ဖနွောန်ပေန် – ဂျူလာၚ်(၂၆) သ္ကိုပ်ဝန်ဇၞော်ကမ္ဘောဒဳယာ ဟွောန်ဇြာန်ဂှ် ထ္ၜးဥပမာကဵု အကာဲအရာက္ဍိုပ်သ္ကိုပ်ဗော် Move Forward ဖိတာ ပ္ဍဲပေါဲရုဲမာဲသေံ ကလိလၟိဟ်ဂွံမာဲ သွက်ဌာနန္တရဝန်ဇၞော် ဟွံရုံဂပ်ဂှ်တုဲ ဟီုပ္ဍဵုပ္ဍိုက်လဝ် က္ဍိုပ်သ္ကိုပ်ဒစဵုဒစး ပ္ဍဲဍုၚ်ညးရ။ ဟွောန်ဇြာန် မဒှ်တၠအဝဵု မွဲတၠဂှ် ၜိုန်ရလုပ်စောန်ပြံက် ပရေၚ်ဍုၚ်ကွာန်သေံ ဟွံသေၚ်ကီုလေဝ် နကဵု Move Forward ကေုာံ ဖိတာ ယဝ်ရဒက်ပ္တန်အလဵုအသဳ မွဲတန်မာန်ကီုလေဝ်…
ဝၚ်ရော၊ ဂျူလာၚ်(၂၆) ပ္ဍဲပေါဲဗတိုက်က္တဵုဒှ်လဝ် ပွိုၚ်ဍုၚ်ဝၚ်ရော၊ ဗော်သွးကောန်ဂကူကရေၚ် KNU ဒပ်မဟာ (၆)ဂှ် သ္ဂံၚ်နူဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA (၂)တၠ ဒးပြဟ်လလုဲလဝ်ရဂှ် ဗဟဵု KNU လလောၚ်တြးလဝ် ပ္ဍဲဂိတုဂျူလာၚ် စၟတ်တ္ၚဲ (၂၅) ရ။ ပ္ဍဲဂိတုဂျူလာၚ် စၟတ်တ္ၚဲ (၂၃)တုဲကၠုၚ်တေံ အခိၚ်နူဂယးဂှ် ဟိုတ်နူဒပ်ကံၚ်ဇြဳပၞာန် ထ္ပက်လုပ်ကၠုၚ်ကရောၚ်ပၞာန် ဗ္ဒာဲကွာန်ဝါဝန် ပွိုၚ်ဍုၚ်ဝၚ်ရောတုဲ ဒှ်လဝ်ပေါဲဗတိုက်ဆေၚ်မုက်ကဵု ဒပ်ပံၚ်ကောံ…
လဂုၚ်-ဂျူလာၚ်(၂၆) ရးဒေသလဂုၚ်၊ ပ္ဍဲထံၚ်အၚ်စိၚ်ဂှ် ဟိုတ်နူထံက်ပၚ်ကဵုလဝ်သြန်ကု PDF တအ်ဂးတုဲ သ္ကိုပ်စၞောန်ပ္ညုၚ် ထံၚ်အၚ်စိၚ် ဥူဇြဝ်မေန် ဒးဒုၚ်ဖျေံလဝ်နူကဆံၚ်ဌာနန္တရ ဒးဒုၚ်ကေတ်လဝ်အရေဝ်ရဂှ် ညးစုက်လုက်တအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ပ္ဍဲဂိတုဂျူလာၚ် ဒုတိယသတ္တာဟတုဲကၠုၚ်တေံ ပကောံကေတ်သြန် နူညးယိုက်ဝန်ထံၚ်တအ်တုဲ ဟိုတ်နူထံက်ပၚ်ကဵုလဝ် သ္ဂံၚ် PDF တအ် သြန် (၁၁)ကိုတ်ဂှ်ရ ဒးဒုၚ်ကေတ်လဝ်အရေဝ်ရဂှ် ဂွံတီကေတ်တုဲ ညးယိုက်ဝန်ထံၚ် ထံက်ပၚ်ကဵုလဝ်တအ်ဂှ်လေဝ် ကံၚ်ဇြဳပၞာန် ရပ်လဝ်ရဂှ်…
ဂျူလာၚ် – ဂျူလာၚ်(၂၆) ကွဳပၟတ်ဖ္ဍိုက်ဗၞိက်မွဲဖ္ဍိုက် နူမျေတ်ၚေဝ် ရးအၚ်ဝ သွက်ဂွံတိတ်ကၠုၚ်တရဴ ယွာတာဂျဳ ရးလဂုၚ်ဂှ် ကလိတ်စှ်ေနူဂၠံၚ်တုဲ ဗကပ်စှ်ေလဝ် အကြာသၞေဟ်ကွဳပၟတ်ပလုက်ကဵု သၞေဟ်ကွဳပၟတ်သေအ်ကိုၚ်(စဉ့်ကိုင်ဘူတာ)ရဂှ် ဓမံက်လဝ် ပ္ဍဲမဳဒဳယာတြးဝါဒကံၚ်ဇြဳပၞာန်ရ။ ပရေၚ်ဒဒှ်ဂှ် ပ္ဍဲဂိတုဂျူလာၚ် စၟတ်တ္ၚဲ(၂၃) အခိၚ်ဗ္တံ ကွဳပၟတ်လ္ပာ်စှ်ေ စၟတ် (၉၂၄) နူသၞေဟ်ကွဳပၟတ်မျေတ်ၚေဝ် တိတ်ကၠုၚ် သၞေဟ်ကွဳပၟတ်ယွာတာဂျဳဂှ် ဗကပ်အာလဝ် ပ္ဍဲမိုၚ်တိုၚ် (၃၇၂/၂-၂၇၁/၂၄) ရ။ စပ်ကဵုပရေၚ်ကွဳပၟတ်ဗကပ်လဝ်ဂှ်တုဲ…
ဗိက်၊ ဂျူလာၚ်(၂၆) ရးဒေသဇၞော်တၞၚ်သြဳ၊ ဂကောံရီုဗၚ်ဟံၚ်ပြာ်ပရေၚ်မၞိဟ် မၞုံပွိုၚ်ဍုၚ်ဗိက် (၅)ဂကောံဂှ် ပံၚ်တောဲကဵုကံၚ်ဇြဳပၞာန်တုဲ ဟိုတ်နူကၠောန်ရေၚ်တၠုၚ်ကဵုဒၟံၚ်ကမၠောန်ကံၚ်ဇြဳပၞာန်တုဲ ညံၚ်ဟွံဂွံထပ်ပံၚ်တောဲဂှ် ဒပ်စဵုဒၞာညးဍုၚ်ကွာန် (ပကဖ) ပွိုၚ်ဍုၚ်ဗိက် ကဵုလဝ်သတိ လလောၚ်တြးလဝ် ပ္ဍဲဂိတုဂျူလာၚ် စၟတ်တ္ၚဲ (၂၄)ရ။ အတိုၚ်တၚ်လလောၚ်တြး ဂကောံ (ပကဖ)ပွိုၚ်ဍုၚ်ဗိက်ဂှ်မ္ဂး ဂကောံရီုဗၚ်ဟံၚ်ပြာ်ပရေၚ်မၞိဟ် ချာန်မျေအ်(ချမ်မြေ့)၊ ကရုဏာ၊ ချေတ်ကျဳယျေ(ချစ်ကြည်ရေး)၊ ယှိုဲယောၚ်နေအ်တေတ် (ရွှေရောင်နေ့သစ်)၊ ပဳတိကုဒိုလ်(ပီတိကုသိုလ်) တအ်ဂှ် သုၚ်စောဲယာဉ်ရီုဗၚ်ဟံၚ်ပြာ်ညးတအ်တုဲ ဒဒှ်ရပါလုပ်ပံၚ်တောဲဒၟံၚ်ပ္ဍဲလၟေၚ်ကမၠောန်ပ္ကီုပရာပ်ဂှ်…
အေဒေန်၊ ဂျူလာၚ် (၂၅) ပ္ဍဲဂိတုဂျူလာၚ် (၂၃) တုဲကၠုၚ်တေံ ပ္ဍဲကဵုတ္ကအ်ဍုၚ်ဂရိ ဟိုတ်နူပၟတ်ဂြိုပ်တူတုဲ ကၟုဲအာတရဴဂမၠိုၚ် လကိုတ်လကိုတ်တ္ၚဵုတ္ၚဵု ဒးဂြိပ်လဝ်တုဲ ညးဒေသ ဂၠိုၚ်ကဵုလ္ၚီတံလေဝ် ဒးဂြိပ်ဒဴပါဲဒလေတ်ဒၟံၚ်အိုတ်ရ။ ပ္ဍဲကဵုတ္ၚဲအဒိုတ် လက္ကရဴဏံဂှ်လေဝ် ပ္ဍဲကဵုတ္ကအ်ဂရိဒယှ် ကဝ်ဖူ မကၠောန်သ္ပဆုဲပြံၚ်ဒၟံၚ် ဒၞါဲဗၠးဘဲတံ နူကဵုတရဴဍာ်ဂှ်လေဝ် ဒဒှ်ရပၟတ်ဂြိုပ်တူ က္တဵုဒှ်လဝ်ဂှ် ပရိုၚ်ဂမၠိုၚ် မံက်တိတ်ဒၟံၚ်ရ။ ပရေၚ်ဒဒှ်ပၟတ်ဂြိုပ်တူ မက္တဵုဒှ်လဝ် ပ္ဍဲကဵုရာသဳအာတရဴ တ္ကအ်ရသ်ဒ်ဂှ် သၟာသိုဟ်ပၠိုတ်ပၟတ်တံ…
လ္ဂုၚ်၊ ဂျူလာၚ် (၂၅) ဒၟါနူကံၚ်ဇြဳပၞာန် တက်တြးပ္တိတ် သြန်စက္ခူ တၞး ၂၀၀၀၀ ဒ္ကေဝ်ဂှ်တုဲ သြန်ဖောဝ် ကေုာံ ဒမြိပ်က္တဵုဒှ်ကလောန်ကၟိတ်ဟွံမွဲတံ သၠုၚ်တိုန်ကၠုၚ်မာန်တုဲ ဘဲဒဏ်ၚုဟ်ဖျာက္ဍၚ် ဂၠိုၚ်ကဵုဆတံဂှ် ညးဍုၚ်ကွာန်တံ ထပ်ဒးဒုၚ်စသိုၚ်မာန်ရောၚ်ဂှ် တၠပညာပရေၚ်ပိုန်ဒြပ်တံ သ္ၚဳဂၠိပ်လဝ်ရ။ ကံၚ်ဇြဳပၞာန် သီအဝဵုဂှ် နဒဒှ်စၟတ်သမ္တီ ကျာ်ပဋိမာရုပ် မာရဝိဇယ အာစိုပ်ဒတုဲ ကေုာံ စိၚ်ဗ္တာၚ်ရတ် ရဌနန္ဒက ပေၚ်မွဲသၞာံတုဲ တက်တြးပ္တိတ်အာ…
လွိုၚ်ကဝ်၊ ဂျူလာၚ်(၂၅) ဟိုတ်နူပေါဲဗ္တိုက်ၜါလ္ပာ် မၞုံပ္ဍဲတွဵုရးကရေၚ်ဍာဲတံဂှ်တုဲ ပ္ဍဲညးဍုၚ်ကွာန်ဒးဂြိပ်ဒဴပါဲဓလေတ်မံၚ်ဘဲပၞာန် ပ္ဍဲဒဵုဂြပ်တံဂှ် ပရေၚ်က္တဵုဒှ်ယဲဇွဟ်တံ သၠုၚ်တိုန်ကၠုၚ်သ္ဇက်ဒးဂွိၚ်ရဂှ် ညးရီုဗၚ်မံၚ်ပရေၚ်ပါဲဒဴဘဲပၞာန်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ သ္ပတံနူဂိတုဂျောန်လ္ပာ်မံက်တုဲကၠုၚ်တေံဂှ်တုဲ ပ္ဍဲတွဵုရးကရေၚ်ဍာဲဂှ် အကြာဒပ်ကံၚ်ဇြဳပၞာန်တံကဵု ဂကောံဇြဟတ်ပၠန်ဂတးတံဂှ် ဟိုတ်နူပေါဲဗ္တိုက်ကလေၚ်မွဲဝါပၠန်တံ သ္ကာတ်မြဟ်ကၠုၚ်ဂှ်ရ လၟိဟ်ညးပါဲဒဴဘဲပၞာန် ထောံလသာဌာန်ဒၟံၚ်တံ ထပ်ဂၠိုၚ်တိုန်ကၠုၚ် မဒှ်ရ။ ညးဍုၚ်ကွာန်ပါဲဒဴဘဲပၞာန် ဒးဂြိပ်ဒဴပါဲဓလေတ်မံၚ်တံ ဟိုတ်နူဒးမံၚ်ကၠုၚ်လဝ် ပ္ဍဲဒဵုဂြပ်တံ မွဲသတ္တဟပြၚ်ဂှ်ရ က္တဵုဒှ်မံၚ်ယဲဇွဟ် နကဵုဂအုံဗွဝ်ရ။ ယဲဇွဟ်ဂှ် ပ္ဍဲညးဍုၚ်ကွာန်ပါဲဒဴဘဲပၞာန် ဒးဂြိပ်ဒဴပါဲဓလေတ်ကၠုၚ်ဟိုတ်နူပေါဲဗ္တိုက်တၟိတံဂှ်…
ၜဳကလေၚ်၊ ဂျူလာၚ်(၂၅) ဂကောံကၠုၚ်ပလေဝ်ဒဒန်ကြုၚ်အုပ် ၜဳကလေၚ် ပ္ဍဲဂၠံၚ်ကွဳစက် လဂုၚ်-မတ်မလီု ဒးဒုၚ်ဖံက်ခတိုဟ်လဝ်မာၚ်ဂှ် ပ္ဍဲဂိတုဂျူလာၚ် စၟတ်တ္ၚဲ (၂၃) အခိၚ်ဗ္တံဂှ် ဒးဒုၚ်ထပ်ဗတိုက်လဝ်ကဵုဒရုမ်ရဂှ် ညးဒေသတအ် ဟီုကဵုဌာန်ပရိုၚ်သြန်လောန်တိုၚ်(မ်)ရ။ တွဵုရးဍုၚ်မန် အကြာပွိုၚ်ဍုၚ်သဓီုကဵု ပွိုၚ်ဍုၚ်ၜဳကလေၚ် ဗ္ဒာဲကွာန်ယှိုဲယောၚ်ပျ ပ္ဍဲဂၠံၚ်ကွဳစက် လဂုၚ်-မတ်မလီု ဂကောံကၠုၚ်ပလေဝ်ဒဒန်ကြုၚ်အုက်ဂှ် ဒပ်ပံၚ်ကောံ ဂကောံဇြဟတ်ပၠန်ဂတးတအ် ဗတိုက်ထောံဖျေံလဝ်ဗုမ် ကဵုဒရုမ် ပ္ဍဲဂိတုဂျူလာၚ် စၟတ်တ္ၚဲ (၂၃) အခိၚ်ဗ္တံရ။ ဟိုတ်နူဒးဒုၚ်ထောံဖျေံလဝ်ဗုမ်ကဵုဒရုမ်တုဲ…
ပံၚ် – ဂျူလာၚ် (၂၅) တွဵုရးဍုၚ်မန်၊ ပွိုၚ်ဍုၚ်ပံၚ် ပ္ဍဲဆေၚ်စသုၚ် သ္ကဲဂၠံၚ်ကွဳစက် လဂုၚ်-မတ်မလီု ပ္ဍဲကွာန်ဥတ္တံတာဂှ် သီုဗၠာဲသၟိၚ်ထိၚ်ရးကွာန်ဥတ္တံတာ ဒးဒုၚ်ပန်ဂစိုတ်လဝ် (၂)တၠရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ပရေၚ်ဒဒှ်ဂှ် ဂိတုဂျူလာၚ် စၟတ်တ္ၚဲ (၂၂) အခိၚ်ဇိုၚ်သဝ်တ္ၚဲ ပါဲနူဖျိုဝ်ယျေဝ်ဇြဝ်အောၚ် ညးမဒှ်ဗၠာဲသၟိၚ်ထိၚ်ရး ကွာန်ဥတ္တံတာ သ္ကုတ်တိဍာ်ဗၠာဲသၟိၚ်ဇိုၚ်ကျာ် ကိုဝ်ဇြဳဒူတအ်ညးၜါတၠ ဃောဂ္ဇအ်ဒၟံၚ် ပ္ဍဲဆေၚ်စသုၚ်ဂှ် သၟာလွဟ်တအ် လုပ်စိုပ်ပန်ပှော်လဝ်ရ။…
sanlontai