၁။ ကိုပ်ကၠာအိုတ်ဏံ အကာဲအရာပေါဲဗတိုက် ပ္ဍဲဍုၚ်လှာဒကှ်ဂှ် ဟီုထ္ၜးကဵုညိ။
– ဗဒိုပ်ဗၠာဲသၟိၚ် ခလရ၊ ၂၈၄ ကဵု ဗဒိုပ်ဗၠာဲသၟိၚ်လှာဒကှ် တုဲတှ်ေ ရုၚ်အုပ်ဓုပ်နာနာကဵု ရုၚ်နာဲဗ္စာ သၞောဝ်ဓဝ်ရ။ ပိုဲပ္တဝ်လဝ်လုပ်လဝ်တုဲ ဗတိုက်လဝ်ရ။ ပံၚ်တောဲကဵု ဂကောံဒရုမ်တုဲ ကၠောန်လဝ်ရ။ မေတ်ယှေန်ပရေၚ်ချဳဒရာၚ်ပၞာန်လေဝ်။ အခိၚ် (၄) နာဍဳဂှ် စကၠောန်လဝ်မေတ်ယှေန် Drone ရ။ အခိၚ်ဂွံလျးတ္ၚဲ အခိၚ်ညာတ်ကေတ် ဒၞာဲပိုဲစၚ်ပစူလဝ်ဂှ် ပိုဲထ္ပက်လုပ်ပၞာန် မွဲအခိၚ်ဓဝ်တုဲ ဗတိုက်လဝ်ရ။ မွဲလ္ပာ်ဂှ်လေဝ် ဗတိုက်ဒၟံၚ်ဗဒိုပ်ဗၠာဲသၟိၚ်တုဲ မွဲဂကောံဂှ် လုပ်ဗတိုက်ကဵုကောန်ဒပ်ကံၚ်ဇြဳပၞာန် ဖျေံလဝ် ဗဒိုပ် ပ္ဍဲရုၚ်တအ်ဂှ်ရ။ ဗတိုက်လဝ် မွဲစွံဓဝ်ရ။ ပံက်လဝ်မုက်ပၞာန်ၜါတုဲ ဗတိုက်ရ။ ပ္ဍဲဂှ်လုပ် ပ္ဍဲဗဒိုပ်ဗၠာဲ သၟိၚ်တုဲ ဒဵုကဵုသီကေတ်ဂွံ ဟွံဒှ်လဝ်ရ ဒၟာနူအပိုၚ်ခြာအခိၚ်တုဲ ဟွံဂွံရ။ ဗၠာဲသၟိၚ်ကေတ်ဒၟံၚ်ဂီုကၠီု ပ္ဍဲဗဒိုပ်ဗၠာဲသၟိၚ်ဂှ် လုပ်ဗတိုက်လဝ်ဃောဝိုတ်ဒၟံၚ်သတိရမာန်ရ။ ဒးပြဟ်လလုဲလဝ် ၁၀ တၠဟီုဂှ် ပိုဲဆဵုလဝ် ကဵုမတ်။ ပ္ဍဲဂှ်တှ်ေ သၞာဲဒဴတံပါလုပ်ဟာ ဟွံပါဟာဂှ် ဟွံတီလဝ်ချိုတ်တ်ပၠိုတ်တ်ပုဟ်။ ဗၠာဲသၟိၚ်သၟးဂှ် အောန်အိုတ် ၅ တၠ ၆ တၠ နွံဏောၚ်။ ကောန်ဒပ်ကံၚ်ဇြဳပၞာန် ကေတ်ဂီုကၠီု ပ္ဍဲလ္ပာ်ရုၚ်တအ်ဂှ် အောန်အိုတ် ၜိုတ် ၅၊ ၆ တၠနွံဏောၚ်။ ကဵုသနိုက်ပါဂှ် ၂ တၠ ဂွံလဝ်ချိုတ်ပၠိုတ်ရ။ သှ်ေနူဂှ်အောန်အိုတ် ပိပန်တၠ ဒှ်ဏောၚ်။ ချိၚ်ခယျကေတ်ချိုတ်တ်ပၠိုတ်တ်တုဲ ဟွံဒးကေတ် ဂွံမံၚ်။ ဗၠာဲသၟိၚ် ၅ တၠ၊ ကောန်ပၞာန် ၅ တၠ၊ ၆ တၠ ဣဏံဂှ် လၟိဟ်ၜိုတ်ဆဵုလဝ်ကဵုမတ်ရ။ ဇီုကပိုက်ဒးလဝ်ဘဲဝပ်ဂှ်တှ်ေ လလောၚ်တြးလဝ်ရ။ ၜိုတ် ၁၄၊ ၁၅ တၠဒှ်ဏောၚ်။ ရမျာၚ်ကညာၚ်ကရေဲဒၟံၚ် မုဒၟံၚ်ဂှ်လေဝ်။ တုဲပၠန် ဗီုပြၚ်ပိုဲဗတိုက်ဂှ်လေဝ် ဗဒိုပ်ဗၠာဲ သၟိၚ်ဂှ် စွံလဝ်အဓိကရ။ ဗဒိုပ်ဗၠာဲသၟိၚ်ကဵု ရုၚ်နာဲဗ္စာသၞောဝ်ဓဝ်ဂှ် ခရိုဟ်စှ်ေလဝ် အိုတ်တးရ။ တုဲ ရုၚ်ပရေၚ်ဆက်စၠောံလေဝ် စံၚ်ပလီုလဝ်ရ။ ပ္ဍဲဒၞာဲဂှ်လေဝ် ဒးချိုတ်လဝ်နွံဏောၚ်။ ဇီုကပိုက်ဒးလဝ် ဘဲဝပ်ဂှ်တှ်ေ အောန်အိုတ် (၁၅)တၠ နွံဏောၚ်။
၂။ သၞာံဏံတှ်ေ ပ္ဍဲဍုၚ်လှာဒကှ်ဂှ် လုပ်ဗတိုက်လဝ် ဒှ်အာ (ၜါ)ဝါယျဏး။ မုဟိုတ် ဂွံဒှ်ဗတိုက်လဝ်ရော။
-ပွိုၚ်ဍုၚ်လှာဒကှ် ဒှ်အာၜါဝါယျ။ မုဒှ်ဂွံဗတိုက်လဝ်ရောတှ်ေ တိဍာ်လှာဒကှ်ဂှ် ဒှ်တိဍာ်ဍေံတံထိၚ်ဒဝ်လဝ် ဇေတ်တ်ဟွံသေၚ်ရပုဟ်။ ပ္ဍဲကဵုအရာပ်လ္တူဍုၚ် ၜိုတ်လ္တူဍုၚ်လှာဒကှ်ရ ပ္ဍဲဒၞာဲတံဒပ်ဍေံတအ်နွံဂှ်ရ ဍေံတအ်နွံဒၟံၚ်။ စှ်လှ်ေမွဲလှ်ေတှ်ေ ဍေံတအ်ဂှ် သီုဟွံထေၚ်လဝ်မွဲသာ် ဖျေံစွံလဝ်ကၚ်၊ ပ္ဍဲဒေါဝ်ဂြိုဟ်ဍုၚ်ဂှ်တှ်ေ သၞေဟ်ကၚ်ဍေံတအ်ရ။ ပ္ဍဲကဵုဂှ် ပရေၚ်စၟဳစၟတ်ဂၠိုၚ်ဒၟံၚ်ဟဂှ်ရ။ ပ္ဍဲဒၞာဲ စၟဳစၟတ်ဒၟံၚ်ဗီုဂှ် ဗၠေတ်မတ်တှ်ေ ဗီုဗၠေတ်မတ် ဍေံတအ်ကေတ်ထောံကပေါတ်ကညောတ်။ လှုဲလှာ်တအ်ရ။ ကၠောန်သ္ပဒၟံၚ်ဗီုဏံ ဂၠိုၚ်ၚ်ကဵုအလန်ဂှ်ရတှ်ေ မၞိဟ်တအ်လေဝ် ဒးဒုၚ်ဂိလဝ်ဂၠိုၚ်ဒၟံၚ်။ ပရေံအိုတ်ဂှ် ဒှ်သၠေဟ်ပၟာတှ်ေ ရပ်တုဲ ဂစိုတ်ထောံ။ ညးဒေသတိဍာ်လ္ပာ်ဏံ ဗွဲတၟေၚ်တှ်ေ ညးဒေသတိဍာ်လ္ပာ်ဏံ တတ်အာကၠုၚ်ဒၟံၚ်ဂှ် ဒးဒုၚ်လဝ်ဂၠိုၚ်အိုတ်ရ။ ကံၚ်ဇြဳပၞာန် ရပ်ကေတ်ဏာ နူသၞေဟ်ကၚ်ဏံရ။ ဖျေံစွံလဝ်ကၚ်တုဲ စၟဳစၟတ်ရ။ တုဲပၠန် မၞိဟ်ဂှ် ပရိုၚ်ကၞာၚ်ကၠေံအာအိုတ်ရ။ ပေါဲဗတိုက်နွံကဵုဒှ် ဟၟဲကဵုဒှ် ပန်ဖျေံဒၟံၚ်လွဟ်ဇၞော် ကြပ်ဒှ်အရိုဟ်ရိုဟ်တ္ၚဲရ။ တုဲပၠန် ပန်ဖျေံ ပ္ဍဲကွာန်မွဲဗ္ဂေတ်ဍုၚ်၈ှ်ရ။ ဟီုတှ်ေ ပရေၚ်ပ္ကီုပရာပ်ဍေံတအ်ကၠောန်ဒၟံၚ် ဂၠိုၚ်လောန်အာယျ။ ဒၟာနူဂှ်ရ ဒးဗတိုက်လဝ်ရ။ ပေါဲဗတိုက်လ္တူဍုၚ်ဟီုတှ်ေ လောဲမံၚ်ဗီုချဳဒရာၚ်ပၞာန် ပ္ဍဲကွာန်ရးဟွံသေၚ်ပုဟ်။ ချိုတ်ပၠိုတ်မွဲဂှ်တှ်ေ ဍေံတအ်မံၚ်ဒၟံၚ် ပ္ဍဲဗဒိုပ်ဍေံတအ်တွဵုရ။ အကာဲအရာဂွံတိတ်အာကၠုၚ်မ္ၚးမာန် ဟၟဲပုဟ်။ အောန်ယအ်စှ်ေကၠုၚ်ဒၟံၚ်သိုက်က်ယျ။ ပ္ဍဲဒၞာဲဏံဂှ် တိဍာ်ဍေံတအ်အုပ်ဓုပ်လဝ် ဟၟဲပုဟ် တံဒပ်လေဝ် ဒဵုကဵုကၠေံအာပေၚ်ၚ် ပိုဲရန်လဝ်ရ။
၃။ အကာဲအရာဍုၚ်လှာဒကှ် အခိၚ်လၟုဟ်ဏံ ဗီုလဵုဂွံမိၚ်လဝ်ကီုရော။
-အကာဲအရာလှာဒကှ်ဂှ်တှ်ေ ပ္ဍဲအရာပ်လ္တူဍုၚ် ပ္ဍဲဒၞာဲဗဒိုပ်ဍေံတအ်ရ ဍေံတအ်ဖျေံလဝ်ဗဒိုပ်တုဲ ပ္ဍဲကဵုသၞေဟ်ကၚ်ဂှ် စှ်လှ်ေမွဲလှ်ေ ဖျေံစွံလဝ်ကၚ်တုဲ ရပ်ဒၟံၚ်မၞိဟ်ရ။ အခိၚ်လၟုဟ်ဂှ်တှ်ေ ပရေၚ်ချဳဒရာၚ် ဍေံတအ် ၜိုတ်ဏံရ။ ပွိုၚ်ဍုၚ်လှာဒကှ် သှ်ေနူဂှ်နွံမာဂလိုၚ်ရ။ မွဲဗွိုၚ်ပွိုၚ်ဍုၚ်လှာဒကှ်မွဲဂှ် တိဍာ်ဍေံတအ် အုပ်ဓုပ်လဝ် ဟၟဲပုဟ်။ ပိုဲဗတိုက်ဒၟံၚ်ဍေံတအ်မွဲခနမွဲခနရ။ ဍေံတအ်ဒးဒုၚ်ဒၟံၚ်ရ။ ညးဒေသတအ်ဂှ် ကၠောန်သ္ပဒၟံၚ်ပရေၚ်သွံရာန်အာကၠုၚ် အတိုၚ်ပကတိမာန်ရ။ အဓိကဂှ် သုၚ်စောဲဂၠံၚ်မတ်မလီု-လှာဒကှ်ရ။ ဂၠံၚ်ဇၞော်ဂှ် ဒှ်ဒၟံၚ်ဂၠံၚ်ဖောအ်ဗြေဝ်ဒေသဂှ်ရ ပရေၚ်အာကၠုၚ်ဒၟံၚ် အတိုၚ်ပကတိ နွံရ။ ပ္ဍဲကဵုသၞေဟ်ကၚ် လ္တူဍုၚ်လှာဒကှ်ရ အန္တရာယ်နွံဒၟံၚ်။
၄။ ဃောဒှ်ပေါဲဗတိုက်ဂှ် ဒပ်ကံၚ်ဇြဳပၞာန် ပ္တဝ်လဝ်ကဵုကောန်အရာပ်တုဲ ပန်လဝ်ဂှ် ကောန်အရာပ် ညးဒေသတအ်ဒးချိုတ်လဝ်ရဏး။ ပ္ဍဲလ္တူဏံ မုမိက်ဂွံဟီုနွံရော။
-ကံၚ်ဇြဳပၞာန်ဂှ် တ္ၚဲတနေံတေံ ဍေံတအ်ပ္တဝ်လဝ်အဓိက ဗတိုက်လဝ်ဂှ်တှ်ေ ဗလဳကဵု ဘာလေံကျာ် ဘာခရေတ်ယာန်တအ်ရ။ ဍေံတအ် စွံအဓိကကဵု ဒၞာဲတအ်ဂှ်တုဲ ဗတိုက်လဝ်ရ။ ထုလဝ်ကဵု ၁၂၀-မမ ရ။ ဂြာတ်ထောံဖျေံလဝ်ဗုမ် ကဵုက္ၜၚ်ကျာရ။ အရာပ်ဒပ်ပၠန်ဂတးတအ်ဟၟဲကဵု စမြိုၚ်တအ်ရ။ ဍေံတအ်ပ္တဝ်လဝ်တုဲ ဗတိုက်။ အဲထေၚ်ကေတ်တှ်ေ ဣဏံဂှ် သက်က်ရ ညံၚ်နွံတိဍာ်ဂှ် ဂွံဖေက်လကိုတ်ဍေံတအ် ပၞောတ်လဝ်စိုတ်ဇၞော်ဇၞော်တုဲ ကၠောန်သ္ပဒၟံၚ်ရ။ လေံကျာ်မွဲဇကု ကဵုခရှ်ၜါတၠ ကောန်တိဍာ်ဂှ် ဒးချိုတ်လဝ်နွံရ။ သွက်အရာဏံဂှ် ဌာနပရေၚ်ဂီုကၠီုညးဍုၚ်ကွာန် MOD ကဵုပိုဲ ချပ်စလဝ်ညးသ္ကအ်တုဲ ဖျေံလဝ်အစဳဇန်နွံရ။ မုပိုဲဂွံကဵုအရီုဗၚ်မုရောဂှ် စဳဇန်ဒၟံၚ်ရ။
၅။ အလန်လကြဴအိုတ်ဏံ မုမိက်ဂွံဟီုကဵုညးထ္ၜးကဵုညးဍုၚ်ကွာန်နွံရော။
-တၚ်အဓိက မိက်ဂွံဟီုကဵု ညးဍုၚ်ကွာန်တအ်ဂှ် ပ္ဍဲမွဲဒမြိပ်ဂၠံၚ်ဇၞော်ဏံ ညးဍုၚ်ကွာန်တအ် ဒးဗ္ဒာဲကဵုဂၠံၚ်ဇၞော်ဏံတုဲ ဒးအာကၠုၚ်ဒၟံၚ်ညးသ္ကအ်ရ။ ပရေၚ်အာကၠုၚ် ၜိုတ်ဖ္အောန်မာန် ညံၚ်ဂွံအောန်ကီု ဒေါံဟွံဂွံ အခိၚ်ကာလဒးအာကၠုၚ်လေဝ် စွံသတိတုဲ အာကၠုၚ် ပ္ဍဲသၞေဟ်ကၚ်တအ်ဏံ အဓိကဂှ် သၞေဟ်ကၚ်ကံၚ်ဇြဳပၞာန်ဂှ် အာကၠုၚ်ကဵုသတိဇၞော်ဇၞော်ရ။ နကဵပိုဲတအ်ဂှ် အခိၚ်ကၠောန်သ္ပ ပရေၚ်ချဳဒရာၚ်ပၞာန်ဂှ် ညံၚ်ပရေၚ်ဇီုကပိုက်ဒးဂွံအောန် ရေၚ်တၠုၚ်ကၠောန်သ္ပအာဏောၚ်။ နကဵုညးဍုၚ်ကွာန်တအ်ဂှ် သွက်ဂွံအာကၠုၚ် ကဵုသတိဝဳရိယဂှ် မိက်ဂွံဟီု အဓိကရ။ ပ္ဍဲအကြာဏံ ဒှ်ကံက်လဝ်စရၚ် လၟိဟ်ညးဍုၚ်ကွာန် ဇီုကပိုက်ဒးလွဟ်ဇၞော်တုဲ ဒးချိုတ်အာလဝ်တအ်ဂှ်ရ။ ဒၟာနူဂှ်ရ နူလ္ပာ်ပိုဲ နူကဵုကဏ္ဍရီုဗၚ်ပရေၚ်မၞိဟ် ပံၚ်တောဲကဵုဌာနပရေၚ်ဂီုကၠီုညးဍုၚ်ကွာန်တုဲ နူကဏ္ဍကၠောန်သ္ပမာန် ရီုဗၚ်ကဵုအာဏောၚ်။ ဣဏံဂှ်မိက်ဂွံဟီုဏာအဓိကရ။