လတ်အာန်ဂျလိသ်၊ ဂျောန် ၁၂
အပ္ဍဲပေါဲထ္ၜးဆန္ဒ မဒစဵုဒစး လ္တူပရေၚ်ဍိုက်ဗ္တိုက် ကုညးဆုဲပြံၚ်မံၚ်တန်တဴတံဂှ် နဒဒှ်ကလေၚ်ခၠေဝ်ပလန်ကၠုၚ် လ္တူပွပကီုပရာပ် ကေုာံ ပရေၚ်ပၠံၚ်ၜးတံဂှ်တုဲ ပ္ဍဲဒေသလဒေါဝ်ဍုၚ်လတ်အာန်ဂျလိသ်ဂှ် မြုဝန်ဍုၚ် ကာရေန်ဗာတ် လလောၚ်ပ္တိတ်လဝ်အမိၚ်တိတ်ဗ္တံဟွံဂွံရ။
ကၠာပေါဲထ္ၜးဆန္ဒ မစဳဇန်လဝ် ပ္ဍဲတွဵုရးတက္ကသက် ဟွံဂွံဒှ်ဂှ် သ္ကိုပ်အုပ်ဓုပ် ဖျေံစွံလဝ် ကောန်ဂကောံမၚ်မွဲကောန်ဂကူရ။
ပေါဲထ္ၜးဆန္ဒ အကြာဏံဝွံ ဗျာပ်တြးအာ စဵုကဵုဍုၚ်ဇၞော်အမေရိကာန် တၞဟ်ဟ်တံဂှ်တုဲ ပ္ဍဲနျူယျံက် မၞိဟ်ဒးဒုၚ်ရပ် နွံဒၟံၚ်တၟာဂလိုၚ်ရ။
ပ္ဍဲကဵုဂလာန်မဟီုလဝ် နူကဵုထဳဝဳဂှ် သ္ကိုပ်အုပ်ဓုပ်တွဵုရး ဂဴလဳဝှဝ်နဳယျာ ဂါဗဳနျူသောန် ဟီုလဝ် ဟိုတ်နူဒဝ်နေဝ်ထြာမ်တုဲ ပ္ဍဲဍုၚ်လတ်အာန်ဂျလိသ် အကာဲအရာပရေံကၠုၚ်လဝ်ရ။
ပ္ဍဲဍုၚ်လတ်အာန်ဂျလိသ် ကြဴနူအမိၚ်တိတ်ဗ္တံဟွံဂွံ လမျီုလုပ်တုဲဂှ် ပ္ဍဲဍုၚ်ဂှ် မၞိဟ်ဗွဲမဂၠိုၚ်ဂၠေၚ် ဆက်နွံဒၟံၚ်တုဲ တိတ်ဒးမ္ၚးမွဲလစုတ်ဟာ ဒစဵုဒစးအမိၚ်တိတ်ဗ္တံဟွံဂွံဂှ်ဟာဟီုဂှ် ဟွံဂွံတီကေတ်ရ။
ကြဴနူဂလိုၚ်ပ္တိုန်ဇြဟတ်ကောန်ဒပ်ၜါဆတုဲ ဖျေံစွံလဝ် ပ္ဍဲဍုၚ်လတ်အာန်ဂျလိသ်တုဲဂှ် ပေါဲထ္ၜးဆန္ဒဂမၠိုၚ်ဝွံ ဒှ်ပွဗ္တိုက်ပရေၚ်ၜိုဟ်လလမ် ကေုာံ ပရေၚ်သၞောဝ်ဥပဒေအုပ်လဒံဏောၚ်ဂှ် ထြာမ် ဟီုလဝ်ရ။
ပေါဲထ္ၜးဆန္ဒ မဒစဵုဒစး လ္တူပရေၚ်ဍိုက်ဗ္တိုက် ညးဆုဲပြံၚ်မံၚ်တန်တဴ ပ္ဍဲဍုၚ်လတ်အာန်ဂျလိသ်ဂှ်ဝွံ ပြးထၞာန်အာ စဵုကဵုဍုၚ်နျူယျံက်ကဵု ဍုၚ်ဇၞော်တၞဟ်သ္အာၚ်ဂမၠိုၚ်ရ။
ပေါဲထ္ၜးဆန္ဒ ပ္ဍဲနျူယျံက် ဗွဲမဂၠိုၚ်ဝွံ ဒှ်လဝ် ၜိုဟ်ဟ်သြိုဟ်ဟ်ကီုလေဝ် မၞိဟ်ဗွဲမဂၠိုၚ် ဒးဒုၚ်ရပ်လဝ်ရောၚ် သက်သဳဂွံညာတ်ကေတ်နမတ်ဂမၠိုၚ် ဟီုရ။
ပ္ဍဲဍုၚ်လတ်အာန်ဂျလိသ်ဂှ် ဒပ်ဗၠာဲသၟိၚ် ပသောၚ်ဒၟံၚ် မွဲဂၠံၚ်တုဲမွဲဂၠံၚ်တုဲ ပန်ပှော်ဒၟံၚ်မကမ်ရာပါ မွဲဏှမွဲဏှရ။
ပ္ဍဲကဵုဒၞါဲ မပ္တိတ်လဝ်အမိၚ်တိတ်ဗ္တံဟွံဂွံဂှ် ပါဲနူသၟာပရိုၚ်ဂမၠိုၚ်တုဲ ညးလဵုမွဲဟွံဟီု ညးတံရပ်ဂွံဂှ် ဒပ်ဗၠာဲသၟိၚ်လတ်အာန်ဂျလိသ် ကဵုလဝ်သတိရ။
Ref: BBC