ပ္ဍဲလက်ထက်ကံၚ်ဇြဳပၞာန် ပ္ဍဲရုၚ်ဌာနဆေၚ်စပ်တံဂှ် ညးစအကြာတံ အုပ်ဓလီုကၠုၚ်
sanlontai မတ်မလီု၊ သေပ်တေမ်ဗာ (၂) ပ္ဍဲကာလဒပ်ပၞာန်သီအဝဵုပွိုၚ်ၜါသၞာံပြၚ်ဏံ ပ္ဍဲရုၚ်ဌာနဆေၚ်စပ် သၟဝ်တဲကံၚ်ဇြဳပၞာန် ကဵုမံၚ်ပရေၚ်ရေၚ်တၠုၚ်ညးဍုၚ်ကွာန်တံဂှ် ညးစအကြာတံအုပ်ဓလီုကၠုၚ်တုဲ ဒးကဵုမံၚ်သြန်လှုဲဂၠိုၚ်ကဵုဆရဂှ် ညးဍုၚ်ကွာန်ဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။ ပ္ဍဲကာလသီအဝဵု ပ္ဍဲဌာနကောပ်ကာဲပရေၚ်မၞိဟ်လုပ်၊ ဌာနက္ဍိုက်က္ဍိုပ်စၞောန်ပ္ညုၚ် ပရေၚ်ပလံၚ်ဗ္စိုပ်ဂၠံၚ်ကုန်၊ မ္ၚးနူဌာနပ္တိတ်ကဵုစၟတ်တဲကၠောံဍုၚ်တံဂှ် ညးယိုက်ဝန် နူဌာနဆေၚ်စပ်ဗွဲမဂၠိုၚ်တံဂှ် ဟွံကဵုပရေၚ်ရေၚ်တၠုၚ် ကုညးဍုၚ်ကွာန်တံတိုက်ရိုက်မွဲသာ် နူကဵုညးစအကြာတံမွဲကဆံၚ်ဟေၚ် ရေၚ်တၠုၚ်ကဵုမံၚ် ကမၠောန်တံရ။ ပ္ဍဲဌာနတံဏံဂှ် နအလဵုညးဍုၚ်ကွာန်တံ အာစိုပ်ကၠောန်သ္ပ ကမၠောန်ပရေၚ်ရေၚ်တၠုၚ်တံမ္ဂး ကဵုမၚ်တဴအခိၚ်ဗွဲမလအ်လတုဲ ကမၠောန်ရေၚ်တၠုၚ်…