ကၟိန်ဍုၚ်မဟာမိတ် ဂကောံကၟိန်ဍုၚ်ပလိုတ် ပါလုပ်သီုအမေရိကာန်တအ်ဂှ် နူကဵု သၞာံ ၂၀၂၁ ဂိတုဖေဖဝ်ဝါရဳ ဒပ်ပၞာန်သီအဝဵုတုဲ ပ္ဍဲကာလပွိုၚ်ၜါသၞာံပြၚ်ဂှ် ညးထ္ၜလဘာ်ရီုဗၚ်ကဵုဒၟံၚ် ပါလုပ်သီုသ္ကိုပ်ဗိုလ်ဇၞော် က္ဍိုပ်သ္ကိုပ်ပၞာန် မၞိဟ် ၈၀ တၠပြၚ်ကဵု ကမၠောန်ဒပ်ပၞာန်ထိၚ်ဒက်လဝ် (၃၀)ဂတူပြၚ်တအ်ဂှ် တပ်ဒဏ် ကေတ်လဝ်အရေဝ် ဟွံအောန်နူလၟိဟ်စှ်ဝါရ။ ဆ္ဂး ပရေၚ်တပ်ဒဏ်ကၟာတ်လဒဵုဂှ် စဵုကဵုအခိၚ်တ္ၚဲဏံ ပရေၚ်ဇီုကပိုက်ဒး လ္တူကံၚ်ဇြဳပၞာန်ဟၟဲဏီကီု စဵုကဵုအခိၚ်လၟုဟ်ဏံ ကၟာတ်ဒၞာပၞော်သြန်လုပ်ကံၚ်ဇြဳပၞာန် ဟွံမာန်ဏီရ။
ဟိုတ်ဂှ်ရ နကဵုကၟိန်ဍုၚ်နာနာ ဒဵုကဵုကဆံၚ်လဵု ဒးကၠောန်သ္ပ ပရေၚ်တပ်ဒဏ်ကၟာတ်လဒဵု လတူပူဂဵု ဆက်စပ်ဒၟံၚ်ကဵု ကံၚ်ဇြဳပၞာန်ကေုာံ ကမၠောန်တအ်ဂှ်ရော။ ညံၚ်ဂွံစိုပ်တရဴဟီုတှ်ေ အရာလဵုထေက်ကဵုဒးကၠောန်ရေၚ်တၠုၚ်ဂလိုၚ်ပတိုန်ထေက်ရော။ စပ်ကဵုအကာဲအရာဏံတုဲ ဆက်စၠောံသၟာန်သွဟ်လဝ်ကဵုညးတာလျိုၚ် ကုတ်ဗပိုတ်သြန်စောန်ပြံၚ်ဆီ Blood Money Campaign မွဲတၠရ။
-ကၠာအိုတ်ဏံ ပရေၚ်ကၟိန်ဍုၚ်နာနာ တပ်ဒဏ်ကၟာတ်လဒဵုလ္တူကံၚ်ဇြဳပၞာန်ဂှ် အခိၚ်လၟုဟ်ဏံ ၜိုတ်ဂလိုၚ်လဵု စိုပ်ဒၟံၚ်တရဴနွံရော။
ပရေၚ်တပ်ဒဏ်ကၟာတ်လဒဵုတအ်ဂှ် အခိၚ်လၟုဟ်ဏံ ၜိုတ်ဂလိုၚ်လဵု စိုပ်တရဴနွံရော ယဝ်သၟာန်တှ်ေ အဲဂှ် ပရေၚ်စိုပ်တရဴ ဗွဲမဂၠိုၚ် ဟၟဲဏီပုဟ် မိက်ဂွံဟီုရ။ ကမၠောန်ဍေံတအ်ကၟာတ်လဒဵုလဝ်ဂှ် ဇေတ်ဇေတ်တေံဂှ် ကမၠောန်လုပ်ဒၟံၚ် လ္ပာ်ကံၚ်ဇြဳပၞာန်ပေၚ်ၚ်ဟွံသေၚ်ပုဟ်။ ဣဏံဂှ် တၚ်ပဌမရ၊ ယဝ်ရရံၚ်ကဵုသြန်လုပ်တှ်ေ ဍေံဂှ် လုပ်ဒၟံၚ် ပ္ဍဲထိုၚ်စၞာံ မၞိဟ်မွဲမွဲတၠ၊ ပူဂဵုမွဲမွဲနဲကဲစုၚ်ဂှ် ဂၠိုၚ်ရ။ ဂၠံၚ်တရဴတပ်တုဲ လုပ်ဒၟံၚ်ဂှ် သာတုဲဂၠိုၚ်ရ။ ဂၠံၚ်ဂွံလုပ် ပ္ဍဲကၟိန်ဍုၚ် ဟၟဲစကွေံကွေံပုဟ်။ ကမၠောန်ဆုကဵု ကမၠောန်တၟအ်ဂှ်ရံၚ်ကေတ်ရ ဂွံညာတ်ဗီုဏံရ။ ဟွံစိုပ်တရဴကွေံကွေံပုဟ် အဲဟီုဂွံရ။ နကဵုတမ်ရိုဟ်သယံဇာတရ အဲအမိက်ဂွံဟီုသွဟ်။ ဇေတ်တ်တေံ သြန်လုပ်ဒၟံၚ်ထိုၚ်ပလောံကံၚ်ဇြဳပၞာန်ဂှ် ဒှ်ကၠေၚ်ဍေန်ကဵု သၟုဟ်ဓာတ်သဘာဝရ။ တုဲပၠန်သြန်ဂှ်လေဝ် ဒှ်သြန်လုပ်ကၠုၚ်နူဍုၚ်သ္အာၚ်ရ။ အရာဏံ ဒဵုကဵုလၟုဟ် ကၠောန်သ္ပပရေၚ်ကၟာတ်လဒဵုဟွံမာန်ဏီပုဟ်။ ဟိုတ်နူဟွံကၠောန်ဏီဂှ်ရ ပရေၚ်တပ်ဒဏ်ကၟာတ်လဒဵု ဟၟဲဏီဂှ် မွဲသွာၚ်။ ပရေၚ်တပ်ဒဏ်ကၟာတ်လဒဵုနွံတုဲ သြန်ဟွံလုပ်ကၠုၚ်ဒၟံၚ်ဖအုံဖအုံဂှ်လေဝ် ပရေၚ်စိုပ်တရဴ ဗွဲမဂၠိုၚ် ဟွံညာတ်ကေတ်ရ။ ဗွဲတၟေၚ်တှ်ေ ကၟာတ်လဝ်ကမၠောန်ဆုဂှ် နူလောန်ကၠုၚ်ၜိုတ်ၜါသၞာံတေံရ။ နူကဵုစသီအဝဵုတေံ ဍေံတအ်ကၟာတ်လဝ်ရ၊ ဆ္ဂး ရံၚ်အာကမၠောန်ဆုကၟိန်ဍုၚ်ဗၟာဂှ်တှ်ေ ဒဵုကဵုလၟုဟ် အရာပလံၚ်ဗစိုပ်ဒၟံၚ်ဆု၊ ဆုကၠတအ်ဂှ် ပါကၠုၚ်ဒၟံၚ် ပ္ဍဲပရိုၚ် မွဲခနမွဲခနရ။ ဂကောံကၟိန်ဍုၚ်နာနာမိတ်ပိုဲဂှ် စပ်ကဵုကိစ္စဏံ အတိုၚ်ညးဗက်ဂၠိုက်ဂၠာဲစၟဳစၟတ်ဒၟံၚ် မွဲဒမြိပ်၊ အတိုၚ်ဒေတာရံၚ်ကျောဝ်ဒၟံၚ် မွဲဒမြိပ်ဂှ်တှ်ေ လုပ်ဒၟံၚ်ပ္ဍဲဍုၚ် မပ္တံကဵုအဳတလဳ သီုဍုၚ်အမေရိကာန် ဗွဲမလုပ်သၞောဝ်ရ။ ဟီုတှ်ေ ပရေၚ်တပ်ဒဏ်ကၟာတ်လဒဵုဂှ် မုရော။ အရာဏံ အဲဒးပ္တိတ်တၚ်သၟာန်ရ။ ဟိုတ်ဂှ်ရ ပံၚ်ကဵုမိတ်ပွံၚ်ပိုဲ ရံၚ်ကဵုကိစ္စဏံမွဲဒမြိပ်တုဲမှ အလဵုအသဳတပ်ဒဏ် ကၟာတ်လဒဵုလဝ်ဂှ် မုဟိုတ်ပရေၚ်ပရောဗီုဏံ ဂွံဒှ်ဒၟံၚ်ရောဟီုဂှ် ဒးပ္တိတ်ဒၟံၚ်တၚ်သၟာန်ရ။ တုဲပၠန် သွက်ဂွံကေတ်အရေဝ်ကိစ္စဏံကဵု ညးတအ်ဗတိုက်ဖ္အောဝ်ဒၟံၚ် နွံရ။ ပရေၚ်တပ်ဒဏ်ကၟာတ်လဒဵု ၜိုတ်အကာဲအရာလဵုဟီုဂှ် နွံဒၟံၚ်လိက်ဂှ်ရ ပရေၚ်ကေတ်အရေဝ် ကၠောန်လဝ်ဂှ် ပိုဲဟွံဂွံဆဵုညာတ်လဝ်ဏီရဂှ် အဲသ္ၚဳဂၠိပ်ညာတ်ကေတ်ရ။
-နကဵုမဟာမိတ် ပါလုပ်သီုအမေရိကာန်တအ်ဂှ် သွက်ဂွံကၠောန် ပရေၚ်တက်ဒဏ်ကၟာတ်လဒဵု ပူဂဵုဆက်စပ်ဒၟံၚ်ကဵု ဂကောံပၞာန်ကဵုကမၠောန်တအ်ဂှ် နွံဒၟံၚ်ပၟိက်ၜိုတ်ဂလိုၚ်လဵုရော။
ၜိုတ်ဂလိုၚ်လဵု နွံဒၟံၚ်ပၟိက် သွက်ဂွံတပ်ဒဏ်ကၟာတ်လဒဵုရောဟီုတှ်ေ ကၟိန်ဍုၚ်အမေရိကာန် ဂကောံကၟိန်ဍုၚ်ပလိုတ် ဇြဟတ်ဇၞော်တအ်ရလေဝ်။ နကဵုမဟာမိတ်တအ်ဏံ တပ်ဒဏ်ကၟာတ်ဒၞာကဵု အရာပိုဲဟီုဒၟံၚ်ဂှ်ညိ။ LIST ဇမၠိၚ်ဟီုဒၟံၚ် ကေတ်ကဵုအရေဝ်ညိဂှ် နွံဒၟံၚ်ရ။ အဓိက သြန်လုပ်နူဍုၚ်သ္အာၚ် ဍေံတအ်သုၚ်စောဲဒၟံၚ် ဂၠာဲကဵုဒၟံၚ်ဂှ် ကၠေၚ်ဍေန်ဍုၚ်ဗၟာကဵု သၟုဟ်ဓာတ်သဘာဝ ဒှ်ဒၟံၚ်အဓိကရ။ တုဲပၠန် သွက်သြန်ဍုၚ်သ္အာၚ် ဂွံဂေတ်ဂှ် သြန်တိုက်သြန်ကၟိန်ဍုၚ်ရလေဝ်။ အရာဏံဂှ် ပိုဲဒးကၟာတ်လဒဵုထောံဏောၚ်။ အရာဏံဂှ် ပၟိက်ဇၞော်ဒၟံၚ်။ သြန်လုပ်ဒၟံၚ် နူကၠေၚ်ဍေန်ကၟိန်ဍုၚ်ဏံကဵု သၟုဟ်ဓာတ်သဘာဝဂှ် မွဲမွဲသၞာံ လၟုဟ်တှ်ေ ၚုဟ်ကၠေၚ်ဍေန်လေဝ်တိုန်ဒၟံၚ်ဂှ်ရ မွဲသၞာံ ဗ္ဒာဲ ၂ ဗဳလျာန် ဂွံဒၟံၚ်ရ။ ယဝ်ရကလေၚ်ရံၚ်အာ စရိတ်သုၚ်စောဲပၞာန်ဍေံတအ်တှ်ေ နွံဒၟံၚ်လ္တူ (၁) ဗဳလျာန်သၟးရ။ မွဲမွဲသၞာံဂှ်။ ဟီုတှ်ေ ပ္ဍဲဍေံတအ် ဟိုတ်နူသြန်တမ်ရိုဟ် နွံဒၟံၚ်ဍိုက်က်ပေၚ်ၚ်ဂှ်ရ ဒဵုအခိၚ်လၟုဟ် ဂြာတ်ထောံဖျေံဗုမ် ကဵုက္ၜၚ်ကျာ၊ ဗတိုက်ဒၟံၚ်ကဵုက္ၜၚ်ကျာ၊ အရာတအ်ဏံ ဍေံကၠောန်ဒၟံၚ် သီုစိုတ်သီုစရိုတ်ရ။ အရာတအ်ဏံဂှ် ဒၟာနူပၟိက်ဇၞော်ဒၟံၚ်ဂှ်ရ လွဟ်လက်နက် ဂွံကၠောန်ကဵု က္ၜၚ်ကျာဂှ် ကၠောန်ပ္တိတ် ပ္ဍဲဍုၚ်ဗၟာမာန် ဟၟဲဏီပုဟ်လေဝ်။ ဗ္ၜတ်သြန်ဂွံရာန်ကေတ် အရာတအ်ဏံ ဒၟာနူကၠုၚ်ဒၟံၚ် နူကၠေၚ်ဍေန်ဗၟာကဵု သၟုဟ်ဓာတ်သဘာဝဂှ်ရ သွက်ဂွံကေတ်အရေဝ်ကဵုဍေံတအ်ဂှ် ထ္ၜးဒၟံၚ်ဟိုတ်တေံ ဟိုတ်ဏံ ထ္ၜးဟိုတ်ကဵု သေံ၊ ဂွိၚ်ဖေက်မဟာမိတ်ဍေံတအ်လီုတုဲ ထ္ၜးဒၟံၚ်ဟိုတ်တေံဟိုတ်ဏံ ပဆုဲပြံၚ်ဒၟံၚ်တ္ၚဲဗြဲဂှ် သ္ပဟွံဂွံပုဟ်။ ညးတအ် တပ်ဒဏ်ကၟာတ်လဒဵုလဝ် ကၠေၚ်က္ၜၚ်ကျာဏောၚ်ဟီုကီုလေဝ် ပရိုၚ်ဂွံရာန်ကေတ် ကၠေၚ်က္ၜၚ်ကျာ ဒှ်အာခက်ခုဲဂှ် ဟွံတိုန်ကၠုၚ်ပုဟ်။ က္ၜၚ်ကျာတအ်လေဝ် ဂြာတ်ထောံဖျေံဒၟံၚ်ဗုမ်ဂှ် ပ္ဍဲသၞာံဏံတှ်ေ ဒှ်အာ ၜိုတ်မသုန်ကၠံဝါယျ။ ဣဏံဂှ် ဂွံညာတ်ကေတ်ဒၟံၚ် ပ္ဍဲကဵုပရိုၚ်သၟးရ။ လ္တူနူဏံ ဂၠိုၚ်ကၠုၚ်မာန်ဒၟံၚ်။
ပ္ဍဲလ္တူကၠေၚ်က္ၜၚ်ကျာ အာတပ်ဒဏ်ကၟာတ်လဒဵုဏောၚ်ဟီုဂှ် မုဇီုကပိုက်ဒးလဝ်မုရော။ ပ္ဍဲဍေံတအ်သြန်နွံဒၟံၚ်တှ်ေ သြန်ဟီုဂှ်လေဝ် တက်ပ္တိတ် နူကဵုဍုၚ်ဗၟာဟွံသေၚ် တက်ပ္တိတ် နူကဵုဍုၚ်သ္အာၚ် ဟီုဒၟံၚ် သြန်လုပ်နူဍုၚ်သ္အာၚ်ဏောၚ်လေဝ်။ ပၞော်သြန်လုပ် နူဍုၚ်သ္အာၚ်ဂှ် ဒးကုတ်ဗပိုတ်ဏောၚ်။ ကာလဂှ်မှ ပၞော်သြန်ဍုၚ်သ္အာၚ်လုပ်ဟၟဲတှ်ေ ညးဂှ်ဟွံဟီု ဍုၚ်လဵုလေဝ် သ္ပကာ ဟွံသေၚ်ပုဟ်လေဝ်။ တအ်ဏံဂှ် ပိုဲဒးကုတ်ဗပိုတ်ထောံဏောၚ်။ ကၟိန်ဍုၚ်ဇြဟတ်ဇၞော် ပါလုပ်သီုအမေရိကာန်တအ်ဂှ် တီတီဒၟံၚ်ဖိုဟ်ဂှ် ဂတးလဝ်မုက်ရ။ ကၠောန်သ္ပဒၟံၚ်သာသာသ္ပံသ္ပံရဂှ် အဲမိက်ဂွံဟီုရ။ လၟုဟ်တှ်ေ မၞိဟ်လေဝ် ချိုတ်ဒၟံၚ် ဟွံအောန်ရပုဟ်။ ဂကောံပၟိက်ဇၞော်တအ်၊ ပူဂိုလ်တအ် ဟီုဂးလဝ်နွံရ။ တအ်ဏံဂှ် ဂွံကုတ်ဗပိုတ်ထောံမွဲလစုတ်ဓဝ်ဂှ် ပၟိက်ဇၞော်ဒၟံၚ်ဏောၚ်။ တုဲပၠန်ညးတအ်ဂှ် ကၟိန်ဍုၚ်လဵုဒှ်ဒှ် ညံၚ်ဂွံကေတ်ထောံအရေဝ်ဂှ် နွံဒၟံၚ်ပၟိက်ရ။ ကာလဂှ်မှ ဂွံကၠောန်သ္ပဂွံဏောၚ်။ တအ်ဏံဂှ် ဒးကၠောန်လၟုဟ်ဏောၚ်။ ညာတ်ကေတ်ဗီုဏံရ။ ပိုန်ဒြပ်ကပေါတ်ကညောတ်ဍေံတအ်ရလေဝ်။ ညးပၟိက်ဇၞော်စိုပ်တရဴတအ်ဂှ် ဟွံစွံလဝ် ပ္ဍဲကၟိန်ဍုၚ်ဗၟာပုဟ် အာစွံလဝ် ကပေါတ်ကညောတ် ဒြပ်ရတ်ညးတအ် ပ္ဍဲဍုၚ်သ္အာၚ်ရ။ စွံလဝ်ဘာကဵု ကောန်ဇာတ်ညးတအ်ရ။ ဗီုပြၚ်စုၚ် နဲကဲစုၚ် ဒးဓမံက်ပ္တိတ် အရာဏံဏောၚ်။ မၞိဟ်အဲတီလဝ်တအ်ဂှ်တှ်ေ မၞိဟ်ကဆံၚ်သၠုၚ်ကွေံကွေံဟွံသေၚ်မွဲသာ်လေဝ် ဂကောံသ္ၚိကၟိန် ဒုသ္ကိုပ်စၞောန်ပ္ညုၚ်၊ ကဆံၚ်သ္ကိုပ်စၞောန်ပ္ညုၚ်ဟွံသေၚ်လေဝ် စိုပ်ဒၟံၚ်ဍုၚ်သ္အာၚ်အိုတ်ယျ။ ပ္ဍဲဍုၚ်သ္အာၚ်ဂှ် ရာန်သ္ၚိ ရာန်ကွဳစက်။ မွဲအလန်ဓဝ်ဂှ် တိုန်ဘာ၊ မိပ်မြဟ်ဒၟံၚ် ဍေံတအ်ရပ်စပ်သုၚ်စောဲဒၟံၚ် ညးသ္ကအ်ရ။ ဗီုပြၚ်ဏံ ဒးဓမံက်ပ္တိတ် သၞောတ်စှ်ေစှ်ေတုဲ မၞိဟ်ဗီုတအ်ဏံဂှ် ထေက်ကဵုဒးတပ်ဒဏ် ကၟာတ်လဒဵုဏောၚ်။ ပၞော်သြန်လုပ် ဂကောံသ္ၚိကၟိန်တအ်ဏံ သီုဖအိုတ်ဂှ် ဒးကေတ်အရေဝ် ကၟာတ်ဒၞာကဵုဏောၚ်။ မိက်ဂွံထပ်ဟီုဂှ်တှ်ေ ကမၠောန်ကၠေၚ်ဍေန်ကဵု သၟုဟ်ဓာတ်သဘာဝဂှ် ကၟာတ်ကဵုလွာဲလၟုဟ်ညိ။ ဖျေံကဵုသာန်ယှေန် လွာဲလၟုဟ်ညိ။ သြန်လုပ်ဍုၚ်သ္အာၚ် ညံၚ်ကၟိန်ဍုၚ်ဗၟာဂွံက္လိဂွံ ဗွဲမလုပ်သၞောဝ် တိုက်သြန်ပရေၚ်ပိုန်ဒြပ်ကၟိန်ဍုၚ် ကၠောန်သ္ပကဵုဒၟံၚ်ဂှ် ထပ်တုဲ ဒးကၟာတ်ထောံဏောၚ်။
-ပရေၚ်တပ်ဒဏ်ကၟာတ်လဒဵု လ္တူကံၚ်ဇြဳပၞာန် ဂွံစိုပ်တရဴမာန် မုမိက်ဂွံဗတိုက်ဖ္အောဝ် နွံရော။
ဇၟာပ်ဍုၚ် ဒးပံၚ်တောဲရေၚ်တၠုၚ်ဏောၚ်။ ဒးဖျေံသာန်ယှေန်ဏောၚ်ဟီုတုဲ LIST တအ်ဂှ် တိတ်ကၠုၚ်နူပိုဲဟွံသေၚ်တုဲ ကၟိန်ဍုၚ်တေံ ဖျေံလဝ်သာန်ယှေန်ယျ၊ ကၟိန်ဍုၚ်ဏံ ဖျေံလဝ်သာန်ယှေန်ယျဟီုတုဲ တုဲအာဟွံသေၚ်ပုဟ်။ ဖျေံထောံသာန်ယှေန်လေဝ် ဟွံဒှ်ကမၠောန်ပုဟ်လေဝ် သက်သဳမံက်ဒၟံၚ်ဂှ်ရ သာန်ယှေန်တအ်ဏံ ညံၚ်ဂွံဒှ်ကမၠောန် ဒးဆက်ကၠောန် ကမၠောန်မၚ်ရံၚ်ကျောဝ်လကြဴတုဲ ကၠောန်ဂှ် ဒးကၠောန်ဏောၚ်။ ကမၠောန်တအ်ဏံ ပိုဲဂှ် နကဵုအလဵုအသဳတအ် ညးချဳဒရာၚ်ကတတိုၚ်ကၟဟ် ကၟိန်ဍုၚ်ညးတအ် ပ္ဍဲကမၠောန်ဏံ ဂကောံမၚ်ရံၚ်ကျောဝ် ကိစ္စတအ်ဏံပံၚ်တောဲကဵု ဂကောံညးအရာပ်ပိုဲတုဲ ဒးကၠောန်အာဏောၚ်ဂှ် မိက်ဂွံကဵုဏာကသပ်ရ။
-အလန်လကြဴအိုတ်ဏံမုမိက်ဂွံထပ်ဟီုဗပေၚ်နွံရော။
လၟုဟ်တှ်ေ ပ္ဍဲအမေရိကာန်ဂှ် ဆုတအ် လုပ်ကၠုၚ်ဒၟံၚ် ဆက်က်ရ။ ပလံၚ်ဗစိုပ်ဒၟံၚ်ဟီုတှ်ေ ကိစ္စဏံ မံက်တိတ်ကၠုၚ်ရ။ အရာဏံဂှ် ဗီုပြၚ်လဵု US ကေတ်အရေဝ်ရောဟီုဂှ် ကိစ္စဇၞော်မံၚ်။ တၟအ်မတ်ကၟိန်ဍုၚ်ဗၟာဟီုဂှ်လေဝ် ဖျေံလဝ် ၜိုတ်သာန်ယှေန်ရ။ မွဲၜါတ္ၚဲတုဲကၠုၚ်ဏံ ကိစ္စစပ်ကဵုအခေါၚ်ကံၚ်ဇြဳပၞာန် ပလံၚ်ဗစိုပ်တၟအ်မတ်ဂှ်လေဝ်။ တၚ်ဍေံတအ်လလောၚ်တြးလဝ် နွံမွဲဂကူရ။ ဒဝ်တေတ်တေတ်ခိုၚ်တအ်၊ ယှိုဲနာန်ဒဝ်တအ်၊ မပ္တံဗီုဏံ ပါဒၟံၚ်တုဲ လကြဴအိုတ် စဵုကဵုသွက်ဂွံပလံၚ်ဗစိုပ်ကပေါတ်ကျိုၚ်ကျဝ်မာန်ဂှ် ကၠောန်သ္ပကၠုၚ်ရ။ တအ်ဏံဂှ်လေဝ် ဟိုတ်နူကၟိန်ဍုၚ်ပလိုတ်တအ် ဒုၚ်ဒၟံၚ်တဲတုဲ ကၠောန်ဒၟံၚ်ဏောၚ် ဒှ်ဒၟံၚ်အဓိပ္ပါဲဏံရ။ စွံဇြိုဟ်နက်တုဲ အဲမိက်ဂွံဟီုဏာရ။ ဒှ်ဒၟံၚ်ဗီုပြၚ် ဗီုဗှ်ေတအ်မိက်ဂွံကၠောန်ဂှ် ကၠောန် ဗီုအဲမိက်ဂွံကၠောန်ဂှ် ကၠောန်ဏောၚ် ဒှ်ကၠုၚ်ဗီုပြၚ်ဏံရ။ ညံၚ် SANCTIONS ဂွံဒှ်ကမၠောန်ဂှ် ဒးကၠောန်ဏောၚ်ဂှ်လေဝ် ဂကောံကၟိန်ဍုၚ်မဟာမိတ်ဍုၚ်ပလိုတ် ပါလုပ်သီုကၟိန်ဍုၚ်အမေရိကာန်ဂှ် ဒြပ်ဗှ်ေတအ် မိက်ဂွံဖျေံ SANCTIONS တှ်ေဖျေံ ဘာသာပိုဲ ဗီုပိုဲမိက်ဂွံကၠောန်ဂှ် ကၠောန်ဏောၚ် ဒှ်ဒၟံၚ်ဗီုဏံရ။