sanlontai အပ္ဍဲဍုၚ်သေံ ဟိုတ်နူတာဒၞာအခေါၚ် ညးဗြဴတံလုပ်ဝင်ကျာ်တုဲ ဒှ်ကယျာန်ဓဝါတ်ပရေၚ်တုပ်သၟဟ်
ဇင်မာဲ၊ ဂျူလာၚ် ၂၅ အပ္ဍဲဍုၚ်သေံ ဇၚ်မာဲ ကျာ်ဝါတ်သဳရိသာမ် ကော်ခဴစကျာ်သြန်ဂှ် ညးတြုံတံဟေၚ် ဂွံအခေါၚ်လုပ်ရောၚ် ဗီုရုပ်တာဒၞာထမံက်စွံလဝ် ပ္ဍဲလပါ်မ္ၚးကျာ်ဂှ် ရဲအာတရဴဂၠးကဝ်မွဲတၠ ဆာဲတြးပရအ်ဏာလဝ် ပ္ဍဲဇာဖိုၚ်မှာဇန်တံတုဲ လ္တူအန်လာၚ်ဂှ် ရမျှာၚ်ဟီုဂး ပရေၚ်ညဳသၟဟ် အကြာတြုံ-ဗြဴတံ မံက်တိုန်ကၠုၚ် ဇၞော်ကဵုဇြဟတ်ရ။ အပ္ဍဲတၚ်ကဵုသမ္တီ သွက်ဂွံလုပ်အပ္ဍဲကျာ်အူဗိုသအ်ဂှ် သီုညးတြုံ သီုညးဗြဴတံ ဒးရာန်စၟတ်တဲအခေါၚ်လုပ်ဗွိုၚ်ဝၚ်ကျာ်ဂှ်ရောၚ် ၜိုန်ရထမံက်လဝ်ကီုလေဝ် ညးတြုံတံဟေၚ် ဂွံလဝ်အခေါၚ်လုပ် စၟတ်ပိုၚ်ခြာလဝ် မဒှ်ရ။…
သွက်ဂွံကလေၚ်လုပ် အကြာဗွိုၚ်အာသဳယာန်ပၠန်ဂှ် လစွံစိုတ် အလဵုအသဳပၞာန် ဍိုန်စှ်ေအာယျဟာ
နေပျဳဒဝ်၊ ဂျူလာၚ် ၂၅ စပ်ကဵုအာသဳယာန် တန်တဴကဵုအကာဲအရာပရေၚ်ရးနိဂီုဍုၚ် အတိုၚ်ပကတိတံတုဲ အရာၜိုတ်ဒှ်မာန်ဖအိုတ်ဂှ် နူကဵုဍုၚ်ဗၟာဆက်ပံၚ်တောဲရေၚ်တၠုၚ်အာရောၚ် ဌာနဝန်ဇၞော်ပရေၚ်ဍုၚ်သအာၚ်အလဵုအသဳဒပ်ပၞာန် ကဵုသမ္တီလလောၚ်တြးလဝ် ပ္ဍဲဂိတုဂျူလာၚ် ၂၃ ဂှ်ရ။ သွက်က္ဍိုပ်သ္ကိုပ်ရးနိဂီုဍုၚ်ဗၟာတံ ဂွံကလေၚ်တိုန်စိုပ်ကောံဓရီုက္ဍိုပ်သ္ကိုပ် အာသဳယာန်အဆံၚ်သၠုၚ်တံမာန်ဂှ် အကာဲအရာ တၠုၚ်လအာဆက်တုဲ သ္ၚောဲခြာမံၚ်ဖိုဟ်ရောၚ် ညးစၞးတၟေၚ် အာသဳယာန် ဝန်ဇၞော်ပရေၚ်ဍုၚ်သအာၚ်ဖိလေတ်ပိုၚ် ထရဳလာဇြာရို ဟီုဂးတိုန်တုဲ အလဵုအသဳပၞာန် ကလေၚ်ဟီုကၠုၚ် တင်လစွံစိုတ်ညးတံ စပ်ကဵုတၚ်တုပ်စိုတ်ဘုံ ၅ တၚ်ဂှ်ရ။…
နူဗဒိုပ် DKBA ကျံက်ခက် သၟာကမၠောန်ကျာဖျဗွဲမဂၠိုၚ် ပြံၚ်ပဆုဲဒၞာဲ
ဗြဝတဳ၊ ဂျူလာၚ် ၂၅ အပ္ဍဲကဵုတိဍာ်ပရေၚ်အုပ်ဓုပ် DKBA ဒေသကျံက်ခက် ပွိုၚ်ဍုၚ်ဗြဝတဳ တွဵုရးကရေၚ်ဂှ် ဟိုတ်နူအကာဲအရာ ပရေၚ်ဂီုကၠီုတိဍာ် ဂးတုဲ သၟာကမၠောန်ကျာဖျ ဗွဲမဂၠိုၚ်တံ ဒးပြံၚ်ပဆုဲအာဒၞာဲ လပါ်ဒၞာဲတၞဟ်ဟ်တံနွံမံၚ်ရဂှ် နူကဵုရိုဟ်ကၞက်ပရိုၚ်အပ္ဍဲဒေသ ဟီုကဵုဌာန်ပရိုၚ်သြၚ်လောန်တိုၚ်မ်ရ။ အပ္ဍဲဒေသကျံက်ခက် လပါ်သၠုၚ်ကျာဍုၚ်ဗြဝတဳ ဒၞာဲဒေသညးတာလျိုၚ်အဆံၚ်သၠုၚ် DKBA ဒုသ္ကိုပ်ပၞာန် သာၚ်ကျဝ်လှ ထိၚ်ချုက်လဝ်ဂှ် ကမၠောန်ကျာဖျနွံမံၚ်ဗွဲမဂၠိုၚ်တုဲ ညးတန်တဴနွံမံၚ် အပ္ဍဲဒၞာဲကမၠောန်ကျာဖျတံဏံသီုဖအိုတ် ညံၚ်ဂွံတိတ်အာဂှ် နူကဵု DKBA…
အပ္ဍဲဖာပန် ကရောၚ်ပၞာန်ဗၟာ ဇြဟတ်ကဵုလ္ၚီတံဒးဂိလောန်အာတုဲ ဆက်တိုန်ဂတဟွံမာန်
ဖာပန်၊ ဂျူလာၚ် ၂၅ အပ္ဍဲတွဵုရးကရေၚ် ခရိုၚ်ဖာပန် ကရောၚ်ပၞာန်ဗၟာဇြဟတ်မၞိဟ်ကဵုလ္ၚီ ထပက်မံၚ်ကရောၚ်ပၞာန်ဂှ် ဒးလဝ်ဂိလောန်အာတုဲ ဆက်တိုန်ဂတ ဟွံမာန်တုဲ၊ အကြာကွာန်တံဂှ်လေဝ်ဆက်ကြဳထောံဖျေံမံၚ်ဗုမ် နူကဵုၜၚ်ကျာအဆက်က်ရောၚ် ဂွံတီကေတ် နူကဵုရိုဟ်ကၞက်ပရိုၚ် ဒေသကဵုဂကောံမှာဇန်ကရေၚ်တံရ။ သွက်ဂွံကလေၚ်ထိၚ်ဒဝ်အာ အတိုၚ်မွဲဒမြိပ်ဂၠံၚ်ကွဳစက် ဖာပန်-ကမမံၚ် ကေုာံ သွက်ဂွံအာကဵုအရီုဗၚ်ပရေၚ်ပၞာန် ကုဗျူဟာဖာပန်ဂှ် စနူဂိတုမေတုဲကၠုၚ်တေံ ဒပ်ပၞာန်ဇြဟတ် ၂၀၀၀ ပြၚ်ၚ်တံ စထပက်ကၠုၚ်ကရောၚ်ပၞာန် နူကဵုဍုၚ်ကမမံၚ်တုဲ၊ အခိၚ်ဂှ်တှ်ေ စိုပ်မံၚ်ဗ္ဒာဲကရပ်ကွာန်ဖာလုၚ်လေဝ် လပါ်လတူကတိုင်တိ…
အပ္ဍဲကျာ်ထဝ် ဆေၚ်သွံကၠေၚ်စက် “ထက်” ဒးဒုၚ်ကၟာတ်ထောံ
ကျာ်ထဝ်၊ ဂျူလာၚ် ၂၅ အပ္ဍဲတွဵုရးမန် ပွိုၚ်ဍုၚ်ကျာ်ထဝ် ကွာန်မုက်ပလေၚ် ဆေၚ်သွံကၠေၚ်စက် “ထက်” နွံမံၚ်ဒကဲဂၠံၚ်ကွဳစက် လ္ဂုၚ်-မတ်မလီုဂှ် ဂကောံအလဵုအသဳဒပ်ပၞာန်ကၠုၚ်ကၟာတ်ထောံယျရောၚ်ဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ အပ္ဍဲဂိတုဂျူလာၚ် သတ္တဟတတိယတုဲကၠုၚ်ဏံ ဂကောံစဳရေၚ်အုပ်ဓုပ်ပွိုၚ်ဍုၚ်ကျာ်ထဝ် ကေုာံ ဂကောံပံၚ်တောဲဒပ်ပၞာန်တံ စိုပ်ကၠုၚ်ဆေၚ်သွံကၠေၚ်စက် “ထက်” ဂှ်တုဲ ဗာန်စွံလဝ်လိက် ဒဒှ်ရ ကၟာတ်ထောံဆေၚ်ဏံ မဒှ်ရ။ အတိုၚ်စၞောန်ပ္ညုၚ် ဂကောံအလဵုအသဳတွဵုရးမန်ဒပ်ပၞာန်တံဂှ် ကၟာတ်ထောံဆေၚ်သွံကၠေၚ်စက် “ထက်” ဂှ်ရောၚ်…
ဟိုတ်နူထမံက်ထ္ၜးလီဠာန်လၟိဟ်တၞးမာဲတုဲ ရုၚ်ကဝ်မယှေန်မာဲ ကဝ်ရဳယျာသၠုၚ်ကျာ ဒးဒုၚ်လုပ်သလိပ်
သိုဝ်၊ ဂျူလာၚ် ၂၄ အပ္ဍဲပေါဲရုဲမာဲဒေသ ဂိတုဂျောန်တုဲကၠုၚ်တေံဂှ် စပ်ကဵုတၚ်ထမံက်ထ္ၜး လီဠာန်လဝ် လၟိဟ်တၞးမာဲတံတုဲ သ္ကိုပ်ပရေၚ်စၟဳစၟတ် ကဝ်ရဳယျာသၠုၚ်တံ ပ္ဍဲဂျူလာၚ် ၂၃ တေံ လုပ်သလိပ်လဝ် ရုၚ်ကဝ်မယှေန်မာဲဂှ် ညးအခေါၚ်ဟီုဂးနွံမွဲတၠ ဟီုလဝ်ကဵု ဌာန်ပရိုၚ် အေအက်ဖ်ပဳ ရ။ ကြဴနူကဵု သမ္မတလဳဂျေဝ်မျံၚ် တိုန်ကေတ်တာလျိုၚ် သၞာံအာတေံတုဲ ကၠောန်လဝ် ပေါဲရုဲမာဲအလုံမွဲဍုၚ် ပ္ဍဲဂျောန် ၃ အလန်ကိုပ်ကၠာအိုတ်ဂှ် ရုၚ်မာဲဗွဲမဂၠိုၚ်တံ…
ပရေၚ်ဒေသပယျဵုဂွံညိၚ်ဝပ်ၜိုဟ်လလမ်ဂှ် အမာတ်ကလုတ်ကြုက်ကဵုကလုတ်ပၞာန်တံ ကၠုၚ်ဆဵုဂဗ ဂဥုပ်ဒပ်
နေပျဳဒဝ်၊ ဂျူလာၚ် ၂၄ စပ်ကဵုပရေၚ်ဒေသပယျဵု အကြာၜါဍုၚ် သ္ဂောံညိၚ်ဝပ်ဂွံၜိုဟ်လလမ်အာဂှ်တုဲ အမာတ်ကလုတ်ကြုက်ဆေၚ်စပ်ကဵုဍုၚ်ဗၟာကေုာံ အမာတ်ကလုတ်ပၞာန်တံ ပ္ဍဲဂျူလာၚ် ၂၂ တေံ ကၠုၚ်ဆဵုဂဗလဝ် ဂဥုပ်ဒပ် ဒပ်ပၞာန်သီအဝဵုသ္ကိုပ်ပၞာန်ဇၞော် ယေဝ်ဝေန်ဥူ ပ္ဍဲကဵုနေပျဳဒဝ် ရဂှ် အလဵုအသဳပၞာန် ပတိတ်လဝ်ပရိုၚ်ရ။ အပ္ဍဲကဵုကၠုၚ်ဆဵုဂဗလဝ်ကုဂဥုပ်ဒပ်ဂှ် ညးတာလျိုၚ်ဇၞော်ဇၞော် နူကဵုရုၚ် ဂဥုပ်သ္ကိုပ်က္ဍိုက်ပ်ပၞာန်ပရေၚ်စဵုဒၞာတံ တိုန်စိုပ်လဝ်အိုတ်တုဲ သီုကဵုအမာတ်ကလုတ်ကြုက် ဆေၚ်စပ်ကဵုဍုၚ်ဗၟာ၊ အမာတ်ကလုတ်ပၞာန် ကေုာံ ညးတာလျိုၚ်နူရုၚ်ကလုတ်တံကီု တိုန်စိုပ်လဝ်ကီုရ။…
အပ္ဍဲမတ်မလီု လိက်အုပ် အခေါၚ်ရာန်ကၠေၚ်စနွံမှ သွံကဵုရောၚ်
မတ်မလီု၊ ဂျူလာၚ် ၂၄ သမ္မတ ဥူမေန်အံၚ်လှိုၚ် ဟီုလဝ် သွက်ဂွံယှအ်ဖျေံ ပရေၚ်သုၚ်စောဲကၠေၚ်စတံတုဲ ကြဴနူဂှ် ပ္ဍဲဍုၚ်မတ်မလီု ကၠေၚ်စ ဂကောံသၟာဗၞိက်ကၠေၚ်သွံကဵုမံၚ်တံဂှ် နကဵုလိက်အုပ်အခေါၚ်ရာန်ကၠေၚ်နွံမှ သွံကဵုမံၚ်ရောၚ် ညးဒေသတံ ဟီုကဵု ဌာန်ပရိုၚ် သြၚ်လောန်တိုၚ်မ်ရ။ သမ္မတဟီုလဝ် ဍုၚ်ပိုဲဏံ သွက်ဇၟာပ်ပ်သၞာံ ဒးရာန်ပၠုပ်နၚ်မံၚ်ကၠေၚ်စ နူကဵုဍုၚ်သအာၚ်တုဲ ဒးသုၚ်စောဲလဝ် သြန်ဍုၚ်သအာၚ်ဗွဲမဂၠိုၚ် ဒှ်မံၚ်ဂှ်ကီု၊ အပ္ဍဲဍုၚ်ပိုဲဏံ ကပေါတ်သၞေဝ်ကဝ်ပတိတ်ကၠေၚ်စတံ တဵုလွဳလဝ်နွံမံၚ်ကီုလေဝ်၊ ပရေၚ်သုၚ်စောဲကၠေၚ်စ…
သ္ၚိဌာန်ညးဂြိပ်ဒဴပၞာန် အပ္ဍဲဍုၚ်ပလတံဂှ် ဒပ်ပၞာန်ဖံက်ကေတ်ဏာ ကပေါတ်
ပလဝ်၊ ဂျူလာၚ် ၂၄ အပ္ဍဲရးတနၚ်္သဳ ဍုၚ်ပလ ဒၞာဲသ္ၚိဌာန်ညးဂြိပ်ဒဴပၞာန် ကပေါတ်သုၚ်စောဲနွံမံၚ်ကဵုၚုဟ်မးတံဂှ် ဒပ်ပၞာန်သီအဝဵုလုပ်ဖံက်ကေတ်ဏာလဝ်ရောၚ် ညးဒေသတံဟီုကဵု ဌာန်ပရိုၚ်သြၚ်လောန်တိုင်မ်ရ။ စနူဂျူလာၚ် ၂၀ တေံ ကောန်ပၞာန်ဒပ်ပၞာန်သီအဝဵုတံ စိုပ်ကၠုၚ်ကွာန် သၞေဟ်ဇြပ်၊ ကွာန်မိုၚ်ပျေၚ် ဍုၚ်ပလဂှ် လုပ်ဖံက်လဝ်သ္ၚိဌာန် ညးဂြိပ်ဒဴပၞာန်တံတုဲ ကပေါတ်သုၚ်စောဲသ္ၚိတံဂှ် ဖ္ဍိုက်ဖျဴဏာလဝ် နကဵုကွဳစက်ဖဝ်တံရောၚ် ဂွံတီရ။ ပ္ဍဲကွာန်ၜါကွာန်ဏံ ပေါဲဗတိုက်ဒှ်လဝ်ဟၟဲကီုလေဝ် ဒပ်ပၞာန်သီအဝဵုတံ ပန်ဏာလွဟ်ဍောတ်တ်တံကြာန်န်တုဲ ဒၞာဲသ္ၚိမၞိဟ်မံၚ်ဟၟဲမ္ဂး ကပေါတ်ၚုဟ်မးနွံတံဂှ်…
ကောန်ထံၚ် နူထံၚ်တံၚ်ဥူကရပ် ၅၀၀ ဒးဒုၚ်ဆုဲပြံၚ်ထံၚ်
တံၚ်ဥူ၊ ဂျူလာၚ် ၂၄ အပ္ဍဲရးဗဂေါ ပွိုၚ်ဍုၚ်တံၚ်ဥူ ကောန်ထံၚ်နူကဵုထံၚ်တံၚ်ဥူ ၜိုတ် ၅၀၀ တၠ သီုကဵုကောန်ထံၚ် သၟာပရေၚ်ဍုၚ်ကွာန်တံဂှ် ပဆုဲပြံၚ်ပလံၚ်ဏာလဝ်ထံၚ်သာယာဝတဳရဂှ် နူကဵုဇာဖိုၚ်ကောန်ထံၚ် ပရေၚ်ဍုၚ်ကွာန်အလုံမွဲဍုၚ်ဗၟာ (PPNM) ပတိတ်လလောၚ်တြး လဝ်ရ။ နူကဵုဂိတုဂျူလာၚ် ၂၃ အခိၚ်ဂယးပြဟ်ဂှ် မွဲအလန်ဓဝ် ညးတာလျိုၚ်ထံၚ်တံပဆုဲပြံၚ်ဏာ နူကဵုထံၚ်တံၚ်ဥူ ကောန်ထံၚ်ၜိုတ် ၅၀၀ သီုကဵုကောန်ထံၚ်ပရေၚ်ဍုၚ်ကွာန်ညးတြုံ ၁၀၀ တၠပါလုပ်မံၚ်တံဂှ် ဗစိုပ်ပလံၚ်ဏာလဝ် ထံၚ်သာယာဝတဳရောၚ်။…