သဵု(လ်) ၊ ဒဳဇြေမ်ဗာ ၆
စပ်ကဵုလလောၚ်တြးကၠုၚ် ပရေၚ်အုပ်ဓုပ်ပၞာန်ဂှ်တုဲ နူကဵုဒပ်ဗၠာဲသၟိၚ်တံ ဒဒှ်ရစၟဳတ်ဒၟံၚ် သမ္မတကိုဝ်ရဳယျာသၠုၚ်ကျာ ယောန်သက်ယော နကဵုဂဗုတ်က္တဵုသပုန်ဂှ် ဂွံတီကေတ်ရ။
စပ်ကဵုသမ္မတ လလောၚ်ပ္တိတ်ကၠုၚ် သၞောဝ်အုပ်ဓုပ်ပၞာန်ဂှ်တုဲ အခိၚ်အမာတ်ကၠတ်ထဝ်ဂမၠိုၚ် စၟဳတ်သၟာန်သၟုက် ကုသၞာဲဒဴစပ်ကဵုလ္ပာ်ပၞာန်တံဂှ် မၞိဟ်ဂွံတီကေတ်လဝ်ပရူဏံဂှ် နွံညိညရတုဲ ဝန်ဇၞော်ကာစဵုဒၞါဝွံ ဌာန်ပရိုၚ်ဂမၠိုၚ် ထ္မံက်ထ္ၜးကၠုၚ် တၚ်လလောၚ်တြးဏံမှ ဒဒှ်ရဂွံတီကေတ်ဂှ် ဟီုလဝ်ရ။
ဟိုတ်နူပါလုပ်ဆက်စပ်လဝ် ပ္ဍဲကဵုပြဝသမ္မတ သ္ဇက်မ္ဒးဖေက်လကိုတ်ဏံဂှ်တုဲ ဝန်ဇၞော်ကာစဵုဒၞါဂှ် ဒုၚ်ဂုန်တုဲ ဒဒှ်မနုက်တိတ်နူကဆံၚ်ဌာနန္တရညးဂှ် သမ္မတ ဒုၚ်လဝ်တဲရ။
တၚ်လလောၚ်တြး သၞောဝ်အုပ်ဓုပ်ပၞာန် သမ္မတယောန်သက်ယောဂှ် ကၠတ်ထဝ် ကော်ကောံဓရီုကာမံက်တိုန်တုဲ ပါ်မာဲသ္ဂုတ်သွာတ်တုဲ ဒစဵုဒစးလဝ်ရ။ ကြဴနူဂှ်တုဲ သမ္မတဝွံ ဟီုကၠုၚ်ဂလာန် ဂတညးဂမၠိုၚ်ဂှ်ဟွံမွဲဏီတုဲ ဂကောံလ္ပာ်ဒစဵုဒစးတံဂှ်တှ်ေ သွက်ဂွံပလှ်ဖျေံညးဂှ် သဳကၠဳချပ်ဂၞန်ဒၟံၚ်ညးသ္ကအ်ယျ မဒှ်ရ။
ပွမစောဲစပ်ပ္တိုန်ဒုဟ် နူကဵုဗော်ဒစဵုဒစးတံဂှ်ဝွံ ဒှ်ကၠုၚ် ပ္ဍဲဂိတုဒဳဇြေမ်ဗာ ၇ ဏံမာန်ရ။
နကဵုဗော်ဒစဵုဒစးဂမၠိုၚ် သွက်ညးတံဂွံဂွံဇၞးဂှ် နွံပၟိက်ကဵု ပရေၚ်ထံက်ဂလာန် အမာတ်ကၠတ်ထဝ် နူကဵုဗော်ဂွံအဝဵု People Power Party တံ ၈ တၠရကီုလေဝ် ဗော်သမ္မတဂှ်တှ်ေ တာဒၞါအာ ပြဝဗော်ဒစဵုဒစးတံဏောၚ်ဂှ် ဟီုလဝ်ရ။
ဥက္ကဌဗော်ဒြဟတ်ညးဍုၚ်ကွာန် People Power Party ဂှ်တှ်ေ အာတ်မိက်လဝ် ညံၚ်ယောန်သက်ယော ဂွံတိတ်နူကဵုဗော် မဒှ်ရ။
Ref: BBC