ဒပ်စဵုဒၞါညးဍုၚ်ကွာန်ကရေၚ်ဍာဲတံ ဟွံပံၚ်တောဲကဵု ဂကောံဇြဟတ်ပၠန်ဂတးတံပုဟ်ဂှ် ရဲထံက်ဂလာန်ကံၚ်ဇြဳပၞာန်တံ တြးဝါဒ

ဒး၊ ဗၠေတ်

မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက် ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရ။

တ္ၚဲဏံ ပရူပရာ မပါလုပ် ပ္ဍဲဗီုဓာတ် အကံက်ပ္တောံကံၚ်ဇြဳပၞာန်တံ မတြးဒၟံၚ် “ဒပ်စဵုဒၞါညးဍုၚ်ကွာန် ကရေၚ်ဍာဲ KNPLF တံ သ္ဂောံပံၚ်တောဲအာကဵု ဂကောံဇြဟတ်ပၠန်ဂတးတံ ဟွံမွဲ” ဂှ် စၟဳစၟတ်ကဵုအာရောၚ် မဒှ်ရ။

ပရူပရာဏံဂှ် ပ္ဍဲဂိတုဂျောန် (၂၇) တေံ နူကဵုအကံက်ထလဳဂရာမ် KYAW SWAR, Han Nyein Oo တံ တြးဝါဒချူပ္တိုန်လဝ် လ္တူအောန်လာၚ်ရ။

စပ်ကဵုပရူပရာ မပါလုပ် ပ္ဍဲပတ်သ် ကေုာံ ဗီုဓာတ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳစၟတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ် တြးဝါဒမွဲဂှ် စၟဳစၟတ်ကဵုအာရောၚ်။

လၟေၚ်ဒဒှ်ဍာံဂှ် ဒပ်ပၠတရဴဗၠးၜးညးဍုၚ်ကွာန်ရးကရေၚ်ဍာဲ ဂကူပံၚ်ကောံ (KNPLF) မၞုံတမ်ဒပ် ၅ ဒပ် ပါလုပ်သီုကဵုတမ်ဒပ်မၚ်ပယျဵု ၂ ဒပ်ဂှ် ဒဒှ်ရကလေၚ်ဗ္တိုက်ဒၟံၚ် ဒပ်ကံၚ်ဇြဳပၞာန်တံယျဂှ် ပ္ဍဲဂိတုဂျူလာၚ် ၁ တေံ ဒပ်ပၠတရဴဗၠးၜးညးဍုၚ်ကွာန်ရးကရေၚ်ဍာဲ ဂကူပံၚ်ကောံ (KNPLF) လလောၚ်ပ္တိတ်လဝ်ပရိုၚ်ဂှ် စၟဳစၟတ်ဂွံဆဵုကေတ်ရ။

ဒပ် KNPLF မကော်ဂး ဒပ်ပံၚ်ကောံ 4K ပ္ဍဲကဵုပေါဲဗ္တိုက်မေဝ်သေအ်တံဂှ် မ္ၚးနူဒပ်ပၞာန်ကရေၚ်ဍာဲ KA, ဒပ်စဵုဒၞါကောန်ဂကူကရေၚ်ဍာဲ KNDF ကေုာံ ဗော်သွးကောန်ဂကူကရေၚ်/ဒပ်ပၞာန်ဗၠးၜးကရေၚ် (KNU/KNLA) တံဂှ် ပါလုပ်ဗ္တိုက်ဒၟံၚ် သီုကဵုဂကောံဒပ်ပၞာန်စဵုဒၞါညးဍုၚ်ကွာန် (PDF) တံ၊ Karenni Revolution Union (KRU) တံဏောၚ်ဂှ် ဒပ်ပၠတရဴဗၠးၜးညးဍုၚ်ကွာန်ရးကရေၚ်ဍာဲ ဂကူပံၚ်ကောံ (KNPLF) တံ လလောၚ်ပ္တိတ်လဝ်ပရိုၚ်ဂှ် ဌာန်ပရိုၚ်ပတှ်ေဖျေံစိုတ်ဂွံဂမၠိုၚ် လလောၚ်ပ္တိတ်လဝ်ပရိုၚ်ဂှ် ထ္မံက်ထ္ၜးလဝ်ရ။

ဂကောံ KNPLF ဂှ် ပံၚ်တောဲအာကဵု သီုကဵုညးစၞးကၠတ်ထဝ်ကၟိန်ဍုၚ် CRPH, အလဵုအသဳညဳသၟဟ်ဂကူ NUG တံဏောၚ်ဂှ်လေဝ် ထ္မံက်ထ္ၜးလတ် ပ္ဍဲကဵုဒပ်ပၠတရဴဗၠးၜးညးဍုၚ်ကွာန်ရးကရေၚ်ဍာဲ ဂကူပံၚ်ကောံ (KNPLF) တံဂှ်ရ။

ဗ္ဒိုပ်ကံၚ်ဇြဳပၞာန် မၞုံပ္ဍဲတွဵုရးကရေၚ်ဍာဲ ပွိုၚ်ဍုၚ်မေဝ်သေအ် ဒၞါဲ KNPLF ဖျေံသ္ဇိုၚ်ချဳဒရာၚ်ဒၟံၚ်ဂှ် ပံၚ်တောဲဗ္တိုက်အာကဵု ဂကောံဒပ်ပၠန်ဂတးဒေသတံရောၚ်ဂှ် ကောန်သ္ဂံၚ်လဝ်ရေန်သဵု မဒှ်ဖက်ဆောညးအုပ်ကာ KNPLF လလောၚ်ပ္တိတ်လဝ်ပရိုၚ်ဂှ် စၟဳစၟတ်ဂွံဆဵုကေတ်ရ။

တၚ်လလောၚ်တြး ဂကောံ KNPLF ဂှ်
https://shorturl.at/jvAIM

ဌာန်ပရိုၚ် ကန္တာရဝတဳတိုၚ်(မ်) ထ္မံက်ထ္ၜးလဝ်ဂှ်
https://shorturl.at/iktuX

ဌာန်ပရိုၚ် Myanmar Now ထ္မံက်ထ္ၜးလဝ်ဂှ်
https://shorturl.at/bdtDW

ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ဒပ်စဵုဒၞါညးဍုၚ်ကွာန်ကရေၚ်ဍာဲ KNPLF တံ သ္ဂောံပံၚ်တောဲအာကဵု ဂကောံဇြဟတ်ပၠန်ဂတးတံ ဟွံမွဲ” သာ်ဝွံ မတြးဒၟံၚ်ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)