သွက်ဂွံသၠုၚ်ပ္တိုန်အသိၚ်ပၠန်ဂတးက္ညၚ်ဂှ် သမ္မတယာယဳ NUG ဗတိုက်ဖ္အောဝ် ဂကောံအလဵုအသဳ
မတ်မလီု – မာတ်ချ်(၁) သွက်ဂွံသၠုၚ်ပ္တိုန်အသိၚ်ပရေၚ်ပၠန်ဂတးက္ညၚ် ဗတိုက်သရိုဟ်ပ္တိတ်ဒၟံၚ် တၠအဝဵုပၞာန်ဂှ် သမ္မတယာယဳ အလဵုအသဳညဳသၟဟ်ကောန်ဂကူ ဒူဝါလယှဳလ ဗတိုက်ဖ္အောဝ်လဝ် ဂကောံအလဵုအသဳတအ်ရ။ ပ္ဍဲကောံဓရီုဂကောံအလဵုညဳသၟဟ်ကောန်ဂကူ မရနုက်ကဵု (၈)ဝါ ကၠောန်ဗဒှ်လဝ် ပ္ဍဲဂိတုဖေဖဝ်ဝါရဳ စၟတ်တ္ၚဲ(၂၈) ဂှ် ဟီုသ္ဂးကၠုၚ်လဝ် သာ်ဏံရ။ “အလုံညးဍုၚ်ကွာန်တအ်သီုဖအိုတ် က္ဍုဟ်မၠေံဒၟံၚ် ပွဂကောံကံၚ်ဇြဳပၞာန် ဓဇန်ကြာန်တအ်ရ။ ဟွံယှအ်တဲ ဟွံဒုၚ်ကျ ဂကောံပၞာန်တုဲ သွက်ဂွံလုပ်အာပေါဲဗတိုက် စဵုကဵုတုဲဒှ် ဒဵုစိုပ်ဒတုဲဂှ်…