မဝ်သကိုဝ်၊ ဨပရဴ ၂၆
ကိစ္စလ္ၚဵုတအ်ဂှ်တှ်ေ ဒးရေၚ်တၠုၚ် ညံၚ်ဂွံဒှ်ခိုဟ်ဟ်ဂေါဝ်ဝ်ဂှ် နွံပၟိက်ကီုလေဝ် ညံၚ်ပေါဲပၞာန်ယူကရုၚ် ဂွံတုဲဒှ်အာဂှ် ဂွံကေတ်တၚ်တုပ်စိုတ် ကုအမေရိကာန်ဂှ် ဒှ်ဒၟံၚ်ဒတုဲရောၚ် ဝန်ဇၞော်ကာဍုၚ်သ္အာၚ်ရုယှာ သာဂျဳလက်ဗရတ် ဟီုရ။
အတိုၚ်သမ္မတအမေရိကာန် မချပ်လဝ်ဂှ် ညးတံလေဝ် ပတှ်ေစှ်ေစိုတ်တုဲ နကဵုညးတံ ဂါံကွာ်အာဒၟံၚ် ဇရေၚ်ဂၠံၚ်တရဴမဍာံပြဂှ်ရောၚ် ဝန်ဇၞော်လက်ဗရတ် သ္ဂးရ။ အကြာဏံ ညးစၞးတၟေၚ် သမ္မတဒဝ်နေဝ်ထြာမ် သတိဗ်ဝတ်သကပ် သဳကၠဳဒၟံၚ် ကုသမ္မတရုယှာ ပ္ဍဲမဝ်သကိုဝ်ရ။
ပ္ဍဲယူကရုၚ်ဂှ်တှ်ေ မြုဝန်ဍုၚ် ဗဳတာလဳကလေတ်ကိုဝ် ကဵုကၠေံတိဍာ် ကုရုယှာတုဲ ဒးကေတ်တၚ်တုပ်စိုတ်ပရေၚ်ၜိုဟ်လလမ်ထေက်ရောၚ် ဟီုဒၟံၚ် ပ္ဍဲဍုၚ်ဇၞော်ကိဗ်ဂှ် ဂွံဆဵုကေတ်ရ။ ဆ္ဂး ကဵုကၠေံရုယှာ ဒေသခရိုၚ်မဳယျာဂှ်တုဲ ဒဒှ်မကော်ဘိက်ကၠုၚ် သ္ဂောံကေတ်တၚ်တုပ်စိုတ်ပရေၚ်ၜိုဟ်လလမ်ဂှ်ဝွံ သမ္မတယူကရုၚ် ဇြဳလာန်သကဳ တးပါဲလဝ်ရ။
သ္ဂောံဒေါအ်ပန်ပှော်ဂှ် ဟီုဂးသဳကၠဳဒၟံၚ် နွံကီုလေဝ် ရုယှာ ဆက်ဗ္တိုက်ဒၟံၚ် ယူကရုၚ်ဖိုဟ်တုဲ ကောန်အရာပ်ဂမၠိုၚ် ဆက်တုဲလမျီုဒးအိုတ်ဒၟံၚ်ရ။
ဒဝ်နေဝ်ထြာမ်ဂှ်တှ်ေ အခိၚ်ကာလစန်ဒက်ပေါဲရုဲမာဲတေံ ဟီုကၠုၚ်လဝ် ပတုဲဒှ်ကၠေံပေါဲပၞာန်ယူကရုၚ် အပ္ဍဲပွိုၚ် ၂၄ နာဍဳဏောၚ်ကီုလေဝ် ပြဟ်ဟ်ဏံ ယဝ်ရအကာဲအရာပရေၚ်သဳကၠဳဂှ် ဟွံတောတက်ကၠုၚ်မ္ဂး သၠးပွးကၠေံ နဒဒှ်ဍုၚ်မလုပ်အကြာ ပ္ညဳပ္ညပ်ကဵုဂှ်ဏောၚ်ဂှ် ဟီုလဝ်ရ။
သမ္မတဒဝ်နေဝ်ထြာမ်ဂှ်တှ်ေ ဟွံဂွံတၚ်တုပ်စိုတ်ဒေါအ်ပန်ပှော် ဟွံသေၚ်မ္ဂး ဟွံဂွံတၚ်တုပ်စိုတ်ပရေၚ်ၜိုဟ်လလမ်ဂှ်ဏီဂှ်ရ ပ္တိုန်ဒုဟ်ဟီုကၠုၚ်ဒၟံၚ် သီုဇြဳလာန်သကဳ သီုပူတေန်ရ။
Ref: BBC