အပ္ဍဲသၞာံ ၂၀၂၅ ဏံ ကံၚ်ဇြဳပၞာန် ဂွံကၠောန်ပေါဲရုဲမာဲ ဂွံဒှ်မာန်ဂှ် အောန်ဒၟံၚ်
sanlontai မတ်မလီု၊ မာတ် ၄ ပေါဲရုဲမာဲကံၚ်ဇြဳပၞာန် မကၠောန်ဗဒှ်ဂှ်ဝွံ ယဝ်ရတော်စုတ်သီုပဋိပက္ခပရေၚ်ပၞာန်မသၠဲလးကၠုၚ်ဒၟံၚ်ဂှ်ကဵု ပရေၚ်ဂီုကၠီုတိဍာ် အပ္ဍဲဍုၚ်လၟုဟ်ဂှ်မ္ဂး အပ္ဍဲသၞာံဏံ ဂွံဒှ်ကၠုၚ်တဴ အောန်တဴဗွဲမလောန်ဂှ် လိက်ဒုၚ်စဳရေၚ်မွဲ သ္ၚဳဂၠိပ်လဝ်ရ။ BNI-Myanmar Peace Monitor မမၚ်ရံၚ်ဒၟံၚ် လၟေၚ်ဒဒှ်ပရေၚ်ၜိုဟ်လလမ်ဍုၚ်ဗၟာဂှ် ထ္မံက်ထ္ၜးလဝ် ပ္ဍဲလိက်ဒုၚ်စဳရေၚ်တၚ်သ္ၚဳဂၠိပ်တၟေၚ် စပ်ကဵုပေါဲရုဲမာဲတၟိ တၠုၚ်လအာသ္ဂောံက္တဵုဒှ်ကၠုၚ်မာန်ဂှ်ကဵု အကာဲအရာပၠန်ဂတးဂှ်တုဲဲ လလောၚ်ပ္တိတ်ကၠုၚ်လဝ် ပ္ဍဲဂိတုဖေဖဝ်ဝါရဳ ၂၈ တေံဂှ်ရ။ အတိုၚ်စၟတ်သမ္တီဂမၠိုၚ်မ္ဂး အလုံဍုၚ်မွဲ ပ္ဍဲကဵုပွိုၚ်ဍုၚ်…