚ်ဇၞော်ရ။ UG ဟၟဲမွဲသာ် ဒးဗတိုက်ဒၟံၚ်ကဵုလွဟ်ဆဒှ်ကဵုဒှ် ပေါဲဗတိုက်ပကတိရ။ ပၞာန်ဒုၚ်တအ်တုဲတှ်ေ ပေါဲဗတိုက်သီဍုၚ်ဟီုဂှ် ပ္ဍဲပေါဲဗတိုက် ထ္ပက်ပၞာန်ဂှ် ဒှ်အာလ္ပာ်ပၞာန် ဒုၚ်မာန်ဒၟံၚ် ဏောၚ် ယဝ်ရဒးဟီုတှ်ေ လ္ပာ်ဇကုဒးဂိဏောၚ် လေဝ်။ အရာဏံဂှ် အကြာဂကောံဇြဟတ်ပၠန်ဂတးတအ်၊ အကြာညးဍုၚ်ကွာန်တအ် ဒးတီလဝ် သၠဲသၠဲလးလး ထေက်။ သွက်ဂွံချဳဒရာၚ်ပၞာန်ကဵုသၞဂှ်တှ်ေ UG တအ်ရ ဒးလုပ်ပေါဲဗတိုက်ဏောၚ်လေဝ်။ ဗွဲတၟေၚ်တှ်ေ ပ္ဍဲဍုၚ်ဂှ် ဇြဟတ် UG ဒးခိုဟ်ဏောၚ်။ ပ္ဍဲကဵုပေါဲဗတိုက်ပရေၚ် ပၠန်ဂတးအခိၚ်တ္ၚဲဏံဂှ် ယဝ်ရပါဲစွံလဝ် UG တအ်ဏောၚ် တှ်ေ အကာဲအရာပေါဲဗတိုက်ဂှ် ဒှ်အာအကာဲအရာ ဂတးဂတန်မာန်မံၚ်။ အရာဏံဂှ် သၠဲသၠဲလးလးလေဝ် မိက်ဂွံဟီုကီု မိက်ဂွံကဵုတီ သၠဲသၠဲလးလးရ။
-လအ်ကၠုၚ်ပွိုၚ် ၂ သၞာံတုဲဂှ် ပရေၚ်ပၠန်ဂတးလ္တူဍုၚ် မုပြံၚ်သၠာဲကၠုၚ်ရော။ ပ္ဍဲလ္တူဏံ ဗီုလဵုညာတ်ကေတ်ရော။
ဂကောံပိုဲသၟးဟွံသေၚ်ပုဟ်။ ပ္ဍဲဂကောံတၞဟ်လေဝ် အခက်ခုဲဟၟဲပၟိက်တအ်ဂှ် နွံဒၟံၚ်ရ။ ပြသၞာအဓိကဂှ် ပ္ဍဲလတူပိုဲ လ္တူ UG ပိုဲဂှ် ပ္ဍဲအခန်ကဏ္ဍ ညးဍုၚ်ကွာန် တအ်ကၠိုဟ်ကေတ်လဝ် ဗီုပြၚ်ကၠိုဟ်ကေတ် ဗၠေတ်ဒၟံၚ်ကီု လ္ပာ် UG ပိုဲဂှ် ဗီုပြၚ်လုပ်ဒၟံၚ်ပေါဲ ဗတိုက်ဗၠေတ်ဗၠေၚ်ဒၟံၚ်ကီုရ။ တုဲပၠန်လေဝ် ပရေၚ်ဒတူလာၚ်တံ မွဲတ္ၚဲကဵုမွဲတ္ၚဲကြေပ်ဂြတ်ကၠုၚ်ဒၟံၚ် ဟီုစဂွံရ။ ပ္ဍဲပွိုၚ်ၜါသၞာံပြၚ်ၚ်ဏံ ပရေၚ်ပြံၚ်သၠာဲဟီုဂှ် သၞဂှ်တှ်ေ ပြံၚ်သၠာဲကၠုၚ် အစဳဇန်ဍေံတအ်နွံရ။ ပြံၚ်သၠာဲဒ္ဂေတ်ဗက်လ္ပာ်ဇကုရပရေၚ်ဂှ် ဇြဟတ်ဍိုန်ဒၟံၚ်။ သၞာံကၠာတေံတှ်ေ တဲညးဍုၚ်ကွာန်တအ်ကီု၊ ဂၠံသြိုဟ်ညးဍုၚ်ကွာန်တအ်ကီု ဗာန်စပ်ဒၟံၚ်ရ စပ်ကဵု UG တအ်တှ်ေလေဝ်။ လကြဴဏံဂှ် ခြာကၠုၚ်ညးသ္ကအ် ညိညိရရ။ အရာဏံဂှ် အကာဲအရာပြသၞာ နွံကၠုၚ်ဒၟံၚ် ညိညဇြိုၚ်သာရ။
-ပရေၚ်ပၠန်ဂတးက္ညၚ်လ္တူဍုၚ်ဂှ် ၜိုတ်ဆံၚ်လဵု အံၚ်ဇၞးဒၟံၚ် ဟီုစမာန်ရော။
ယဝ်ရဒးဟီုလညာတ်မၞိဟ်မွဲ ဒးပ္တိုန်ထ္ၜးဏောၚ်တှ်ေ ပရေၚ်ပၠန်ဂတးက္ညၚ်လ္တူဍုၚ်ဇၞော်ဂှ် စဵုကဵုဗ္ၜတ်နွံပၟိက် ဟွံဂွံလဝ်ပရေၚ်အံၚ်ဇၞးဏီပုဟ် ဟီုစမာန်ရ။ မုဒှ်ရောတှ်ေ ဍုၚ်ဇၞော် ဗီုလဂုၚ်တအ်၊ ဍုၚ်ဇၞော်သှ်ေနူဂှ်တၞဟ်တအ် ဒှ်ဒၟံၚ်အတိုၚ်ပကတိယျ။ ရမျာၚ်လေဝ် ဗြုတိတ်ဒၟံၚ်ယျလေဝ်။ ပရေၚ်ထ္ပက်ကရောၚ်ပၞာန် ပ္ဍဲဗဒိုပ်ဒပ်စဵုဒၞာဒေသ လ္ပာ်ရး ပ္ဍဲဂြိုပ်တအ်ဂှ်ဂၠိုၚ်လောန်ဒၟံၚ်ရ။ တုဲပၠန်ဂြာတ်ထောံဖျေံဗုမ် ပ္ဍဲဒေသအညာကဵုက္ၜၚ်ကျာကီု၊ ဂြာတ်ထောံဖျေံဗုမ် ပ္ဍဲဒေသကောန်ဍုၚ်အရၚ်တအ်ဂှ် ယဝ်ရကလေၚ်ရံၚ်အာ ယဝ်ရကလေၚ်သ္ၚဳဂၠိပ်အာ ပေါဲဗတိုက်တအ်ဂှ်ဏောၚ်တှ်ေ ဂွံညာတ်ကေတ် အရာဏံမာန်ရ။ UG ဂှ် ဗတိုက်ဒၟံၚ်လ္ပာ်လကြဴဏောၚ်ဟီုတှ်ေ ဍေံဂှ် အသိၚ်ပေါဲဗတိုက်လ္ပာ်ဂတ သၠုၚ်တိုန်ဟီုဂှ် ပိုဲတအ်ထ္ၜးဒၟံၚ် ဗတိုက်လ္ပာ်လကြဴဟွံမာန်ပုဟ်ဂှ် ဓမံက်ထ္ၜးဒၟံၚ်ရလေဝ်။ ပရေၚ်အံၚ်ဇၞးၜိုတ်ထေက်ကြိုက် ၜိုန်ဟွံက္လိဂွံလဝ်ဏီ ဟီုကီုလေဝ် အကာဲအရာခိုဟ်နူကဵု ၈၈ ဏီဏောၚ်ဂှ် ပိုဲဟီုစမာန်ဒၟံၚ်ရ။
-အလန်လကြဴအိုတ်ဏံ နကဵုဂကောံ UG မုမိက်ဂွံဟီုကဵုညးဍုၚ်ကွာန်တအ်မုရော။
နကဵု ဂကောံ UG ဍုၚ်ဇၞော် မိက်ဂွံဟီုကဵုညးဍုၚ်ကွာန်တအ် အဓိကဂှ်လေဝ်။ ညးဍုၚ်ကွာန်ကဵု UG ဂှ် ဒးလုပ်ပေါဲဗတိုက်ဗ္ဒစးဏောၚ်ဟီုဂှ် မိက်ဂွံကဵုတီရ။ UG ဂှ် ဒၟာနူဗာန်ကြပ်ဒၟဴၚ်ကဵုညးဍုၚ်ကွာန်တအ်ဂှ်ရ ရီုဗၚ်ညိ ထ္ၜလဘာ်ညိ။ UG ဂှ် ဟိုတ်နူကြပ်ဒၟံၚ် ဗ္ဒာဲညးဍုၚ်ကွာန်တအ်ဂှ်ရ ထ္ၜလဘာ်ညိ၊ ရီုဗၚ်မၚ်မွဲညိ၊ ဆက်စၠောံရေၚ်တၠုၚ်ကဵု UG ညိ။ ပ္ဍဲကဵုဍုၚ်တအ်ဂှ် ယဝ်ရ UG တအ်ဟၟဲတှ်ေ သွက်ဂွံဍဵုဍိုက်ညးဍုၚ်ကွာန်တအ် အခေါၚ်အရာ ဂၠိုၚ်တိုန်ဏောၚ် မိက်ဂွံဟီုရ။ ပ္ဍဲကဵုပေါဲဗတိုက်ပရေၚ်ပၠန်ဂတးဂှ် UG တအ် နွံဒၟံၚ်ဗ္ဒာဲညးဍုၚ်ကွာန်တအ်ကြပ်ပ်ရ။ ဆ္ဂး ဟွံက္လိဂွံအရီုဗၚ် နူညးဍုၚ်ကွာန်တအ်ပုဟ်ဂှ်လေဝ် မိက်ဂွံကဵုတီရ။