ဗေကျေန်၊ ဨပရဴ ၂၇
စပ်ကဵုအကံက်အခေါန် အမေရိကာန် စၞောန်ပျးလဝ်ဂှ်တုဲ ဒတူလိုၚ်အာ လ္ပာ်သၞောဝ်ဥပဒေ ဍုၚ်နာနာတံဏောၚ်တုဲ ဒဒှ်ရဒစဵုဒစး ကုဝါဒစဵုဒၞါဒတုဲဖဵုပူဂဵုတံဂှ်ဏောၚ်ဂှ် ဝန်ဇၞော်ကာဍုၚ်သ္အာၚ်ကြုက် ဝါန်ယိ ဟီုလဝ် ပ္ဍဲဂိတုဨပရဴ ၂၆ တေံရ။
မ္ၚးပေါဲသဳကၠဳ ဝန်ဇၞော်ကာဍုၚ်သ္အာၚ် ဒေသကြုက်−အာယှဗဟဵု မကၠောန်ဗဒှ်လဝ် ပ္ဍဲဍုၚ်ကာဇြက်သတာန်ဂှ် စပ်ကဵုအခေါန်ဖလှာတုဲ နကဵုဗေကျေန် ဒဒှ်ရဒတူလိုၚ်အာ မွဲကရောံဍုၚ်တၞဟ်သ္အာၚ်တံဏောၚ်တုဲ ညံၚ်အတ္တဝါဒ ကေုာံ ပရေၚ်သ္ပမာန်ဍဵုဍိုက် နူကဵုဍုၚ်လ္ၚဵုလ္ၚဵုတံ ဂွံပြာကတ်ကၠုၚ်ဂှ် ကၠောန်အာဏောၚ် ဟီုလဝ်ရ။
စပ်ကဵုပရေၚ်သွံရာန်ဗၞိက်တုဲ ဒဒှ်ရကြုက်ကဵုညးတံ သဳကၠဳဒၟံၚ်ဂှ် ထြာမ် ဟီုလဝ်ကီုလေဝ် ဗေကျေန် ကလေၚ်ခၠေဝ်ကၠုၚ်လဝ် ဒဒှ်ရသဳကၠဳလဝ်ဟွံမွဲရ။
စပ်ကဵုပရေၚ်သွံရာန်ဗၞိက်တုဲ ဒဒှ်ရသမ္မတကြုက် ယှဳကျေန်ဖျေန် ကေတ်နၚ်အဆက် ကုညးဂှ် ထြာမ် ဟီုလဝ်ရ။
နကဵုဗေကျေန် ဒတူလိုၚ်အာ ကရောံဍုၚ်တၞဟ်သ္အာၚ်ဂမၠိုၚ်ဏောၚ်တုဲ ညံၚ်ဂၠးတိ ဂွံညိၚ်ဝတ် ထိၚ်ဒဝ်အာ ပရေၚ်ဍုၚ်နာနာဂမၠိုၚ် မပါလုပ်ဂှ်ဏောၚ်ဂှ် ဝန်ဇၞော် ဝါန်ယိ ဟီုရ။
သမ္မတထြာမ်ဂှ်တှ်ေ ကံက်ဂလိုၚ်ပ္တိုန်အာအခေါန်ဖလှာ လ္တူဍုၚ်မသွံရာန်ဗၞိက်ကုအမေရိကာန်တံဂှ်ကီု သီုကဵုဍုၚ်ဗွဲမဂၠိုၚ်ဂှ်တုဲ ဖအောန်ဖျေံအာ အရာမနွံပၟိက်ဒၟံၚ်သြန် ပ္ဍဲပရေၚ်သွံရာန်ဗၞိက်တံဂှ်ဏောၚ်ဂှ် ဟီုလဝ်ရ။
ဟိုတ်နူအခေါန်ဖလှာအမေရိကာန်တုဲ အလုံဂၠးမွဲ ဗွဝ်ဖျာ ဟွံညိၚ်ဝတ်ဒှ်အာတုဲ အကြာညးမရပ်စပ်စသုၚ်တံကဵု ညးဓလိုက်တမ်ရိုဟ်တံဂှ် ပရေၚ်မဒှ်ဓဝိၚ်တံ က္တဵုဒှ်ဒၟံၚ်ရ။
Ref: Reuters