ဍုၚ်ဗၟာဂှ် အခေါၚ်ဗၠးၜးအေန်တာနိတ် ပ္ဍဲဂၠးတိဏံ ဒှ်ကၠုၚ်ကၟိန်ဍုၚ်ဒုတိယပရေံအိုတ်
sanlontai နေဗျဳဒဝ်၊ အံက်တဝ်ဗာ(၆) ဍုၚ်ဗၟာဂှ် ပ္ဍဲကာလကံၚ်ဇြဳပၞာန်သီအဝဵု ပွိုၚ်ၜါသၞာံဘာ်ပြၚ်ဏံ လ္ဂောံကဵုကိုန်စၞောန် အခေါၚ်ဗၠးၜးအေန်တာနိတ် ပ္ဍဲဍုၚ်မၞုံပ္ဍဲဂၠးတိဏံဂှ် ဒှ်ကၠုၚ်ဍုၚ်ဒုတိယပရေံအိုတ်ရဂှ် ဂွံတီကေတ် အတိုၚ်လိက်ဒုၚ်စဳရေၚ် Freedom House မဒှ်ဂကောံဖျေံသ္ဇိုၚ်အမေရိကာန်မွဲဂှ်ရ။ အခေါၚ်ဗၠးၜးအေန်တာနိတ်ဍုၚ်ဗၟာဂှ် ကိုပ်ကၠာဒပ်ပၞာန်ဟွံဂွံသီအဝဵုဂှ် နကဵုကိုန်စၞောန် အခေါၚ်သၠးပွးအေန်တာနိတ်ဂှ် နွံကၠုၚ်လဝ် ကဆံၚ်(၃၁)တုဲ ကြဴနူသီအဝဵုတုဲဂှ် ဒးဆေၚ်မံၚ်မုက်ကဵု အခေါၚ်ဗၠးၜးအေန်တာနိတ် ပရေံအိုတ်တံရ။ အတိုၚ်တၚ်လလောၚ်တြး Freedom House ဂှ်မ္ဂး အပ္ဍဲဍုၚ်မၞုံပ္ဍဲဂၠးတိတံဂှ် ဍုၚ်ဓရေပ်ဓရတ်အေန်တာနိတ်ဂၠိုၚ်အိုတ်ဂှ်…