နျူယျံက်၊ ဂျာန္နဝါရဳ ၂၈
စၟယဲကဝ်ဝေဒ်ဝွံ နူကဵုက္တဵုဒှ်ကၠုၚ် အတိုၚ်သဘာဝဂှ် ပြးထၞာန်ကၠုၚ် နူကဵုဗ္ဒမ်ပါ်ဓာတ် ဒှ်မာန်ရောၚ် အေဂျေန်ဇြဳထံၚ်ပရိုၚ်အမေရိကာန် CIA ဟီုလဝ် ပ္ဍဲဂိတုဂျာန္နဝါရဳ ၂၅ တေံရ။
စၟယဲကဝ်ဝေဒ်ဏံဝွံ ဒှ်ကၠုၚ်အတိုၚ်သဘာဝဟာ၊ သီုဟွံထေၚ်လဝ်မွဲသာ် ပြးထၞာန်ကၠုၚ် နူကဵုဗ္ဒမ်ပါ်ဓာတ်ဟာဟီုဂှ် CIA စၟဳတ်ဂၠိုက်ဂၠါဲကၠုၚ် သၞာံလအ်ကီုလေဝ် တၚ်သ္ၚဳဂၠိပ်ချိုတ်တ်ပၠိုတ်တ်ဂှ် ထ္မံက်ပ္တိတ်လဝ်ဟွံမာန်ရ။
ဆ္ဂး အခိၚ်အလဵုအသဳဗိုၚ်ဒေန် ကြပ်တိတ်ဂှ် သ္ကိုပ်စၞောန်ပ္ညုၚ်တြေံ CIA ဝဳလဳယာန် ဗာန်ဂှ် အာတ်မိက်လဝ် ညးလ္ၚတ်ဂမၠိုၚ် ကေုာံ တၠပညာသိပ္ပံတံ သွက်ဂွံသ္ဂုတ်သွာတ်ကဵု ပိုတ်တ်သ္ကုတ်တ်ရ။
ရာဇဝၚ်ယဲကပ်ဂၠးကဝ် စဒှ်ကၠုၚ်နူဍုၚ်ကြုက် ဍုၚ်ဝူဟာန်ဂှ်ဝွံ ဒဒှ်ရပၟိက်ဇၞော်ဂှ် သ္ကိုပ်စၞောန်ပ္ညုၚ် ဝဳလဳယာန် ဗာန် ဟီုလဝ်ရ။
စပ်ကဵုဂလာန် CIA ဟီုကၠုၚ်သာ်ဏံဂှ်တုဲ သွက်ဂွံကလေၚ်ကဵုပရိုၚ်မမိက်ကဵုမွဲမွဲဂှ် ဆက်စၠောံလဝ် ရုၚ်ကလုတ်ကြုက် ဍုၚ်ဝါယှေန်တာန်ကီုလေဝ် ခၠေဝ်ပလန်ကၠုၚ် ဟွံမွဲရ။
တၚ်နၚ်ပရိုၚ်တၟိတၟိ စပ်ကဵုတမ်ရိုဟ်ကဝ်ဝေဒ်တံဂှ် အေဂျေန်ဇြဳလဵု ပကောံပကေဝ်လဝ်ရောဟီုဂှ် ဟွံဂွံတီကေတ် သောၚ်ၚ်ကၠးကၠးတုဲ သွက်တၚ်သ္ၚဳဂၠိပ်လက္ကရဴအိုတ်ဂှ် ရပ်စပ်လဝ်သက်သဳသာ်လဵုရောဟီုဂှ်လေဝ် ဟွံဂွံတီကေတ်ရ။
အလဵုအသဳကြုက်ဂှ်တှ်ေ ဂွံတီကေတ်တမ်ရိုဟ်ယဲကပ်ကဝ်ဝေဒ်မာန်ဂှ် ပ္ဍဲပရေၚ်လ္ၚတ်ဂၠိုက်ဂၠါဲတံဂှ် သီုကဵုရီုဗၚ် သီုကဵုပါလုပ်ရေၚ်တၠုၚ်ကဵုလဝ်ရောၚ် ဟီုလဝ်ရ။
ဟိုတ်ဍေံဂှ်တှ်ေ အေဂျေန်ဇြဳထံၚ်ပရိုၚ်အမေရိကာန် ဂၠိုက်ဂၠါဲစၟဳတ်ဒၟံၚ်ဂှ်တုဲ ကြုက်ဂှ်တှ်ေ ကိစ္စဏံ ညံၚ်ဂွံဒှ်ကိစ္စပရေၚ်ဍုၚ်ကွာန်ဂှ် အမေရိကာန်ကၠောန်ဒၟံၚ်ရောၚ် စောဲစပ်လဝ်ရ။
စၟယဲဗိုၚ်ရာသ် မက္တဵုဗဒှ်ကဵုယဲကပ်ဂၠးတိဂှ်ဝွံ ပြးထၞာန်ကၠုၚ် နူဗ္ဒမ်ပါ်ဓာတ်ရောၚ် ဂလာန်သာ်ဏံဝွံ ပတှ်ေဟွံဂွံပုဟ်ဂှ် အလဵုအသဳကြုက် ကေၚ်ဟီုလဝ်ကၠာတေံရ။
သ္ကိုပ်စၞောန်ပ္ညုၚ် CIA ဂျောန် ရက်ကလေပ်ဂှ်တှ်ေ စၟယဲဏံဝွံ ပြးထၞာန်ကၠုၚ် နူကဵုဗ္ဒမ်ပါ်ဓာတ်ရောၚ် ဒဒှ်ရညးတံဒုၚ်ဂိုၚ်ကေတ်ဂှ် ဟီုရ။
ညံၚ်ညးဂမၠိုၚ် ဂွံတီကေတ် တမ်ရိုဟ်ယဲကဝ်ဝေဒ်ဂှ် ကဵုက္ဍိုပ်တုဲ ဂိုတ်ဂ္စါန်အာဏောၚ် သ္ကိုပ်စၞောန်ပ္ညုၚ် ဂျောန်ရက်ကလေပ် ဟီုလဝ်ရ။
Ref: Reuters