ဗီုကောန်ဒပ်ပၠန်ဂတးဂမၠိုၚ် စၟဳစၟတ်ဒၟံၚ် ပရေၚ်ဂီုကၠီု လ္တူဂၠံၚ်ဇၞော် ထဝါဲ−ရေဝ်−မတ်မလီုတံဂှ် သုၚ်စောဲတုဲ ကံက်ဒၟံၚ်အခေါန်ရောၚ် ရဲထံက်ဂလာန်ဒပ်ပၞာန်တံ တြးဝါဒ

ဒး၊ ဗၠေတ်

မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရ။

တ္ၚဲဏံ ပရူပရာ မပါလုပ် ပ္ဍဲဗီုဓာတ် အကံက်ပ္တောံကံၚ်ဇြဳပၞာန်တံ မတြးဒၟံၚ် “ပဳဒဳအာဖ်ပကီုပရာပ်တံ ဗက်ဒၟံၚ်လှုဲ  ကုရဲကွဳစက်အာတရဴတံ လ္တူဂၠံၚ်ထဝါဲ−ရေဝ်−မတ်မလီု” တံဂှ် စၟဳတ်ကဵုအာရောၚ် မဒှ်ရ။

ပရူပရာဏံဂှ် ပ္ဍဲဂိတုဂျောန် (၁၉) တေံ နူကဵုအကံက်ထလဳဂရာမ် KYAW SWAR, Han Nyein Oo တံ တြးဒၟံၚ်ဝါဒ လ္တူဇာဇၞိက်ပရေၚ်မၞိဟ်တံရ။ စပ်ကဵုပရူပရာ မပါလုပ် ပ္ဍဲပသ်ထ် ကေုာံ ဗီုဓာတ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳစၟတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ် တြးဝါဒဂှ် စၟဳတ်ဂွံဆဵုကေတ်ရ။

လၟေၚ်ဒဒှ်ဍာံဂှ် လ္တူဂၠံၚ်မတ်မလီု−ရေဝ်−ထဝါဲ မၞုံအကြာဍုၚ်ဇြပ်ဗုကဵု ဍုၚ်ရေဝ် တွဵုရးဍုၚ်မန်ဂှ် ကောန်ဒပ်ကံၚ်ဇြဳပၞာန်တံ သုၚ်စောဲကွဳကောန်အရာပ်တံဂှ်တုဲ ဟိုတ်နူကၠောန်သ္ပယိုက်ဏာနၚ်ဒၟံၚ် လွဟ်လက်နက်မကမ်တံကီု၊ သၠဲပ္တိုန်ဇြဟတ်ပၞာန်တံကီုဂှ်ရ ဒှ်ဒၟံၚ်ဗီုဓာတ် ကရောၚ်ပၞာန် KNLA, S.O.F ကေုာံ PDF တံ အရိုဟ်ဒဒှ်တ္ၚဲ ကေတ်ဒၟံၚ်ဂီုကၠီု မၚ်စၟဳတ်ဒၟံၚ်တံရောၚ်ဂှ် စၟဳတ်ဂွံဆဵုကေတ်ရ။

ပ္ဍဲကဵုကွဳစက် အာကၠုၚ်ဒၟံၚ် မွဲဒမြိပ်ဂၠံၚ်ဇၞော်ဗျဳထံၚ်သုတံဂှ် ဟိုတ်နူဒပ်ပၞာန်တံ ပလံၚ်ဗစိုပ်ယိုက်ဏာနၚ်ဒၟံၚ် လွဟ်လက်နက်မကမ်၊ သၠဲပ္တိုန်ဇြဟတ်ဒပ်ပၞာန်တံ ကေုာံ ကပေါတ်တံ နွံဒၟံၚ်တုဲ စၟဳစၟတ်ဒၟံၚ်မဒှ်တုဲ ဗီုဓာတ်စၟတ်သမ္တီတံဏံဂှ် ရဲထံက်ဂလာန်ဒပ်ပၞာန်တံ သ္ပထောံညံၚ်ကဵု ပဳဒဳအာဖ်တံ ကံက်ဒၟံၚ်အခေါန်တံဂှ်တုဲ တြးဒၟံၚ်ပရိုၚ်ဗၠေတ်တံဂှ် စၟဳတ်ဂွံဆဵုကေတ်ရ။

ပ္ဍဲဂိတုဂျောန် (၁၈) အခိၚ်ကရောၚ်ပၞာန်ပံၚ်ကောံ KNLA, S.O.F ကေုာံ PDF တံ စၟဳတ်ဒၟံၚ် လ္တူဂၠံၚ်ဇၞော်ဗျဳထံၚ်သုဂှ် ရပ်ဂွံလဝ် မၞိဟ်မဆက်စပ်ကဵု ကံၚ်ဇြဳပၞာန် (၄) တၠတုဲ ကေတ်လဝ်ဒုဟ် ရေၚ်တၠုၚ်မာန်လဝ်ရောၚ်ဂှ်လေဝ် ဂကောံကောပ်ကာဲဒေသပၞာန်သၠုၚ်ကျာ၊ ဂကောံဒပ်ပြုပြေၚ်ပၞာန်ဗွဲတၟေၚ် S.O.F တံ လလောၚ်ပ္တိတ်လဝ်ပရိုၚ်ဂှ် စၟဳစတ်ဂွံဆဵုကေတ်ရ။

ဂကောံဒပ် S.O.F ၊ ဂကောံကောပ်ကာဲဒေသပၞာန်သၠုၚ်ကျာတံ လလောၚ်ပ္တိတ်လဝ်ပရိုၚ်ဂှ်

https://shorturl.at/itv13

ဌာန်ပရိုၚ် KIC လလောၚ်ပ္တိတ်လဝ်ပရိုၚ်ဂှ်

https://shorturl.at/vGMV1

ဌာန်ပရိုၚ် Than Lwin Time ထ္မံက်ထ္ၜးလဝ်ဂှ်

https://shorturl.at/bEFJ6

ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ပဳဒဳအာဖ်ပကီုပရာပ်တံ ဗက်ဒၟံၚ်လှုဲ  ကုရဲကွဳစက်အာတရဴတံ လ္တူဂၠံၚ်ထဝါဲ−ရေဝ်−မတ်မလီု” သာ်ဝွံ မတြးဒၟံၚ်ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)