ဟိုတ်နူပေါဲဗတိုက်က္တဵုဒှ်ဒၟံၚ် ပ္ဍဲတွဵုရးကကယာ(ရေၚ်ဍာဲ)တုဲ ညးဍုၚ်ကွာန်ပါဲပၞာန်တအ် နူကဵုပယျဵုဒၞက်မွဲကဆံၚ် ဂြိပ်တိတ် လုပ်ဗ္ဒဗ္ဒာဲဒၟံၚ် လ္ပာ်ကၟိန်ဍုၚ်သေံ စဵုကဵု ၅၀၀၀ တၠပြၚ် နွံကၠုၚ်ရ။ ပ္ဍဲပေါဲဗတိုက်ဂှ် ဒပ်ကံၚ်ဇြဳပၞာန် ကလိလောန်ဒၟံၚ် ပရေၚ်ဂြာတ်ထောံဖျေံဗုမ် ပ္ဍဲဗဒိုပ်ပါဲပၞာန်ရ။ ဟိုတ်ဂှ်ရ စပ်ကဵုအကာဲအရာပေါဲဗတိုက်ၜါလ္ပာ် ပြဟ်ဟ်ဏံကီု၊ အခက်ခုဲညးပါဲဘဲပၞာန်တအ် ဒးဆေၚ်ဒၟံၚ်မုက်ကီုတအ်ဂှ် ဆက်စၠောံသၟာန်လဝ်ကဵု ညးအုပ်ကာ ဗော် KNPP ဥူအောၚ်သာန်မျေအ်ရ။
၁။ ကၠာအိုတ်ဏံ အကာဲအရာပေါဲဗတိုက် ပ္ဍဲတွဵုရးကရေၚ်ဍာဲကဵု ပယျဵုသေံဂှ် လဴထ္ၜးကဵုညိ။
ပိုဲဂှ် ပေါဲဗတိုက်ဒှ်ဒၟံၚ် အရိုဟ်တ္ၚဲရ။ ပ္ဍဲသတ္တာဟတုဲကၠုၚ်ဏံဂှ်တှ်ေ ပေါဲဗတိုက်သီဗဒိုပ် နွံရ။ အာဂြာတ်ထောံဖျေံလဝ်ဗုမ် ပ္ဍဲညးပါဲပၞာန် ဇူဒီုဒၟံၚ် ပ္ဍဲပယျဵုမွဲဗ္တံရ။ ပ္ဍဲအခိၚ်သ္ဂာဗ္တံကဵု အခိၚ်ဗလာၚ်ဂယးလၟုဟ်ဏံ ဗတိုက်လဝ်ၜါဒၞာဲ ပိဒၞာဲနွံရ။ လၟုဟ်ဂှ်တှ်ေ ဖျေံလဝ်ဗဒိုပ်ယာယဳတုဲ ရီုဗၚ်ကဵုဒၟံၚ် နွံရ။
၂။ အကာဲအရာညးပါဲဘဲပၞာန် ဒးဂြိပ်ဒဴဒၟံၚ်ဂှ် ဗီုလဵုနွံရော။
ဂြိပ်ကၠုၚ်ညးသ္ကအ်ဂှ်ရတှ်ေ နွံဒၟံၚ်ပၟိက်ကဵု ဗဒိုပ်ပါဲပၞာန်၊ ပရေၚ်စသုၚ်မံၚ်စံၚ်ရ။ သ္ပတံနူကဵု သွက်ဂွံကလေၚ်မံၚ်စံၚ်ဂှ် ဒးကလေၚ်သိုၚ်ခၞံလဝ်ရ။ ပရေၚ်စသုၚ် နာနာသာ်ရ။ ဒှ်ဒၟံၚ် ညံၚ်ဒးကလေၚ်ဒက်ပ္တန် ဘဝတၟိရ။ အရာဏံလေဝ် ပိုဲဂှ် ဗီုပြၚ်ဍာ်ဇမၠိၚ် ဟွံသေၚ်ပုဟ်။ သေံ ဖျေံလဝ်ပဝ်လဇြဳဂှ်ရ သွက်ဗဒိုပ် သၟာဒဒိုက်ပါဲဒဴပၞာန်တၟိဂှ် ဒၟာနူဟၟဲ ပ္ဍဲပဝ်လဇြဳဍေံတအ်ဂှ်ရ ဗီုပြၚ်ဒုၚ်ဒၟံၚ်တဲလၟုဟ်ဏံ ဟိုတ်နူအန္တရာယ်လမျီုနွံဒၟံၚ်တုဲ ဒှ်ဒၟံၚ်ဗီုပြၚ် ဒးဒုၚ်လဝ်တဲရ။ ဆ္ဂး ယဝ်ရအကာဲအရာက္လေၚ်ညိၚ်ဝတ်တိုန်ကၠုၚ်ညိညတှ်ေ ဒှ်ဒၟံၚ်ဗီုပြၚ် ကဒးကလေၚ်စဴရ။
၃။ ပ္ဍဲပေါဲဗတိုက် လ္ပာ်မေဝ်သေအ် ညးဒေသကၟာတ်ဂွံလဝ် နွံဒၟံၚ်ဏီ ဂွံမိၚ်လဝ်ရ။ ညံၚ်ညးတအ်ဂွံတိတ်ကၠုၚ်ဂွံ မုဆက်ကၠောန်ရေၚ်တၠုၚ်ဒၟံၚ် နွံရော။
အရာဏံဂှ်တှ်ေ နဲညးတအ်ကဵုညးတအ်ရ။ ရေၚ်တၠုၚ်ဂစာန်ဒၟံၚ်ညိညဂှ် နွံရ။ သၟာဒဒိုက်တအ်ဏံ ဟွံဂၠိုၚ်ကွေံကွေံပုဟ်။ ကၟာတ်ဂွံအာဂှ် ၜိုတ်ဒၞာဲဒှ်လဝ်ဂှ် ဓဝ်ရ။ ပ္ဍဲတေံဂှ် နွံဒၟံၚ် ပ္ဍဲတိဍာ်ထိၚ်ဒဝ်တုဲတုဲဒၟံၚ်ရ။
၄။ အခိၚ်လၟုဟ်ဏံ ညးဍုၚ်ကွာန်ပါဲဘဲပၞာန်တအ် ဒးဆေၚ်ဒၟံၚ်မုက်ကဵု အခက်ခုဲ ဗီုပြၚ်လဵုနွံရော။
အဓိကဂှ် ကံၚ်ဇြဳပၞာန် လၟုဟ်တှ်ေပေါဲဗတိုက်ဟွံဒှ်မွဲသာ် ဗတိုက်ဒၟံၚ်ဗဒိုပ်ပါဲပၞာန်ရ။ ဣဏံဂှ် ကလိလောန်ဒၟံၚ် ဒုဟ်ဒဏ်ရာဇဝတ်ပၞာန် သက်က်ရ။ ကလိလောန်ဒၟံၚ်ဒုဟ်ရာဇဝတ်ပၞာန် လောန်ၜက်ဒၟံၚ်လ္တူကောန်ဂကူမၞိဟ်ရ။ ညးတအ်ဂှ် ဒှ်ကောန်အရာပ်ရ။ ပ္ဍဲဒၞာဲဗက်ဗတိုက်ဒၟံၚ်ဂှ်လေဝ် သ္ကုတ်လကြဴဏံ ဒၞာဲဗဒမ်ဂဥုဲတအ်၊ ဘာတအ်၊ ကောန်ၚာ်သၟတ်တအ် မၞိဟ်အာယုက်ဇၞော်တအ်နွံဒၟံၚ်ဂှ်ရ အရာဏံဂှ် သောၚ်ကၠးဒၟံၚ်ရ။ ပေါဲဗတိုက်လေဝ် ဒၞာဲဒးဒှ်ဟွံသေၚ်ပုဟ်။ တၚ်နွံပၟိက် သွက်ညးတအ်အဓိကဂှ်တှ်ေ ပရေၚ်ဂီုကၠီုရ။ ပါဲပၞာန်လေဝ် မွဲဒၞာဲဓဝ် ဟွံဂွံပုဟ်။ မုဒှ်ရောတှ်ေ ကံၚ်ဇြဳပၞာန်ဂှ် ညးပါဲဘဲပၞာန် ပ္ဍဲဍုၚ်လေဝ် ဂြာတ်ထောံဖျေံဒၟံၚ်ဗုမ် အရိုဟ်တ္ၚဲရ။ ပန်ထောံဖျေံလွဟ်ဇၞော်ကြာန်န် နွံဒၟံၚ်ဂှ်ရ ပိုဲတအ် အန္တရာယ်နွံဒၟံၚ်ရ။
မၞိဟ်နူကဵုဗဒိုပ်ပါဲပၞာန်ဂှ် ပရေၚ်ထတ်ယိုတ်ညးတအ်၊ ပရေၚ်မၞိဟ်၊ ဒးဗ္ဒဗ္ဒါဲဒၟံၚ် အရီုဗၚ်ထံက်ပၚ် နူကဵုလ္ပာ်မ္ၚးရ။ ပ္ဍဲဗဒိုပ်ပါဲပၞာန်တအ်ဂှ် မုလေဝ် ကၠောန်ကမၠောန်တဵုလွဳ ဟွံဂွံပုဟ်။ တုဲပၠန် ဆုဲပြံၚ်ဒၟံၚ်မွဲဒၞာဲတုဲ မွဲဒၞာဲဂှ်လေဝ် ပရေၚ်စသုၚ်မံၚ်စံၚ်ညးတအ်လေဝ် ပၟိက်ဇၞော်ဒၟံၚ်ရ။ တုဲပၠန် စပ်ကဵုကၟဳဗဒၚ်ရ။ ဗီုကဵုမၞိဟ်သာမည ကၟဳဗ္ဒၚ်ညးတအ်ဟၟဲဂှ်ရ ဒးဒှ်ဒၟံၚ်ယဲဇွဟ်ရာသဳ တုဲပၠန်ဟိုတ်နူဍာ်အှော်ဝါတ်ဂါတ်တုဲ ယဲကၠောံထၞာန်တအ် ယဲဘဲဗက်ကဵုရာသဳတအ် ပရေၚ်ထတ်ယိုတ်လေဝ် ဒှ်ဒၟံၚ်အဓိကကီုရ။ တအ်ဏံဂှ် ပ္ဍဲဗဒိုပ်ပါဲပၞာန်ဂှ် ဒှ်အရာ ဒးဆဵုဂဗဒၟံၚ်အဓိကရ။
၅။ အလန်လကြဴအိုတ်ဏံ ညးပါဲဘဲပၞာန်တအ်ဂှ် အလဵုအသဳသေံဒုၚ်လဝ်တဲရဂှ် ဂွံတီကေတ်ရ။ အကာဲအရာဗီုလဵု နွံဒၟံၚ်ရော။
ညးတအ်ဂှ်တှ်ေ လၟုဟ်ပြဟ်ဟ်ဏံ ကေတ်လဝ်တာလျိုၚ်ပရေၚ်စဳဇန်ဖန်ဖက် ညးပါဲဘဲပၞာန်ရ။ တုဲပၠန် ကိစ္စပရေၚ်ဂီုကၠီုညးတအ်ဂှ် ကၠောန်လဝ်ရ။ တုဲပၠန်ညးကၠုၚ်ကဵုရီုဗၚ် နူကဵုမ္ၚးတအ်ဂှ် ဒးအာသၟဝ်ပရေၚ်စဳဇန်ဖန်ဖက်ညးတအ်ရ။ ညးနွံပၟိက်သီုဖအိုတ်တအ်ဂှ် ဒှ်ဗီုပြၚ် ဒးတတ်ကၠောံအာ ပ္ဍဲညးတအ်ဟေၚ်ရ။ ကၠောန်လဝ်ဗီုပြၚ်ဏံရ။ ပြဟ်ဟ်ဏံတှ်ေ။ ပံၚ်တောဲကဵုပရေၚ်ထတ်ယိုတ်ကရေၚ်ဍာဲတုဲ ကၠောန်ဒၟံၚ် နွံရ။