မနဳလာ၊ မာတ် ၂၆
ဒစဵုဒစး တၚ်သ္ဂုတ်သွာတ်ရုၚ်သၞောဝ်ဓဝ်ဍုင်သ္အာင် သ္ဂောံသောၚ်ကလးပရေင်ကယျာန်ဓဝါန်ဂှ်တုဲ ဂလာန်ကြုက်ဟီုဒၟံၚ် ဒဒှ်ရညးတံပိုၚ်လဝ်အဝဵုအပိုၚ်အခြာ ၜဳကြုက်သၠုၚ်ကျာ ကြပ်ဖအိုတ်ဂှ် ပ္ဍဲဂိတုမာတ် ၂၅ တေံ ဝန်ဇၞော်ကာစဵုဒၞါဖဳလေတ်ပေန် ဒစဵုဒစးလဝ်ရ။
ဒပ်မၚ်ပြၚ်ၜဳကြုက် ရပ်စပ်ပိုက်သိုဟ်ပၠိုတ်ပၟတ်တံဂှ်တုဲ ဟိုတ်နူလၞိန်ဗပိန်လဝ် ဒပ်မၚ်ပြၚ်ၜဳဖဳလေတ်ပေန်တံဂှ်ရ ကောန်ဒပ် ၃ တၠ ဇီုကပိုက်ကလိဂွံလဝ်ဝပ်ဂှ် ဒပ်ပၞာန်ဖဳလေတ်ပေန် ဟီုလဝ်ရ။
သၞာဲဒဴဂီုကၠီုကောန်ဂကူဖဳလေတ်ပေန်ဂှ် စပ်ကဵုပရေၚ်ကယျာန်ဓဝါန်ၜါဍုၚ်တုဲ သၞာဲဒဴကဆံၚ်လ္တူတံ သဳကၠဳလဝ်ဂှ်ဝွံ က္တဵုဗဒှ်ကဵုဖဵု အကြာၜါဍုၚ်ဏောၚ်ဂှ် သ္ဂးလဝ်ရ။
ရေၚ်တၠုၚ်ကေတ်လဝ်အရေဝ် ကုက္ၜၚ်ဖဳလေတ်ပေန်တံရောၚ် ဒပ်ပၞာန်ကြုက် ဟီုလဝ်ရ။ ဂလာန်ကြုက် ဒစဵုဒစးဂၠးတိတုဲ ဟီုဒၟံၚ်တံဂှ်လေဝ် ဖဳလေတ်ပေန် ဒစဵုဒစး ဟီုဗျိပၠုတ်လဝ်ရ။
က္ၜၚ် ပ္တိတ်ဒၟံၚ်ဇြဟတ် သ္ဂောံပလံၚ် ကပေါတ်ထံက်ပၚ် လ္တူက္ၜၚ်လီုလီု ဗ္ဒါဲအပိုၚ်အခြာဒေသပရေၚ်ပိုန်ဒြပ်ဗွဲတၟေၚ် ဖဳလေတ်ပေန်ဂှ် ကြုက်တံ ရပ်စပ်စကာနဲကဲနာနာတုဲ ပထုဲပလာပ်ဒၟံၚ်ရ။
ကြုက် သ္ဂးလဝ်ဒဒှ်ရညးတံပိုၚ် အလုံၜဳကြုက်သၠုၚ်ကျာမွဲဂှ် နကဵုဖဳလေတ်ပေန် ပ္တိတ်ဒၟံၚ်ဇြဟတ် သွက်ဂွံသၠဲတိဍာ် ပ္ဍဲၜဳကြုက်သၠုၚ်ကျာဏောၚ်ဂှ် စောတ်စောဲလဝ်ရ။
ဝန်ဇၞော်ကာစဵုဒၞါဖဳလေတ်ပေန်ဂှ် ရဲလုပ်စိုပ်ကၠုၚ် ပ္ဍဲတိဍာ်ပိုယ်တံဂှ်ဝွံ ဒှ်ဍေံတံရဏောၚ်ဂှ် ကလေၚ်ဟီုလဝ်ရ။
ပ္ဍဲသၞာံ ၂၀၁၆ တုဲကၠုၚ်တေံ ရုၚ်သၞောဝ်ဓဝ်ဍုၚ်သ္အာၚ် စပ်ကဵုပရေၚ်ကယျာန်ဓဝါန်ဂှ် တးပါဲလဝ် ဂလာန်ကြုက် ဒဒှ်ရညးတံပိုၚ် အလုံၜဳကြုက်သၠုၚ်ကျာဂှ်ရ။
Ref: Reuters