မဝ်သကိုဝ်၊ ဂျောန် ၁၄
အပ္ဍဲပေါဲပၞာန်ယူကရုၚ် ဒရုၚ်မပါလုပ်ကၠုၚ်ပ္ဍဲကဵုအခန်ကဏ္ဍပၟိက်ဇၞော်ဂှ် ကၠောန်ပ္တိတ်ဗွဲမပြဟ်တုဲ သွက်ဂွံဖျေံစွံလဝ်ကောန်ဒပ်ဒရုၚ် ဗွဲတၞဟ်ခြာ ပ္ဍဲဒပ်ပၞာန်ဂှ် သမ္မတရုယှာ ဗလာဒဳမာပူတေန် ဖ္တိုက်ဖ္အောဝ်လဝ် ပ္ဍဲဂိတုဂျောန် ၁၂ တေံရ။
အပ္ဍဲပေါဲပၞာန်ဏံ ဒရုၚ်ဂှ် ပါလုပ်ကၠုၚ်ဒၟံၚ် နူအခန်ကဏ္ဍပၟိက်ဇၞော်ဂှ်ယျတုဲ နကဵုညးတံ ကၠောန်ပ္တိတ်ဒရုၚ်ကဆံၚ်သၠုၚ်ၚ် ဗွဲမပြဟ်တုဲ ဒးဖျေံစွံလဝ် ပ္ဍဲဗလးမုက်ပၞာန်ထေက်ဂှ် သမ္မတပူတေန် ဟီုရ။
အပ္ဍဲပေါဲပၞာန် ပွိုၚ်ပိသၞာံပြၚ်ဏံ သီုၜါလ္ပာ် သုၚ်စောဲကၠုၚ်ဒၟံၚ်ဒရုၚ် လှဲလှဲလးလးရ။
တုဲကၠုၚ်ဟွံလအ်ဏီ ယူကရုၚ် ထ္ပက်လုပ်စိုပ်ကၠုၚ် အပ္ဍဲဍုၚ်ရုယှာ ဇြိုဟ်ဟ်နက်က်တုဲ ဟိုတ်နူဗ္တိုက်လဝ် က္ၜၚ်ကျာထောံမခတိုဟ်ရုယှာ နကဵုဒရုၚ်တုဲ ပရေၚ်ဇီုကပိုက်လီုလာ် မ္ဒးဂၠိုၚ်လဝ်ရ။
သမ္မတယူကရုၚ် ဗိုဝ်လိုဝ်ဒဳမာ ဇြဳလာန်သကဳဂှ်လေဝ် သွက်ဂွံကၠောန်ပ္တိတ်ဒရုၚ်ကဆံၚ်သၠုၚ် အပ္ဍဲဍုၚ်မာန်ဂှ် ဒဒှ်ရပၟိက်ဇၞော်ဂှ် ကေၚ်ဟီုလဝ်ရ။
သွက်ဂွံဒက်ပ္တန်ဂကောံဒရုၚ်ဇၞော်မွဲဂှ် ပ္ဍဲသၞာံ ၂၀၂၅ ပွိုၚ်ပိဂိတု နူဂိတုဂျူလာၚ် စဵုကဵုဂိတုသေပ်တေမ်ဗာဂှ် ဒှ်ကၠုၚ်မာန်ရောၚ် ဝန်ဇၞော်ကာစဵုဒၞါရုယှာ ဟီုရ။
နကဵုဒပ်ပၞာန်ရုယှာ သွက်ဂွံကၠောန်ပ္တိတ် သၞောတ်စဵုဒၞါဘဲပၞာန်ကျာဂှ်လေဝ် ပၟိက်ဇၞော်တဴဂှ် ပူတေန် ဟီုလဝ်ရ။
ဂကူလွဟ်သာ်လဵုဟွံဟီု သွက်ဂွံဗ္တိုက်အာ ဗွဲမစိုပ်တရဴမာန်ဂှ် ပၟိက်ဇၞော်တဴရောၚ် ပူတေန် ဟီုလဝ်တုဲ သွက်ဂွံဖျေံစွံလဝ် လွဟ်ဒပ်တိုက်၊ ဒပ်ဍာ်၊ ဒပ်ကျာ ဗွဲမစှ်ေကဵုဗျူဟာဂှ်လေဝ် ဖ္တိုက်ဖ္အောဝ် ဟီုလဝ်ရ။
Ref: Reuters