ကံၚ်ဇြဳပၞာန်သီအဝဵုဂှ် နဒဒှ်စၟတ်သမ္တီ ကျာ်ပဋိမာရုပ် မာရဝိဇယအာစိုပ်ဒတုဲကဵု တ္ၚဲၜံၚ်သၠးစိၚ်ဗ္တာၚ် ရဋ္ဌနန္ဒက ပေၚ်မွဲသၞာံတုဲ သ္ပတံနူ ဂိတုဂျူလာၚ် စၟတ်တ္ၚဲ (၃၁)တုဲ စတက်တြးပ္တိတ် သြန်စက္ခူတၟိ ၂၀၀၀၀ ဒ္ကေဝ်ရ။ ဟိုတ်နူပရိုၚ်ကံၚ်ဇြဳပၞာန် တက်တြးပ္တိတ် သြန်စက္ခူ ၂၀၀၀၀ ဒ္ကေဝ်တုဲ ၚုဟ်ဗွဝ်ဖျာစသုၚ်သ္ဇိုၚ် ပါလုပ်သီုၚုဟ်ထဝ်၊ ဒဝ်ဠာတအ် သလာ်တိုန်တုဲ စဵုကဵုဗွဝ်ဖျာလီု ပရေၚ်ဟွံညိၚ်ဝတ် က္တဵုဒှ်လဝ်ရ။
ဟိုတ်ဂှ်ရ အလိုန်လပှ်တက်ပ္တိတ်သြန် ၂၀၀၀၀ ဒ္ကေဝ်၊ ပရေၚ်ဇီုကပိုက်ဒး လ္တူပရေၚ်ပိုန်ဒြပ် ကေုာံလ္တူတိုက်သြန်တအ်၊ အကာဲအရာကမၠောန်တိုက်သြန် လက်ထက်ကံၚ်ဇြဳပၞာန်၊ စပ်ကဵုတၠုၚ်လအာ တိုက်သြန်က္ညၚ် NUG တုဲ ဆက်စၠောံသၟာန်လဝ်ကဵု ဥူတေန်လွေန် မဒှ်ညးဆိုက်ဗ္ဒက်ကမၠောန်တိုက်သြန်ကီု သီုဒှ်ဥက္ကဋ္ဌကဝ်မတဳစရၚ်သြန်ညးဍုၚ်ကွာန် ကၠတ်ထဝ် ရးလဂုၚ် အလဵုအသဳ NLD ရ။
၁။ ကၠာအိုတ်ဏံ လ္တူကံၚ်ဇြဳပၞာန် တက်တြးပ္တိတ်သြန်စက္ခူတၟိ ၂၀၀၀၀ ဒ္ကေဝ် ဗီုလဵုညာတ်ကေတ်ရော။ ပရေၚ်ဇီုကပိုက်ဒး လ္တူတိုက်သြန်တအ် ဗီုလဵုနွံမာန်ရော။
ဟွံဆက်စပ်ကဵု တိုက်သြန်တအ် တိုက်ရိုက်ပုဟ်ထေၚ်။ ဆေၚ်စပ်ကဵုပရေၚ်သုၚ်စောဲသြန်။ ဍေံဂှ် ဟွံပတှ်ေ တိုက်သြန်ပုဟ်လေဝ် ဟွံသေၚ်ပုဟ်။ တိုက်သြန်ဂှ် နူတမ်တေံ နူကဵုဒှ်ပရေၚ်ကၟာတ်လဒဵုတေံ ဓဝ်ပတှ်ေ လ္တူတိုက်သြန်တအ် ဟၟဲရ။ သြန်ပ္အပ်လဝ် ပ္ဍဲတိုက်သြန် အောန်ယအ်စှ်ေရ။ သုၚ်စောဲဒၟံၚ်ဂှ် ၜိုတ်သၟဟ်အစောံ အောန်ယအ်စှ်ေရ။ ဟွံအပ်သြန် ပ္ဍဲတိုက်သြန်ညးသ္ကအ်။ ညးသြန်ဟၟဲတအ်လေဝ် မွဲလ္ပာ်ပၠန်ဂှ် ရာန်ကေတ်လဝ်ကပေါတ်တအ် နွံရ။ လၟုဟ်ဂှ် လ္တူစွံလဝ်သြန် ကောံကောံကလောံကလောံဂှ် ဓဝ်ပတှ်ေ အောန်ယအ်စှ်ေကၠုၚ်။ ဇြဟတ်ဍိုန်စှ်ေကၠုၚ်ဂှ်ရ သြန်ဂှ် ယဝ်ရစွံလဝ်မသြန်တှ်ေ ဟွံဂွံဖျေံစိုတ်ပုဟ်တှ်ေ လညာတ်ဏံ ပ္တိတ်နၚ်သြန် နူပ္တိတ်နၚ်သြန် နူတိုက်သြန်တုဲ ရာန်ကေတ်လဝ် ကပေါတ် ဒှ်မာန်ရ။
လၟုဟ်ပြဟ်ဟ်ဏံ ဗွဝ်ဖျာသှ်ေဒၟံၚ် လီုလာ်ဒၟံၚ်ဂှ်ရ မၞိဟ်တအ် သွက်ဂွံရုဲစှ် ဟၟဲကွေံကွေံပုဟ်။ ပ္တိတ်နၚ်သြန်ပ္အပ်ပ္ဍဲတိုက်တိုက်သြန်တုဲ ရာန်လဝ်ထဝ်တအ် သ္ၚိကၠအ်တအ်၊ ကွဳစက်တအ် ဗွဝ်ဖျာလဵုလေဝ် ဟွံညိၚ်ဝတ်ပုဟ်။ ဗွဝ်ဖျာလဵုလေဝ် မုဖျာ ဒှ်မုရောဂှ် ဟီုဟွံမာန်ပုဟ်။ သီုဖအိုတ် ပရိုၚ်ပ္တိတ်သြန်နူတိုက်သြန်လေဝ် ဟွံမိၚ်ပုဟ်။ ဆ္ဂးဂှ် မၞိဟ်တအ်တှ်ေ ဓဝ်ပတှ်ေလ္တူသြန် အောန်စှ်ေကၠုၚ်ဒၟံၚ်ဂှ် ဍာံဍာံရ။ ဒှ်ဒၟံၚ်အကာဲအရာဏံ ထေၚ်ကေတ်ရ။
၂။ ဟိုတ်နူအလိုန်လပှ် သြန်စက္ခူ ၂၀၀၀၀ ဒ္ကေဝ်တုဲ ပရေၚ်ဇီုကပိုက် လ္တူပရေၚ်ပိုန်ဒြပ်ဗၟာ မုနွံကၠုၚ်မာန်ရော။
ပ္တိတ်သြန် ၜါဠက်ဂှ် ရေၚ်တၠုၚ်လဝ် သွက်အကြေပ်ဂြတ်ဘဏ္ဍာ အလဵုအသဳဍေံဏောၚ် ညာတ်ရ။ ကၠာကၠာတေံလေဝ် ကၠောန်ကၠုၚ်ဒၟံ ၚ်ဗီုဏံရ၊ ကလေၚ်ရံၚ်အာတှ်ေ သြန်စက္ခူဇၞော်ဇၞော်တအ်ရ။ တာန်မွဲလက်၊ တာန်မသုန်လ္ၚီ တအ်ဏံလေဝ် ကၠောန်ပ္တိတ်လဝ် လက်ထက်အလဵုအသဳညးဍုၚ်ကွာန် ဟွံသေၚ် ကၠောန်ပ္တိတ်လဝ် လက်ထက်အလဵုအသဳ တၠအဝဵုပၞာန်ရ။ တက်တြးပ္တိတ်ဟီုတှ်ေ ဍေံတအ် လၟုဟ်ဏံ ပ္တိတ်သြန်တာန်ၜါလက်လေဝ် လ္တူဏံမၞိဟ်တအ်ဂေတ်ဒၟံၚ်ဂှ် တာန်မွဲလက်ရ။
ယဝ်ရသြန်တန်ၜါလက်တိတ်တှ်ေ သြန်ဂေတ်ဒၟံၚ်လၟုဟ်ဏံ နွံဒၟံၚ်ၜိုတ်ဏံဂှ်ရ ပရေၚ်သြန်ဖောဝ်ဂှ် တိုန်အာၜါချဏောၚ်။ ဗွဲမဂၠိုၚ် တၟော်လဝ် ဗီုဏံရ။ သြန်ပ္ဍဲတဲဇကု ယအ်စှ်ေအာ ကဝက်ဏောၚ် ချပ်ဒၟံၚ်ဗီုဏံ။ ဓဝ်ပတှ်ေ လ္တူဂှ် အောန်ယအ်စှ်ေရ။ တၚ်ဍိုန်လျဂှ် ကမၠောန်အဇာဇၞော်ဟာ၊ ဒၞာဲသွံရာန်ဇၞော်ဇၞော်၊ ဗၞိက်ပလံၚ်ဗၞိက်ပၠုပ်ဟာ နွံဒၟံၚ်ဗီုဏံဂှ်ရ ဗၞိက်ပလံၚ်ဟီုဂှ်လေဝ် ၚုဟ်ဍေံကလိုက်ကၟဵုတိုန်တုဲ ဗီုတၟော်လဝ်ကၠာတေံဂှ်ဟွံကတ်ကၠုၚ်ရ။ နူတံတေံဂှ် ဗၞိက်ပလံၚ်ဂှ် ဟွံပြေပြံၚ်ဒၟံၚ်ရလေဝ်။ လ္တူဒဝ်ဠာအောန်ဒၟံၚ်ဂှ် တၚ်အပိုၚ်အခြာဂၠိုၚ်ဒၟံၚ်ရ။ အခိၚ်ကၠောန်ဟွံဂွံ ဗီုဍေံတအ်ဟီုဂှ် ကမၠောန်ဗၞိက်ပလံၚ် ဒးဒေါံဇူလဝ်ရလေဝ်။
ပ္ဍဲပရေၚ်ရာန်ကေတ်ကပေါတ်ဗၞိက်ပလံၚ် ၚုဟ်မးဗွဝ်ဖျာကလိုက်ကၟဵုဒှ်လဝ်ရ။ အပိုၚ်ခြာၚုဟ်မးဖျာဂှ် ကဵုၚုဟ်မးမူလတေံဂှ် သွံထောံကဵုၚုဟ်ပြံၚ်သၠာဲဒၟံၚ်လၟုဟ် ဂွံဟာဂှ် ဒှ်ဒၟံၚ်ပြဒ္ဒညာရ။ ဗီုဏံကိတ်ညဳဟာ၊ ၚုဟ်ဒဝ်ဠာ တိုန်ဒၟံၚ်ဂှ်ရ ဆက်တိုန်ဒၟံၚ်ဏီတှ်ေ ဟွံကိတ်ရပုဟ် မပ္တံဗီုဏံရ။ ဓဝ်ပတှ်ေလ္တူသြန် အောန်ယအ်စှ်ေတုဲ ကမၠောန်အဇာဇၞော်ကီု အဇာဍောတ်ကီု ပရေၚ်ဇီုကပိုက်ဒး စနူကဵုသၟာယဵုသွံဖျာ ဒဵုကဵုဒၞာဲသွံရာန်ဇၞော်ဇၞော် ဒးအာသီုခရိုဝ်နဳတအ်ရ။
၃။ ကမၠောန်တိုက်သြန် လက်ထက်ကံၚ်ဇြဳပၞာန် ဒးဆေၚ်ဒၟံၚ်မုက်ကဵု အကာဲအရာဗီုလဵုရော။ မွဲလ္ပာ်ပၠန်လေဝ် ဓဝ်ပတှ်ေညးဍုၚ်ကွာန်တအ် အောန်ယအ်စှ်ေကၠုၚ်ဒၟံၚ်တုဲ လအာဍာ်ဇမၠိၚ် တိုက်သြန်တအ်ဂှ် သ္ၚဳဂၠိပ်ထ္ၜးကဵုညိ။
နူအလဵုအသဳဏံတိုန်ကၠုၚ် ကမၠောန်တိုက်သြန် ပ္ဍဲကၟိန်ဍုၚ်ဗၟာ တၚ်တၟေၚ်တၟဟ် ဒှ်ကၠုၚ် ဗွဲမဂၠိုၚ်ရ။ တၠပညာတ်ပရေၚ်ပိုန်ဒြပ် ဗွိုၚ်မ္ၚးတအ် သ္ၚဳဂၠိပ်လဝ်ဂှ်တှ်ေ ဂွံကၠိုဟ်ကေတ် ကမၠောန်တိုက်သြန်ကၟိန်ဍုၚ်ဗၟာ ဝါတ်ဂါတ်ဒၟံၚ်ရ။ ပ္ဍဲကၟိန်ဍုၚ်ဗၟာ ကမၠောန်တိုက်သြန် ဒှ်တိုန်ကၠုၚ် ကမၠောန်တိုက်သြန်ပုဂ္ဂလိကတအ်လေဝ် ဟွံလအ်ဏီပုဟ်။ ပြဟ်ဟ်တေံ ခေတ်ဖဆပလဂှ် သီကေတ်နဒဒှ်ပရေၚ်ပိုၚ်ပြဳညးဍုၚ်ကွာန်ရ။ လကြဴဏံ ပ္ဍဲလ္ပာ် ၈၈ ၜိုတ် ၉၁ ဂှ် ဒၟာနူကဵုအခေါၚ်တုဲ တိုက်သြန်ပုဂ္ဂလိက က္လေၚ်မံက်တိတ်ကၠုၚ်ပၠန်ရ။ ၜိုန်ရက္လေၚ်မံက်တိုန်လေဝ် နကဵုကၟိန်ဍုၚ်ဂှ် အောန်ဒၟံၚ်ဏီရ။ ပ္ဍဲသ္ကုတ် ၈၈ လ္ပာ်ဏံဂှ် ဖောအ်ဗြေဝ်တိုန်ကၠုၚ်ဂှ်တှ်ေ နွံကၠုၚ်ပၟိက် ပရေၚ်ထံက်ပၚ်တိုက်သြန် ပုဂ္ဂလိကရ။
တိုက်သြန်အလဵုအသဳလေဝ် ဂၠေံသြန်။ ကမၠောန်တိုက်သြန် ဖောအ်ဗြေဝ်တဴတက်တိုန်ရ။ ဆ္ဂး ယဝ်ရဒးဟီုဍာံဍာံတှ်ေ တော်ကဵုတၚ်နွံပၟိက် ပရေၚ်ဘဏ္ဍာတိုက်သြန်ဏောၚ်တှ်ေ ပရေၚ်ဖ္ဍိုက်ဗပေၚ်ကဵုဂှ် အောန်ဒၟံၚ်။ ပ္တိတ်ကေတ်ဒၟံၚ်သြန် ဂၠိုၚ်လောန်ဂှ်ရ ဒှ်ကာလတိုက်သြန် ဂွံက္လေၚ်ကဵုသြန် ဇြဟတ်ဍိုန်ဒၟံၚ်ရ။ ပြဒ္ဒညာတၟေၚ်တၟဟ် နူညးတၞဟ်ဂှ်တှ်ေ တိုက်သြန်ဂှ် ခရိုဟ်လီုအာ ပေၚ်ၚ်ဟွံသေၚ် သြန်တိုက်သြန်တအ် ဂၠေံကေတ်လဝ်ဂှ် ဒၟာနူဒှ်သြန်ဂလေံပလးဟွံသေၚ် ဂၠေံကေတ်လဝ် နကဵုသ္ၚိကၠအ်တုဲ တိုက်သြန်တအ်ဂှ် ခိုၚ်ကၠိုက်ဒၟံၚ်ရ။ မၞိဟ်တအ်ဂှ် တိုက်သြန် လီုမာန်ဒၟံၚ်ဏောၚ်။ ပ္တိတ်ကေတ်ဒၟံၚ်သြန်ရ။ အရာဏံ ဒှ်ဒၟံၚ်ပ္ဍဲဍုၚ်ဗၟာ ခြာဟွံလအ်ဟွံလအ်ရ။
မုဒှ်ရောတှ်ေ ပ္ဍဲကၟိန်ဍုၚ်ဗၟာဂှ် ကမၠောန်ရေၚ်တၠုၚ်ဖိုလ်တိုက်သြန်ဟွံသေၚ်တအ် ဇက်လဝ်သြန် နယၟုတိုက်သြန် နွံဒၟံၚ်။ ကမၠောန်တအ်ဏံ လီုအာဂှ် ဒးဆောံလေၚ်အာဗွဲမဂၠိုၚ်ရ။ ဓဝ်ပတှ်ေ မၞိဟ်တအ် လ္တူတိုက်သြန် ဟၟဲရပုဟ်။ ဇေတ်တ်တေံ တိုက်သြန်ကၟိန်ဍုၚ်ဗၟာဂှ် ဟိုတ်နူဟိုတ်နာနာသာ်တုဲ တိုက်သြန် ဒးလီုလာ်လဝ် နွံဒၟံၚ်၊ ဗီုကဵုအာယှဓန၊ မေဖလာဝါတအ် တိုက်သြန် ဒးခရိုဟ်လီုလဝ်လေဝ် နွံရ။
ဗွဲသာမညတှ်ေ သွက်ဂွံက္လေၚ်အာတ်သြန်ဂလေံ လောဲဒၟံၚ်ဂှ်ရ မၞိဟ်အပ်စွံလဝ်သြန်တအ် ဂွံကျဟောံဂှ် ဟၟဲပုဟ်။ ဗီုဏံ မၞိဟ်တအ် ဟွံတီကွေံကွေံပုဟ်။ ဒၟာနူစၟတ်လဝ် ကုမ္ပဏဳရေၚ်တၠုၚ်ဖိုလ်တအ် တိုက်သြန်တုဲ တိုက်သြန် လီုလေပ်မံၚ်၊ သြန်လေၚ်လေပ်မံၚ်ဟီုတုဲ ဓဝ်ပတှ်ေ လ္တူတိုက်သြန်တအ် ဇြဟတ်ဍိုန်ဒၟံၚ်ရ။ အလဵုအသဳဟွံသေၚ် တၠအဝဵုပၞာန်လေဝ်။ အခိၚ်ၝတအ်ဏံ တိုန်ကၠုၚ်ဂှ် ဟိုတ်နူကဵုဗကပ်ဗဗေၚ်ဏံလေဝ် ပါဒၟံၚ်ရ။ အခိၚ်သြန်ဗ္ဂေတ်ဇြဟတ်ဍိုန်စှ်ေဂှ် တိုက်သြန်တအ် ဒေါအ်ဒေၚ်အာရ။ အခိၚ်ဒေါံဒေၚ်အာဂှ်တှ်ေ သြန်နွံပၟိက်တအ် ပ္တိတ်ဟွံဂွံပုဟ်ဟီုတုဲ နူကဵုဒကဴဏံ ဓဝ်ပတှ်ေမၞိဟ် လ္တူတိုက်သြန်ဂှ် အောန်ယအ်စှ်ေအာရ။
သွက်တိုက်သြန်တအ်ဂှ်ဒှ်လက္ချဏ်ဟွံခိုဟ်ရ။ ပ္ဍဲလ္ပာ်ဏံဂှ် တိုက်သြန်ပုဂ္ဂလိကတအ်လေဝ် အောန်စှ်ေအာရ။ အောန်စှ်ေအာဂှ်ရ သြန်လုပ်တိုက်သြန်တအ်လေဝ် အောန်ယအ်စှ်ေအာရ။ လ္တူနူဗွဝ်ဖျာတၚ်နွံပၟိက်တိုက်သြန်တအ်ဂှ် ကမၠောန်တိုက်သြန်တအ်ပဵုသာန်ဒၟံၚ်ဗွဲမဂၠိုၚ်ဟွံသေၚ်ဂှ်ရ ဘာသာဍေံကဵုဍေံ ဒးဂေတ်ဒၟံၚ်ရ။ အခိၚ်လၟုဟ်ဏံတှ်ေ တိုက်သြန်ဗွဲမဂၠိုၚ်ဇီုကပိုက်ဒးတုဲ ဒးလီုအာဟာ။ ဒဵုဂလိုၚ်ဂှ် ဒှ်ဟွံမာန်ပုဟ်။ လုကဴဟွံပတှ်ေလ္တူတိုက်သြန်တအ်တှ်ေ ဒှ်ဟွံမာန်ပုဟ်။
၄။ ကံၚ်ဇြဳပၞာန်ဂှ် သ္ကုတ်လကြဴဏံ ပ္တိတ်သွံပ္တိတ်ကဵုတိုက်သြန်တအ် လိက်ကသုက်တိုက်သြန် ကၠောန်ကၠုၚ်သိၚ်ၚ်ကြဳကြဳဂှ် ဂွံညာတ်ကေတ်။ အကာဲအရာဏံ ဖိုလ်အဆက်ဍေံဗီုလဵုဒှ်အာမာန်ရော။
ဍာံဍာံတေံဂှ် လိက်ကသုက်တိုက်သြန်ဂှ် လက်ထက်အလဵုအသဳဏံမှ ကၠောန်သ္ပကေတ်တ်ဟွံသေၚ်ပုဟ်။ နူလက်ထက်အလဵုအသဳကၠာကၠာတေံရ နွံဒၟံၚ်။ ပ္ဍဲလက်ထက်အလဵုအသဳဒဳမဝ်ကရေဇြဳကောန်ဂကူဂှ် ဒှ်အလေံတိုက်သြန်ဗဟဵု ဖ္ဍိုက်ဗပေၚ်ကဵုဒၟံၚ်တၚ်နွံပၟိက်အလဵုအသဳရ။ အလဵုအသဳနွံပၟိက်ကၠုၚ်သြန်၊ နူတိုက်သြန်ဗဟဵုဂလေံကဵုဟီုတှ်ေ ပရေၚ်သြန်ဖောတ် သာတုဲဂၠိုၚ်တိုန်ကၠုၚ်ဂှ်ရ စၞးဏံဂှ် လိက်ကသုက်တိုက်သြန်ဂှ် သွံတြးကဵုညးဍုၚ်ကွာန်တအ်အတိုၚ်ၚုဟ်မးလၟုဟ်ပ္ဍဲဗွဝ်ဖျာနကဵုဗ္ၜတ်အိက်သြန်ထေက်ရဂှ် ကၠတ်ထဝ်ကဵုလဝ်ကသပ်နွံရ။ တၚ်ရန်တၟံကၠောန်လဝ် ပ္ဍဲလက်ထက်အလဵုအသဳညးဍုၚ်ကွာန်ဂှ် ပ္ဍဲကဵုတိုက်သြန်တအ်ဂှ် ဗ္ၜတ်ဗပေၚ်သြန်ပ္ဍဲကဵုတိုက်သြန်ရ။ ပ္ဍဲကဵုတိုက်သြန်ဂှ် ကလေၚ်ဂၠေံကေတ်သြန်ညးဂမၠိုၚ်ဂှ်ရ ကလေၚ်ဒှ်မသြန်လောဲဒၟံၚ်။ ဇေတ်တ်တေံဂှ် ဍေံဂှ်ပြံၚ်လောဲပလေဝ်လောဲဒၟံၚ် ကပေါတ်နွံဒၟံၚ်ဏောၚ်တှ်ေ ခိုဟ်ဒၟံၚ်ရ။
စၟတ်တဲတိုက်သြန်ဟီုဂှ် ပ္ဍဲပွိုၚ်မွဲသၞာံယဝ်ရ အလဵုအသဳရာန်ကေတ်လဝ်ဏောၚ်တှ်ေ ပ္ဍဲပွိုၚ်မွဲသၞာံ ဒးကလေၚ်ဂွံသြန်ပၠန်ဏောၚ်။ ဣဏံဂှ် ဒှ်မသြန်လောဲဒၟံၚ်ရ။ သွက်တိုက်သြန်တအ်ဂှ် ညံၚ်ဂွံသုၚ်စောဲနဒဒှ်ဂၠံၚ်တရဴနဲကဲ သွက်ဂွံပ္ညဳပရေၚ်ဘဏ္ဍာ အလဵုအသဳ စကာကဵုတိုက်သြန်တအ် သွံရ။ တိုက်သြန်တအ်ဂှ် ဟွံကဵုရာန်ဗွဲအဓမ္မပုဟ်။ ဒးရာန်ကေတ်အတိုၚ်သ္ဂုတ်သွာတ်တိုက်သြန်တအ်ရ၊ လၟုဟ်ဏံ ဗီုဂှ်ဟွံသေၚ်ပုဟ်။ အလဵုအသဳဂှ် သွက်ဂွံသုၚ်စောဲအရၚ်အခက်ခုဲပရေၚ်ဘဏ္ဍာတုဲသွံလဝ်ဂှ်ရ ဂၠိုၚ်နူအခိၚ်ကၠာတေံ ၜါချ၊ ပိချရ။ ယဝ်ရတၟော်ရံၚ်ကဵုအခိၚ်ကၠာတေံတှ်ေ ၁၀ ဗဳလျာၚ်ပြၚ်ပြၚ်ဂှ် ဒှ်ဒၟံၚ် ၂၀ ဗဳလျာၚ်ပြၚ်ၚ်ရ။ လ္တူဏံ တၚ်ရန်တၟံလေဝ် ဟွံတုပ်ပုဟ်။ ဗီုပြၚ်ကၠောန်လေဝ် ဟွံတုပ်ပုဟ်။ သြန်ညးဍုၚ်ကွာန်ပ္အပ်စွံလဝ်ဂှ် ဒှ်ဗီုပြၚ်အလဵုအသဳဗ္ဂေတ်သုၚ်စောဲဒၟံၚ်မွဲနဲမွဲဗီုရ။ အခိၚ်သွံဂှ် ဂၠိုၚ်လောန်ဒၟံၚ်တုဲ တိုက်သြန်တအ် တၠကမၠောန်တအ်ဒေါံဟွံဂွံ ညံၚ်ဂွံဒးရာန်ဂှ် ဒှ်ဒၟံၚ်ဗီုပြၚ်ကဵုဒၟံၚ်ဇြဟတ်ဒရိုဟ်ရ။ ဣဏံဂှ် ဒှ်ပြဒ္ဒညာရ။
ဍာံဍာံတေံတှ်ေ လိက်ကသုက်တိုက်သြန်၊ စၟတ်တဲတိုက်သြန်တအ်ဂှ် ဆောံလေၚ်အာ ပေၚ်ၚ်ဟွံသေၚ်ပုဟ်။ ဟိုတ်နူဒှ်သြန် ဂလေံသုၚ်စောဲဂှ်ရ အရာနူတိုက်သြန် အလဵုအသဳ သွံကဵုလဝ်ဂှ် ကေတ်လဝ်တှ်ေ စိုပ်အခိၚ်ဍေံ အာယုက်ဍေံစိုပ်တှ်ေ ကလေၚ်ဂွံ သြန်ဂှ်ရ။ ကလေၚ်ဂွံ သီုတံ သီုပရဲဏောၚ်။ ဆ္ဂးဗ္ၜတ်ဍေံသွံဂှ် ဂၠိုၚ်လောန်အာဂှ်ရတှ်ေ အလဵုအသဳ ဂၠေံသုၚ်စောဲသြန် နူကဵုညးဍုၚ်ကွာန်၊ နူကဵုတိုက်သြန်တအ် ဂၠိုၚ်လောန်ဒၟံၚ်ဟီုတုဲ ယဝ်ရရံၚ်ကဵုဒကဴဏံတှ်ေ ဍာံဒၟံၚ်ရ။ ဆ္ဂး သြန်ဏံ ဆောံလေၚ်အာပေၚ်ၚ်ဟွံသေၚ်ပုဟ်။ အခိၚ်အလဵုအသဳ ဒှ်ဒၟံၚ်အကြေပ်ဂြတ်သြန် ပၞော်ဂွံၜိုတ်နွံမာန်ဂှ် ဗက်ဂၠာဲကၠောန်ဒၟံၚ်သီုဖအိုတ်ရ။
အဲဂှ်မိက်ဂွံကဵုညးဍုၚ်ကွာန်တအ်တီဒဒှ်ဍာံရ။ သြန်တအ်ဏံဂှ် သြန်ဇကုပါဒၟံၚ်ဏောၚ်။ သြန်ပ္အပ်ဂှ် သြန်ဇကုပါဒၟံၚ်ဂှ်ရ လ္တူဏံ ဒှ်ဓဝိၚ်တုဲ ဂွိၚ်ဖေက်ဓဝ်ပတှ်ေလ္တူတိုက်သြန် ဟၟဲရ။ ဖိုလ်အဆက်ဒှ်ကၠုၚ်ဏံဂှ် သွက်ကၟိန်ဍုၚ် ဟွံခိုဟ်ပုဟ်။ မွဲလ္ပာ်ပၠန်ဂှ် အရာဏံ ၜိုတ်ဗ္ၜတ်မွဲမွဲ စၟတ်တဲတိုက်သြန်ညးဂှ် ပွိုၚ်မွဲသၞာံ ပ္ဍဲပွိုၚ် ၃၊ ၄ သၞာံရ။ အခိၚ်အပိုၚ်ခြာဍေံပိုၚ်ခြာလဝ်ဂှ် ကလေၚ်ဂွံသြန်ဏောၚ်။ ဆ္ဂး ပ္ဍဲကာလဏံဂှ် သုၚ်စောဲဗ္ဂေတ်သြန် ကဵုတြေံကေတ်တၟိဏောၚ်ဂှ် ချိုတ်ပၠိုတ်ရ။
၅။ အလန်လကြဴဏံ လ္တူတိုက်သြန်က္ညၚ် အလဵုအသဳပရေၚ်ညဳသၟဟ်ကောန်ဂကူ NUG ပံက်လဝ်ဂှ် ဗီုလဵုညာတ်ကေတ်ရော။ လ္တူဏံ သ္ၚဳဂၠိပ်ထ္ၜးကဵုညိ။
အရာဏံဂှ် ဒှ်ဗီုပြၚ်ဖ္ဍိုက်ဗပေၚ်ကဵု တၚ်ဍိုန်လျ ပရေၚ်ဘဏ္ဍာကဵု ရေၚ်တၠုၚ်လဝ်အခိၚ်ဍာံဂှ် ဍာံဒၟံၚ်ရ။ ဆ္ဂးဂှ်လေဝ် လ္ပာ်ပိုဲ အခက်ခုဲ နွံဗွဲမဂၠိုၚ်ရ။ ဂွံခၞံပ္တိုန်တိုက်သြန်မွဲဟီုဂှ် ဟွံလောဲပုဟ်။ ပိုဲစဒက်ပ္တန်လဝ် တိုက်သြန်ဗဟဵုဂှ် ဟွံလအ်ဏီ။ ဟွံလအ်ဏီမွဲသာ်ဏီဂှ် သၟဝ်ဏံ အရာဏံ တိုက်သြန်အလဵုအသဳပိုၚ်ရဏောၚ်ဂှ် ပတှ်ေကေတ်လဝ်ရ။ လကြဴတှ်ေ ကာလပြံၚ်သၠာဲတိုက်သြန်ညးဂမၠိုၚ်ပိုၚ်လေဝ် ပြံၚ်သၠာဲဏောၚ်။ ပြဟ်ဟ်ဏံ ဒှ်တိုက်သြန်အလဵုအသဳထိၚ်ဒဝ်အုပ်ဓုပ်လဝ်ရ။ အခိၚ်လၟုဟ်ပြဟ်ဟ်ဏံတှ်ေ နဒဒှ်ပိုၚ်လအ်ပရောဂျေတ်ဂှ် ဒုၚ်တဲအကံက် ၜိုတ်လ္ၚီတုဲ စဏောၚ်လေဝ်။ လကြဴတှ်ေ ယဝ်ရအရာဏံပြေပြံၚ်တှ်ေ သၠဲပ္တိတ်ဒုၚ်အာတဲတုဲ ဒှ်သၞောတ်အောန်လာၚ်ရ။ သၞောတ်အောန်လာၚ်လေဝ် တၚ်ဂွံဇြဟတ် နွံဗွဲမဂၠိုၚ်ရ။
တိုက်သြန်သာမညဂှ် တၚ်ဂွံဇြဟတ်လေဝ် နွံရ။ ကဵုအလဵုအသဳလၟုဟ်ဏံ သာတုဲကိတ်ညဳရ။ ဆ္ဂးဒၟာနူဒှ် အရာဟွံကၠောန်မွဲလှ်ေဂှ်ရ ညံၚ်ဂွံဒှ်စမြိုၚ်ပရေၚ်ဘဏ္ဍာ အရာဂွံပတှ်ေစှ်ေစိုတ်မွဲ ဒးကၠောန်ဏောၚ်ဂှ်ရ ညံၚ်ဂွံဒှ်ယန္တရာဘဏ္ဍာ ချိုတ်တ်ပၠိုတ်တ်ဂှ် ဒးပလေဝ်ပလေတ်လဝ် ချိုတ်တ်ပၠိုတ်တ်ဏောၚ်။ တၠပညာကၟိန်ဍုၚ်နာနာတအ် အဲထေၚ်ကေတ်ရ။ အရာဏံဂှ် ရေၚ်တၠုၚ်အာ သၞောတ်စှ်ေစှ်ေဏောၚ် ပတှ်ေကေတ်လဝ်ရ။ အဲဂှ် စိုတ်လုပ်စတုဲ မၚ်ရံၚ်ကျောဝ်ဒၟံၚ်ရ။ ချိုတ်ပၠိုတ်မွဲဂှ်တှ်ေ အတိုၚ်ညးဍုၚ်ကွာန်တအ် စၟဳပတှ်ေလဝ် ကာလဒှ်ကၠုၚ်ပြဟ်ဟ်ပြေဟ်ဟ်လေဝ် ဒှ်မာန်ဏောၚ်။ အရာဏံ ဟိုတ်နူဒးပလေဝ်ပလေဝ် သၞောတ်စှ်ေစှ်ေ ချိုတ်တ်ပၠိုတ်တ်ဂှ်ရ လဂါံဇိုၚ်ဍာံ ဂါံအာတုဲ ဖ္ဍိုက်ဗပေၚ်ကဵု ဘဏ္ဍာဒၞာဲသၠး ညးဍုၚ်ကွာန်တအ် စၟဳပတှ်ေကေတ်လဝ်ဂှ်တုဲ ကဵုကံၚ်ဇြဳပၞာန်လေဝ် ဒှ်ကၠုၚ်မုက်ပၞာန်ပရေၚ်ဘဏ္ဍာထ္ပက်ကလိုဟ်ပရေၚ်ဘဏ္ဍာမာန်ဏောၚ် အဲပတှ်ေကေတ်လဝ်ရ။