ပ္ဍဲဂိတုဂျူလာၚ် ဒုတိယသတ္တာဟကဵု သ္ကုတ်လကြဴဏံအိုတ်ဏံ က္ဍိုပ်သ္ကိုပ်ပၞာန်သီအဝဵု ကဵုလဝ်အခေါၚ်ပူဂဵုလ္ၚဵု ဆဵုဂဗလဝ်ကဵု ဒဝ်အံၚ်သာန်သုကျဳ ညးကဵုက္သပ်ကၟိန်ဍုၚ် ဒးဒုၚ်ရပ်ဖျေံလဝ်ထံၚ်စာတ်တုဲ ပြံၚ်ပဆုဲကၠုၚ်ထံၚ်သ္ၚိဒၟံၚ်ရ။ သွက်ပြဒ္ဒညာပရေၚ်ဍုၚ်ကွာန် ကၟိန်ဍုၚ်ဗၟာ ညံၚ်သ္ဂောံက္လိဂွံအခေါၚ်ဆဵုဂဗကဵု ဒဝ်အံၚ်သာန်သုကျဳဂှ် အေန်ဒေါနဳယှာ၊ သေၚ်္ကာပေါဝ်၊ မလေဝ်ယှာ၊ ကေုာံ ဂျပါန်တအ် အာတ်မိက်လဝ်တုဲ တ္ၚဲတုဲကၠုၚ်တေံလေဝ် ညးစၞးတၟေၚ်ကြုက် ဆေၚ်စပ်ကဵုကေၚ်ကာအာယှ တုၚ်ယှဳကျွေန်ကဵု ဒဝ်အံၚ်သာန်သုကျဳတအ် ဂွံလဝ်အခေါၚ်ဆဵုဂဗရဂှ် ပရိုၚ်ပြးတိတ်ဒၟံၚ်ရ။
ဟိုတ်ဂှ်ရ အကာဲအရာလ္ပာ်ကံၚ်ဇြဳပၞာန် ပ္တိတ်သုၚ်စောဲကၠုၚ် ဒဝ်အံၚ်သာန်သုကျဳကီု၊ ပေါဲဆဵုဂဗသဳကၠဳ ဒှ်ကၠုၚ်မာန်ဟာ။ ဃောညးစၞးတၟေၚ်ကြုက် ဂွံဆဵုဂဗကဵု ဒဝ်အံၚ်သာန်သုကျဳဂှ် မုဟီုဂးလဝ် ဒှ်မာန်ရော။ စပ်ကဵုအကာဲအရာဂမၠိုၚ်ဏံတုဲ ဆက်စၠောံသၟာန်လဝ်ကဵု ညးဆိုက်ဗ္ဒက် ပရေၚ်ကြုက်-ဗၟာ ဒံက်တာလှကျဝ်ဇြဝ်ရ။
၁။ ကၠာအိုတ်ဏံ လ္တူကံၚ်ဇြဳပၞာန် ပြံၚ်ပဆုဲလဝ် ဒဝ်အံၚ်သာန်သုကျဳ ထံၚ်စာတ်သ္ၚိဒၟံၚ်တုဲ ဗီုလဵုညာတ်ကေတ်ရော။
ကံၚ်ဇြဳပၞာန် ပ္တိတ်သုၚ်စောဲကၠုၚ် ဒဝ်အံၚ်သာန်သုကျဳ ဗီုလၟုဟ်ဏံ နူခေတ် နဝတ၊ နအဖတေံ ပ္တိတ်သုၚ်စောဲကၠုၚ်ဒၟံၚ် ဗီုဏံရ။ ရန်တၟံဍေံတအ် တၚ်ရန်တၟံကံၚ်ဇြဳပၞာန် မွဲဒမြိပ်ဂှ် ညံၚ်ဂွံတံၚ်ဓဇက်လဝ် သၞောတ်တၠအဝဵုပၞာန်ဍေံတအ် ဂၠိၚ်ၚ်ကီု၊ ဒၟာနူဂှ်ရ ဒမၠုထောံမတ်ညးဍုၚ်ကွာန်၊ ညးဍုၚ်ကွာန်တအ်ဂှ် သဳကၠဳဒၟံၚ်ကဵု ဒဝ်အံၚ်သာန်သုကျဳယျဂးတုဲ ခိုဟ်ကၠုၚ်ရဟာ၊ ခိုဟ်တိုန်ယျဟာ ဗီုဏံ ဒှ်ကၠုၚ်ဒၟံၚ်ရ။ အရာဏံ မုဓမံက်ထ္ၜးဒၟံၚ် မုရောတှ်ေ မွဲတၚ်ဂှ် ပ္ဍဲဍေံတအ် ဂၠံၚ်ဂွံလီညးဍုၚ်ကွာန် ဟၟဲရပုဟ်။ ဗက်အာဒၟံၚ် အတိုၚ်ဂၠံၚ်တြေံဂှ်ရ။ တုဲပၠန် ပ္ဍဲဍေံတအ်ဂှ် ပရေၚ်ပိုန်ဒြပ်၊ ပရေၚ်ဍုၚ်ကွာန်၊ ပရေၚ်ကလုတ်တမာန်ဖအိုတ်ဂှ် ဇြဟတ်ဍိုန်စှ်ေကၠုၚ်ဒၟံၚ်ယျ။ ဓမံက်ထ္ၜးဒၟံၚ် အကာဲအရာၜါဂကူဏံရ။ ဍာံဍာံတေံ ဒဝ်အံၚ်သာန်သုကျဳဂှ် ကာလဗၠးမှ ဗၠးမာန်ဏောၚ်။ ပရိုၚ်ရ ညံၚ်ဂွံဒၟံၚ် ဗီုတေံ ညံၚ်ညံၚ် ဗီုဏံ ညံၚ်ညံၚ် ညံၚ်ဂွံဒှ်ဗီုဏံရ ဗက်သ္ပဒၟံၚ်။ အရာဏံဂှ် မွဲဒမြိပ်ရ။ သီအဝဵုတုဲ လအ်ဂွံ ၜိုတ်မွဲတ္ၚဲ ၜါတ္ၚဲ မၞိဟ်မွဲဂှ် ဒဝ်အံၚ်သာန်သုကျဳ ဗၠးတိတ်ကၠုၚ်ယျဂးတုဲ ဗက်ဂၠာဲက္ညာၚ်ဒၟံၚ်အကြာဍုၚ်လ္ဂုၚ် ကေၚ်ဒှ်လဝ်ဏီရ။
တအ်ဏံဂှ် ဒှ်ပရိယာဲသုၚ်စောဲဒၟံၚ်လၟိုန်ရ။ လ္ပာ်ပိုဲ မုတၚ်စၟဳ ဟၟဲပုဟ်။ ပိုဲသီုညးဖအိုတ် ဒးတီလဝ်ဂှ် ဒဒိုက်အလုံမွဲကၟိန်ဍုၚ်ဗၟာဏံ သီုဖအိုတ်ဂှ် ဒုၚ်သ္ဇိုၚ်ကဵု သၞောတ်တၠအဝဵုပၞာန်ဟေၚ်ရ။ ပ္တဝ်က္ဍိုပ်ကဵု ကိစ္စဏံတုဲ သွက်ဂွံဒးကၠောန်အာရနွံဏောၚ်။ ယဝ်ခါရ ဒဝ်အံၚ်သာန်သုကျဳ သဳကၠဳပ္ညဳပ္ညပ်ကဵု ဒပ်ပၞာန်အံၚ်ဇၞးဏောၚ်တှ်ေ ပၠန်ဂတးက္ညၚ်ဏံ ဂွံဒှ်ကၠုၚ် ဟၟဲပုဟ်။ ဟွံသေၚ်ပုဟ်ဟာ။ ကၠာအိုတ် သဳကၠဳလဝ်ဂှ် ဒဝ်အံၚ်သာန်သုကျဳရ။ ပ္ဍဲပေါဲသဳကၠဳဏံ ဒဝ်အံၚ်သာန်သုကျဳ ဒဒှ်ရချပ်သဳကၠဳကဵုဒပ်ပၞာန်ဏံ ဟွံဂွံရပုဟ်ဂှ် တီကေတ်တုဲ အရာဏံ ဟွံဒုၚ်တဲကဵု ပရေၚ်ဍေံတအ်ပ္ညဳပ္ညပ်တုဲ လုပ်အာထံၚ်ရ။
၂။ ကံၚ်ဇြဳပၞာန် ပ္တိတ်သုၚ်စောဲကၠုၚ် ဒဝ်အံၚ်သာန်သုကျဳတုဲ ဂါံကွာ်ကၠုၚ်ဂၠံၚ်တရဴဆဵုဂဗသဳကၠဳမာန်ဟာ။ လ္တူဏံ သ္ၚဳဂၠိပ်ကဵုမွဲဝါညိ။
လ္တူပရိုၚ်ဏံ နလညာတ်အဲ မိက်ဂွံဟီုဂှ်တှ်ေ ညးလဵုလေဝ် လ္ပဟိုတ်မာဲညိ။ ကံၚ်ဇြဳပၞာန်ဂှ် ယဝ်ရဒးဟီုကဵု အရေဝ်ခေတ်တှ်ေ စုတ်ဒၟံၚ်ဂျေန်ရ။ ဒှ်ပရိုၚ်စုတ်ဂျေန်ရ။ ညးဍုၚ်ကွာန်ပိုဲ သွက်ဂွံဆက်ကၠောန်အာ ကမၠောန်ဇကုဒးကၠောန်ဂှ်ဟေၚ်ရ။
၃။ အခိၚ်ကာလကာတၟေၚ်ကြပ်အိုတ်ဏံ မုဟိုတ်ကဵုအခေါၚ်ညးစၞးတၟေၚ်ကြုက်ကဵု ဒဝ်အံၚ်သာန်သုကျဳတအ် ဆဵုဂဗလဝ် ဗီုလဵုညာတ်ကေတ်ရော။
ဒဝ်အံၚ်သာန်သုကျဳဂှ် နူစဒှ်တေံရ ပ္တိုန်ထ္ၜးဒၟံၚ် ပရေၚ်ပ္ညဳပ္ညပ်သဳကၠဳ၊ ပရေၚ်ဟွံပ္ကီုပရာပ်၊ ပရေၚ်ၜိုဟ်လလံတအ်ဂှ်ရ ဆ္ဂး ညးသ္ပဟွံဂွံ တီကၠးဂှ်ရ ပါဲတးထောံရ။ နကဵုဒဝ်အံၚ်သာန်သုကျဳ အခိၚ်လၟုဟ် ဒပ်ကံၚ်ဇြဳပၞာန်ဂှ် ဒဵုကဵုအခိၚ်လၟုဟ် ဒဝ်အံၚ်သာန်သုကျဳဟေၚ် တိတ်ကၠုၚ်တုဲ သဳကၠဳပရေၚ်ၜိုဟ်လလံညိ။ ကၠောန်မုညိဏောၚ်တှ်ေ ဝၚ်ဒဝ်အံၚ်သာန်သုကျဳလေဝ် စိုပ်အာ နအမှိက်ဏောၚ်။
အလန်ဏံ ညးဍုၚ်ကွာန်တအ်ဂှ် ဟွံဂွံရပုဟ်။ ပ္ဍဲကဵုသမ္မတ NUG ဟီုလဝ်ဂှ် ပါဒၟံၚ်။ ပေါဲသဳကၠဳပ္ညဳပ္ညပ်ဂှ် ညးတအ်ပါဲတးလဝ်ပေၚ်ၚ် ဟွံသေၚ်ပုဟ်။ ယဝ်ရကၠောန်ပေါဲပ္ညဳပ္ညပ်သဳကၠဳ တၚ်ရန်တၟံနွံနွံတှ်ေ ဒပ်ပၞာန် ဒးပါဲတိတ် နူပရေၚ်ဍုၚ်ကွာန်ဏောၚ်။ ဒပ်ပၞာန်ဂှ် အရာဍေံတအ်ကၠောန်လဝ်သီုဖအိုတ် ပရေၚ်ကေတ်လျိုၚ် ပရေၚ်ဒုၚ်လျိုၚ် နွံကၠုၚ် ယဝ်ရဒှ်ဗီုပြၚ်ဏံတှ်ေ ပ္ညဳပ္ညပ်သဳကၠဳဏောၚ်။ လၟုဟ်ပြဟ်ဟ်ဏံ ဒပ်ပၞာန်ဂှ် မိက်ဂွံယှအ်ကဵုဟွံသေၚ်ပုဟ်။ ညံၚ်ဂွံယှအ်ဖျေံလေဝ် ဍေံဟွံချပ်ပုဟ်။ စဵုကဵုလၟုဟ် ကံၚ်ဇြဳပၞာန် တော်လဝ်ပ္ဍဲစိုတ်ဍေံ ပ္ကီုပရာပ်တုဲ ယဝ်ရဆက်ကၠောန်ဏောၚ်တှ်ေ ကဵုဂၠံၚ်တရဴနဲကဲတၞဟ် ကော်သဳကၠဳအာပရေၚ်ၜိုဟ်လလံ။ ဂကောံလ္ၚဵုဂှ် ကၠောန်ပရေၚ်ၜိုဟ်လလံတုဲ ကဵုအခေါၚ်ကၠောန်ပရေၚ်ပိုန်ဒြပ် ဗီုဂှ်တှ်ေ တုဲအာဏောၚ်ဂှ် တော်လဝ် ဒှ်ဂွံရ။ အလန်ဏံဂှ် ဟွံဂွံရပုဟ်။ ဒဝ်အံၚ်သာန်သုကျဳလေဝ် တီကေတ်လဝ် ဒှ်မာန်ရ။ ညာတ်ကေတ်လဝ် ဒှ်မာန်ဒၟံၚ်။
ဗီုဂှ်မှ ဒဝ်အံၚ်သာန်သုကျဳ ဟွံတုပ်သၟဟ်ကဵုညးဍုၚ်ကွာန်တုဲ ယဝ်ရဟီုကၠုၚ်ပ္ညဳပ္ညပ်သဳကၠဳကဵုဒပ်ပၞာန်တှ်ေ ညးဍုၚ်ကွာန်တအ်ဂှ် ညးတအ်ညးတအ် ညာတ်ကေတ်ရ။ ညာတ်ဒၟံၚ်ဇၟောဝ်ဍာ်ပ္ၚံက်ဝၚ်ရ။ ညးလဵု ဍဵုဍိုက်ဒၟံၚ်။ ညးလဵု ဟွံဍဵုဍိုက်ပုဟ်ရောဟီုဂှ်။ ယဝ်ရညးတအ်ဇြဟတ်ဟၟဲဏီတှ်ေ မံၚ်ညိၚ်ဒၟံၚ်ဏီ။ ဇြဟတ်ညးတအ်နွံတိုန်ဗက် ညးတအ်ဆက်ကွာ်အာဏောၚ်။ ပရေၚ်ပၠန်ဂတးက္ညၚ်ပိုဲ စိုပ်ဒၟံၚ်ပ္ဍဲဂၠံၚ်တရဴဝၚ်မွဲပ္ၚံက်ရ။ ဟိုတ်ဂှ်ရ ယဝ်ဒဝ်အံၚ်သာန်သုကျဳ တးပါဲထောံဂၠံၚ်တရဴဏံတှ်ေ ဒဝ်အံၚ်သာန်သုကျဳလေဝ် ဒးတးပါဲထောံဂှ်ရ။ ဒဝ်အံၚ်သာတ်သုကျဳလေဝ် ကွာ်ဗက်အာအတိုၚ်ဂၠံၚ်တရဴဂှ်ဏောၚ် ဟွံထေၚ်ပုဟ်။ မုညးဍုကွာန်တအ်ကၠောန်ဒၟံၚ်ရော လ္ၚတ်ဏောၚ် ညံၚ်ဂွံတီ ကၠောန်ဏောၚ်။ ဒတူလာၚ်မွဲကရောံညးဍုၚ်ကွာန်ဏောၚ် အဲထေၚ်ကေတ်ရ။ ပါလုပ်ဒၟံၚ် ပ္ဍဲတၚ်လလောၚ်တြးဂှ်တှ်ေ လ္ပာ်မေန်အံၚ်လှာၚ်တအ် အာတ်မိက်လဝ် သွက်ဂွံရီုဗၚ်ကဵု ညံၚ်ဂွံဒေါံပန်ပှော် သွက်ဂွံၜိုဟ်လလံကဵု ဂကောံသၟဝ်ကျာ နွံပ္ဍဲပယျဵုတအ်ရ။ ညးဍုၚ်ကွာန်တအ် သဳကၠဳဒၟံၚ် ကိစ္စပရေၚ်ၜိုဟ်လလံရ။ သွက်ဂွံကၠောန်အရာဏံဂှ် ဒးကေတ်ဒၟံၚ်အခိၚ်ဏီ။ မုမဏီ နွံဏောၚ်။ တၚ်ရန်တၟံခိုဟ်ဟ်တၞဟ် ဗီုပြၚ်နွံ ဟွံသေၚ်ပုဟ်။
၄။ ဃောညးစၞးတၟေၚ်ကြုက် ဆဵုဂဗလဝ်ကဵုဒဝ်အံၚ်သာန်သုကျဳဂှ် မုဟီုဂးလဝ် နွံမာန်ရော။ သွက်ဂွံဆဵုဂဗသဳကၠဳအာ ဗတိုက်ဖ္အောဝ်ဏာ မာန်ဟာ။ လ္တူဏံ ဗီုလဵုညာတ်ကေတ်ရော။
ဝန်ဇၞော်ဍုၚ်သ္အာၚ်သေံလေဝ် ဆဵုလဝ်ကဵုဒဝ်အံၚ်သာန်သုကျဳ ဍာံဍာံရလေဝ်။ အခိၚ်ဂှ်လေဝ် မုဒဝ်အံၚ်သာန်သုကျဳဟီုလဝ်ရောတှ်ေ ဝန်ဇၞော်ဍုၚ်သ္အာၚ်သေံ ဟွံဂံၚ်ဟီု ဂံၚ်ၚ်ပုဟ်။ ချိုတ်ပၠိုတ်မွဲဂှ် အရေဝ်ညးတေံဒးစိုတ် ဒဝ်အံၚ်သာန်သုကျဳ ဟွံဂွံဟီုလဝ်ပုဟ်။ ကြုက်လေဝ် ဗီုဂှ်ရ။ ဒဝ်အံၚ်သာန်သုကျဳဂှ် ညးဟီုပ္တိတ် အရေဝ်ကံၚ်ဇြဳပၞာန်ဒးစိုတ်မာန်ဏောၚ် ဟွံထေၚ်ပုဟ်။
၅။ အလန်လကြဴအိုတ်ဏံ ဂိတုဂျူာၚ်စၟတ်တ္ၚဲ(၃၁)ကၠုၚ်စိုပ်ဂတဏံ အာယုက်ကာလကာတၟေၚ်အိုတ်ရဏောၚ်ဟီုတှ်ေ အကာဲအရာကၟိန်ဍုၚ်ဗၟာ မုဆက်ဒှ်ကၠုၚ်မာန်ရော။
အဲဂှ်တှ်ေ ပြဟ်ဟ်ဏံ မုဟွံညာတ်လဝ်ဏီ။ ကံၚ်ဇြဳပၞာန်ဂှ် ရံၚ်ကေတ်ကဵု ကမၠောန်ဍေံတှ်ေ ဒှ်ဒၟံၚ် ကၟုက်က်ကၟဝ်ကၟဝ်ဏောၚ်။ လုကဴလ္ပာ်ဍေံ ဟွံယှအ်ကဵုတှ်ေ လ္ပာ်ပိုဲ မုလေဝ် သွက်ဂွံဒှ်ကၠုၚ်ဟၟဲပုဟ်။ ညံၚ်လစွံစိုတ်သ္ဇိုၚ် ဍေံဂွံပြံၚ်သၠာဲဂှ် ပိုဲဒးကဵုအာဇြဟတ်ဓရိုဟ်ဏောၚ်။ ညးကၠောန်ပၠန်ဂတးရပ်လွဟ်ဂှ် ကၠောန်၊ ညးသ္ပ CDM ဂှ်သ္ပ၊ သီုညးဖအိုတ် ကမၠောန်ဒးကၠောန်ကဵုဇြဟတ်ဓရိုဟ်ဂှ် ညံၚ်ဂွံဆက်ကၠောန်အာရ ပြဟ်ဟ်ဏံ ဂွံဒှ်ကၠုၚ်ဇၞော်ဇၞော် ဟၟဲဏီပုဟ်။
+++++++++++++++++=